Ester 1:12 - Chol: I T’an Dios

¹² Pero ma'anic tsi' jac'ʌ i pʌyol jini co'ʌl Vasti che' bʌ tsa' tiliyob jini eunucojob. Ma'anic tsi' jac'be i mandar rey. Jini cha'an tsa' mich'a jini rey. Cʌlʌx jax i mich'ajel.

Chol de Tumbalá Bible

¹² Pero ma'anic tsi' jac'ʌ i pʌyol jini co'ʌl Vasti che' bʌ tsa' tiliyob jini eunucojob*. Ma'anic tsi' jac'be i mandar rey. Jini cha'an tsa' mich'a jini rey. Cʌlʌx jax i mich'ajel.

Ester 1:12 Iomraidhean Croise

Genesis 3:16

Dios tsi' sube jini x'ixic: Mi caj c wen p'ojlesan a wocol che' cʌntʌbil a walobil. Mi caj a cha'len bajq'uel che' mi' yilan pañimil a walobil. Yom ma' wajñel yic'ot a ñoxi'al. Jini mi caj i subeñet chuqui yom ma' mel.

Ester 1:11

Tsi' subeyob cha'an mi' pʌyob tilel Vasti, jini co'ʌl, che' c'ʌcʌl ti' jol jini corona, i ch'ʌjlib i yijñam rey, cha'an mi' q'uelob pejtel año' bʌ i ye'tel yic'ot pejtel xjula'ob come wen i t'ojol jax i yijñam.

Ester 1:13

Jini rey tsi' pejca año' bʌ i ña'tibal, come i tilel ma'anic chuqui mi' mel che' maxto anic mi' pejcan jini yujilo' bʌ ley yic'ot yujilo' bʌ meloñel.

Ester 7:7

Mich'atax jini rey, tsi' cʌyʌ jini mesa. Tsa' majli ti pʌc'ʌbʌl ti' pam i yotot. Amán tsa' cʌle cha'an mi' c'ajtiben Ester ti wocol t'an cha'an mi' coltan, come tsi' q'uele mux caj i yʌjq'uel ti toj mulil ti' tojlel jini rey.

Salmos 74:1

Dios, ¿chucoch tsa' junyajlel cʌyʌyon lojon? ¿Chucoch wola' mich'len jini tiñʌme' tac am bʌ ti a jamil?

Salmos 79:5

C Yum, ¿jayp'ejl to q'uin? ¿Chʌn mich'et ba ti pejtelel ora? ¿Tsʌytsʌyña ba a mich'ajel che' bajche' c'ajc woli bʌ ti lejmel?

Exodo 32:19

Pero che' tsa' c'oti ya' ba' tempʌbilob, tsi' q'uele ya'an alʌ tat wacax. Woli' soñiñob. Tsa' mich'a Moisés. Ya' ti yebal jini wits tsi' choco jini cha'q'uejl xajlel am bʌ ti' c'ʌb. Tsi' top'o.

Exodo 32:22

Aarón tsi' jac'ʌ: Mach mich'aquet. Cʌmbil a cha'an ili tejclum, wen jontolob.

Proverbios 19:12

Lajalʌch i mich'ajel rey bajche' i t'an bajlum. Lajalʌch i yutslel bajche' ye'eb.

Proverbios 20:2

Lajal i mich'ajel rey bajche' i t'an bajlum. Jini mu' bʌ i techben i mich'ajel mi caj i toj.

Daniel 2:12

Tsa' wen mich'a jini rey che' bʌ tsi' yubibeyob i t'an. Tsi' cha'le mandar cha'an mi' tsʌnsʌntelob pejtelel año' bʌ cabʌl i ña'tʌbal chumulo' bʌ ti Babilonia.

Daniel 3:13

Tsʌytsʌyña jax i pusic'al jini rey Nabucodonosor cha'an mich'. Tsi' choco ti pʌyol Sadrac, Mesac yic'ot Abednego. Tsa' pʌjyiyob tilel ti ora.

Daniel 3:19

Tsa' chʌc'a i wut jini rey cha'an tsa' wen mich'a cha'an i t'an ili uxtiquil winicob. Tsi' yʌc'ʌ mandar cha'an mi' xijq'uel jini c'ajc cha'an mi' lejmel wucyajl i ñumel i ticwʌlel.

Nahum 1:6

Ma'anic majqui mi' mejlel ti wa'tʌl ti' tojlel i mich'lel lac Yum. Ma'anic majqui mi mejlel i cuchben i mich'lel. Come ticʌw che' bajche' c'ajc. Mi' bic'ti tojp'ejl xajlel cha'an ti' mich'lel.

Efesios 5:22

X'ixicob, ac'ʌ la' bʌ ti utsat ti' wenta la' ñoxi'al che' bajche' mi la' jac'ben lac Yum.

Efesios 5:24

Jini cha'an la' i jac'beñob i t'an i ñoxi'al x'ixicob ti pejtelel chuqui mi' melob che' bajche' mi' jac'beñob i t'an Cristo xñopt'añob.

Deuteronomio 29:20

Lac Yum ma'anic mi caj i ñusʌben i mul. Muq'uix cajel i pʌsben i mich'ajel yic'ot i tsʌytsʌyñʌyel i pusic'al. Mi caj i yʌq'uen pejtel jini wocol yic'ot c'amʌjel ts'ijbubil bʌ ti ili jun. Lac Yum mi caj i junyajlel ac' ti jilel i c'aba' ila ti pañimil.

1 Pedro 3:1

X'ixicob, yom mi la' wʌc' la' bʌ ti uts'at ti' wenta la' ñoxi'al. Che' jini, mi ma'anic mi' ñopob la' ñoxi'al, mi caj i ñopob cha'an uts'at bʌ la' melbal, mach cha'anic la' t'an.