Esdras 9:2 - Chol: I T’an Dios

² Come jini winicob israelo' bʌ tsa'ix i pʌyʌyob xch'oc bʌ i yalobilob jini yambʌ tejclumob cha'an i yijñam. Jini ch'ujul bʌ i tejclum Dios tsa'ix xʌjbi yic'ot yambʌ tejclum tac. Jini yumʌlob tsi' pʌsbeyob maya i pi'ʌlob. Ñaxañob ti jini ñuc bʌ mulil.

Chol de Tumbalá Bible

² Come jini winicob israelo' bʌ tsa'ix i pʌyʌyob xch'oc bʌ i yalobilob jini yambʌ tejclumob cha'an i yijñam. Jini ch'ujul bʌ i tejclum Dios tsa'ix xʌjbi yic'ot yambʌ tejclum tac. Jini yumʌlob tsi' pʌsbeyob maya i pi'ʌlob. Ñaxañob ti jini ñuc bʌ mulil.

Esdras 9:2 Iomraidhean Croise

Genesis 6:2

Jini sajtemo' bʌ i yalobilob Dios tsi' q'ueleyob xch'oc bʌ i yalobilob winicob. I t'ojol jax tsi' q'ueleyob. Tsi' pʌyʌyob i yijñam che' bajche' jaytiquil tsi' mulayob.

1 Reyob 11:1

Salomón mach cojic jach tsi' pʌyʌ ti' yijñam i yalobil Faraón. Tsi' cha'le ñujpuñel yic'ot yaño' bʌ ch'oyolo' bʌ ti Moab, yic'ot ti Amón, yic'ot ti Edom, yic'ot ti Sidón, yic'ot ti Het,

Esdras 10:2

Secanías (i yalobil Jehiel loq'uem bʌ ti' pi'ʌlob Elam) tsi' sube Esdras: Tsa'ix c cha'le lojon mulil ti' contra Dios, come tsa'ix c pʌyʌ lojon cha'an quijñam jini xch'ocob ch'oyolo' bʌ ti yambʌ tejclum tac. Anquese che'ʌch tsac mele lojon pero anto i pijtaya Israel.

Esdras 9:12

Jini cha'an tsa' subeyon lojon cha'an ma'anic mic sijibeñob lojon jini xch'oc bʌ calobil lojon. Che' ja'el tsa' tiq'ui jini winic bʌ calobil lojon. Mach yomic mi' pʌyob jini xch'oc bʌ i yalobilob ti' yijñam. Tsa' subeyon lojon mach yomic mij coltan jini sajtemo' bʌ cha'an mi' p'ojlel i chubʌ'an. Tsa' subeyon lojon mi caj a wʌq'ueñon lojon i ñʌch'tʌlel c pusic'al lojon mi uts'at mic jac'beñet lojon. Mi caj a p'ojlesañon lojon ja'el. Xuc'ul mi caj j cʌytʌl lojon tic lum lojon quic'ot calobilob lojon ti pejtelel ora.

Esdras 9:14

Wʌle tsac cha' ñusa lojon a mandar. Tsac cha'le lojon ñujpuñijel yic'ot jini mu' bʌ i ch'ujutesañob i melbal i c'ʌb mu' bʌ a ts'a'len. Bʌbʌq'uen mi caj a jisañon lojon cha'an a mich'ajel. Che' jini ma'anic majqui mi caj i colel mi juntiquilic.

Nehemias 13:17

Tsac pʌsbeyob i mul jini ñuco' bʌ winicob año' bʌ ti Judá. Tsa cʌ'leyob: ¿Chuqui jini woli bʌ la' cha'len? ¿Mach ba anic la' mul che' mi la' p'aj i yorajlel c'aj o?

Nehemias 13:28

Juntiquil ch'iton bʌ i yalobil Joiada, i yalobil bʌ Eliasib jini ñuc bʌ motomaj, tsi' pʌyʌ ti' yijñam xch'oc bʌ i yalobil Sanbalat jini horon. Jini cha'an tsac choco majlel.

Exodo 19:6

Mi caj la' wochel ti motomaj yic'ot ti ch'ujul. Mi caj la' yumʌntel”. Jiñʌch mu' bʌ caj a cha' subeñob israelob, che'en lac Yum.

Exodo 22:31

Yom mi la' wajñel ti ch'ujul. Mi tsi' c'uxu a wʌlac' jini bʌte'el mach mi la' c'ux i colojbal i we'el che' mi la' taj ti jamil. Yom mi la' chocben ts'i'.

Exodo 34:16

Mach yomic mi la' c'ajtiñob xch'octaco' bʌ i yalobilob cha'an i yijñam la' walobilob che' mi' ch'ujutesañob i diosob, ame i xic'ob la' walobilob i cʌyoñob ja'el cha'an mi' ch'ujutesañob i diosob.

Isaias 6:13

Mi tsa' cʌle junmojt loq'uem bʌ ti lujunmojt, muc'ʌch i sejq'uel jubel ja'el che' bajche' c'olol te'. Pero che' bajche' mi' cha' colel i xujc'unte'lel che' sec'bilix, che'ʌch ja'el jini ch'ujul bʌ tejclum, che'en.

Malaquias 2:11

An lotintel ti Judá yic'ot ti Israel yic'ot ti Jerusalén. Jini winicob ti Judá tsa'ix i ts'a'leyob jini Templo mu' bʌ i c'uxbin lac Yum, come tsi' cha'leyob ñujpuñijel yic'ot x'ixicob mu' bʌ i ch'ujutesañob dioste' tac.

Malaquias 2:15

Lac Yum tsi' yotsayetla ti juntiquil jach yic'ot la' wijñam. Cha'an ti' ña'tʌbal Dios tsa' ochiyetla ti juntiquil jach ti' wut Dios che' bʌ tsa' la' cha'le ñujpuñijel. ¿Chuqui yom Dios? Yom alʌlob ti la' tojlel mu' bʌ caj i ch'ujutesañob. Jini cha'an cʌntan la' bʌ. Xuc'ul yom mi la' wajñel la' wic'ot la' wijñam tsa' bʌ la' pʌyʌ che' ch'itoñet to la.

1 Corintios 7:14

Come jini winic mach bʌ anic mi' ñop lac Yum, mi' poj q'uejlel ti sʌc ti Dios che' woli' yajñel yic'ot i yijñam mu' bʌ i ñop lac Yum. Jini x'ixic mach bʌ anic mi' ñop lac Yum, mi' poj q'uejlel ti sʌc ti Dios che' woli' yajñel yic'ot i ñoxi'al mu' bʌ i ñop. Mi mach che'iqui, mach sʌquic mi' q'uejlel la' walobilob. Wʌle ch'ujulob mi' q'uejlelob.

2 Corintios 6:14

Mach mi la' cha'len ñujpuñel yic'ot jini mach bʌ anic mi' ñop Dios. Come ¿bajche' mi mejlel i tem ajñel chuqui toj yic'ot chuqui mach tojic? ¿Bajche' mi mejlel i tem ajñel i sʌclel pañimil yic'ot ac'ʌlel?

Deuteronomio 14:2

Come ch'ujul bʌ i tejclumetla lac Yum Dios. Yajcʌbiletla i cha'an, cha'an mi la' wajñel ti ch'ujul ti' tojlel lac Yum. Mach che'iquetla bajche' yaño' bʌ tejclumob ti pañimil.

Deuteronomio 7:6

Jatetla ch'ujul bʌ tejclumetla i cha'an lac Yum Dios. Come lac Yum Dios tsa'ix i yajcayetla ti' tojlel pejtel winicob ti pejtelel lum cha'an mi' yotsañetla ti' cha'an bʌ c'uxbibil bʌ i cha'an.

Josue 22:15

Che' bʌ tsa' c'otiyob ba' añob jini rubeñob yic'ot jini gadob yic'ot jini manasesob año' bʌ ti Galaad, tsi' subeyob:

Josue 23:12

Mi tsa' la' tʌts'ʌ la' bʌ, mi tsa' cajiyetla ti tem ajñel la' wic'ot jini tsa' bʌ cʌleyob ti la' lumal, mi tsa' la' cha'le ñujpuñel la' wic'ot, mi tsa' la' xʌbʌ la' bʌ yic'otob,