Ester 1:13 - Chol: I T’an Dios

¹³ Jini rey tsi' pejca año' bʌ i ña'tibal, come i tilel ma'anic chuqui mi' mel che' maxto anic mi' pejcan jini yujilo' bʌ ley yic'ot yujilo' bʌ meloñel.

Chol de Tumbalá Bible

¹³ Jini rey tsi' pejca año' bʌ i ña'tibal, come i tilel ma'anic chuqui mi' mel che' maxto anic mi' pejcan jini yujilo' bʌ ley yic'ot yujilo' bʌ meloñel.

Ester 1:13 Iomraidhean Croise

Ester 1:12

Pero ma'anic tsi' jac'ʌ i pʌyol jini co'ʌl Vasti che' bʌ tsa' tiliyob jini eunucojob. Ma'anic tsi' jac'be i mandar rey. Jini cha'an tsa' mich'a jini rey. Cʌlʌx jax i mich'ajel.

Jeremias 10:7

La' i bʌc'ñañet pejtel winicob ti pejtelel pañimil, come Reyet ti pejtelel tejclum tac. Ma'anic yambʌ, jatet jach.

Daniel 2:12

Tsa' wen mich'a jini rey che' bʌ tsi' yubibeyob i t'an. Tsi' cha'le mandar cha'an mi' tsʌnsʌntelob pejtelel año' bʌ cabʌl i ña'tʌbal chumulo' bʌ ti Babilonia.

Daniel 2:2

Che' bʌ tsa' sʌc'a mach chʌn c'ajalix i cha'an i ñajal. Jini cha'an tsi' pʌyʌ tilel pejtel i winicob año' bʌ cabʌl i ña'tʌbal, yic'ot mu' bʌ i subob chuqui mi' caj ti ujtel, yic'ot xch'ʌcojelob, yic'ot xq'uel ec'ob. Tsi' subeyob cha'an mi' tsictesʌbeñob i sujmlel i ñajal. Tsa' tiliyob ti' tojlel jini rey. Jini rey tsi' subeyob: Tsac cha'le ñajal, pero mach c'ajalix c cha'an c ñajal, che'en.

Daniel 2:27

Daniel tsi' yʌlʌ: Ma'anic winic ti' tojlel jini año' bʌ i ña'tʌbal mu' bʌ mejlel i subeñet chuqui tsa' ñajle, mi xwujt mi xq'uel ec', mi jinic yujil bʌ i pʌs ñuc bʌ i melbal, mi xch'ʌcojel.

Daniel 5:7

Jini rey tsa' caji ti oñel. Tsi' pʌyʌ tilel jini winicob año' bʌ cabʌl i ña'tʌbal, jini xtic'layajob yic'ot jini xq'uel ec'ob. Jini rey tsi' subeyob: ¿Majqui mi' cʌn jini ts'ijbubil bʌ? Mi tsi' tsictesʌbeyon i sujmlel, mi caj cʌq'uen i lʌp wen i t'ojol bʌ i pislel yic'ot ujʌl melbil bʌ ti oro. Che' ja'el mi caj cʌq'uen i ye'tel lʌc'ʌl tic t'ejl, che'en.

Mateo 16:3

Ti sʌc'ajel mi la' wʌl: “Talix ja'al come chʌchʌquix i yebal panchan. Wolix i mʌjquel”, che'etla. ¡Cha'p'ejl jax la' pusic'al! Mi la' ña'tʌben i sujmlel chuqui tac mi la' q'uel ti panchan. ¡Pero mach la' wujilic chuqui woli' yujtel wʌle!

Mateo 2:1

Che' bʌ tsi' yila pañimil Jesús ya' ti Belén ti Judea, che' yumʌl jini Herodes, awilan, tsa' tiliyob ti Jerusalén winicob año' bʌ cabʌl i ña'tʌbal, ch'oyolo' bʌ ti' pasibal q'uin.