Esdras 8:1 - Chol: I T’an Dios

¹ Che' woli ti yumʌntel Artajerjes, tsa' loq'uiyob ti Babilonia cabʌl c pi'ʌlob temel quic'ot. Jiñʌch i c'aba' tac ti mojt ti mojt:

Chol de Tumbalá Bible

¹ Che' woli ti yumʌntel Artajerjes, tsa' loq'uiyob ti Babilonia cabʌl c pi'ʌlob temel quic'ot. Jiñʌch i c'aba' tac ti mojt ti mojt:

Esdras 8:1 Iomraidhean Croise

1 Cronicas 24:31

Che' bajche' tsi' cha'leyob yajcaya ti alas i p'olbal Aarón, che' ja'el tsi' meleyob i p'olbal Leví cha'an mi' yʌq'uentelob i ye'tel, mi wen ñuc bʌ mi ch'och'oc bʌ. Tsi' cha'leyob yajcaya ti' tojlel jini rey David, yic'ot ti' tojlel Sadoc, yic'ot Ahimelec, yic'ot jini ñuc taco' bʌ i ye'tel ti' tojlel motomajob yic'ot levíjob.

1 Cronicas 9:1

Ochem tac ti' jun i reyob Israel i c'aba' tac pejtelel i ñojte'elob jini israelob. Tsa' wersa pʌjyiyob majlel ti Babilonia jini año' bʌ ti Judá, come tsi' ch'ujutesayob dioste' tac.

2 Cronicas 26:12

Añob lujunc'al i wucbajc' (2,600) i yumob soldadojob año' bʌ i ye'tel ti mojt ti mojt.

Esdras 1:5

Jini cha'an tsi' jac'ʌyob jini xñoxob año' bʌ i ye'tel ti Judá yic'ot ti Benjamín, yic'ot jini motomajob yic'ot levíjob. Dios tsi' ñijcʌbeyob i pusic'al cha'an mi' sujtelob ti Jerusalén, cha'an mi' melob i Templo lac Yum.

Esdras 2:2

Jiñobʌch ñuc taco' bʌ i ye'tel: Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, Baana. Jiñʌch i tsicol jini tsa' bʌ sujtiyob ti mojt ti mojt:

Esdras 2:3

I pi'ʌlob Paros 2,172. I pi'ʌlob Sefatías 372. I pi'ʌlob Ara 775. I pi'ʌlob Pahat Moab (i p'olbalob Jesúa yic'ot Joab) 2,812. I pi'ʌlob Elam 1,254. I pi'ʌlob Zatu 945. I pi'ʌlob Zacai 760. I pi'ʌlob Bani 642. I pi'ʌlob Bebai 623. I pi'ʌlob Azgad 1,222. I pi'ʌlob Adonicam 666. I pi'ʌlob Bigvai 2,056. I pi'ʌlob Adín 454. I pi'ʌlob Ater (i p'olbalob Ezequías) 98. I pi'ʌlob Bezai 323. I pi'ʌlob Jora 112. I pi'ʌlob Hasum 223. I pi'ʌlob Gibar 95. I pi'ʌlob Belén 123. I pi'ʌlob Netofa 56. I pi'ʌlob Anatot 128. I pi'ʌlob Azmavet 42. I pi'ʌlob Quiriat Jearim. Cafira yic'ot Beerot 743. I pi'ʌlob Ramá yic'ot Geba 621. I pi'ʌlob Micmas 122. I pi'ʌlob Betel yic'ot Hai 223. I pi'ʌlob Nebo 52. I pi'ʌlob Magbis 156. I pi'ʌlob Elam 1,254. I pi'ʌlob Harim 320. I pi'ʌlob Lod, Hadid yic'ot Ono 725. I pi'ʌlob Jericó 345. I pi'ʌlob Senaa 3,630.

Esdras 2:62

Tsi' sʌclʌbeyob i c'aba' ti' juñilel ba' ochemob i c'aba' i ñojte'elob, pero ma'anic tsi' tajayob. Jini cha'an tsa' chilbentiyob i ye'tel ti motomaj. Jini yumʌl tsi' tiq'uiyob cha'an ma'anic mi' c'uxob jini ch'ujul bʌ waj jinto che' mi' tejchel juntiquil motomaj am bʌ ti' wenta cha'an mi' c'ajtiben Dios bajche' yom melol, come i tilel jini motomaj mi' pejcan jini xajlel i c'aba' Urim yic'ot Tumim cha'an mi' ña'tan chuqui yom Dios.

Esdras 7:13

Wolic subeñob mandar jini año' bʌ tic yumʌntel, i p'olbalo' bʌ Israel. Majqui jach yom majlel a wic'ot ti Jerusalén la' majlic yic'ot motomajob yic'ot levíjob.

Esdras 7:28

Lac Yum tsi' ñijcʌbeyob i pusic'al jini rey yic'ot i yaj coltayajob yic'ot jini yumʌlob cha'an mi' coltañoñob. Jini cha'an tsa' ch'ejl'ayon tic Yum Dios cha'an tsi' wen coltayon Dios. Tsa' caji c tempan jini ñuc bʌ x'e'telob i p'olbalo' bʌ Israel cha'an mi' tilelob quic'ot ti Jerusalén.

Esdras 7:6

Esdras jiñʌch sts'ijbaya wen chajpʌbil bʌ ti jini mandar tsa' bʌ aq'uenti Moisés cha'an lac Yum, i Dios Israel. Tsi' c'ajtibe permiso jini rey cha'an mi' majlel ti Jerusalén. Tsi' jac'ʌ jini rey come lac Yum an yic'ot Esdras.

Esdras 7:7

Che' ti ojlil marzo che' ti' wucp'ejlel i jabilel i ye'tel ti rey jini Artajerjes, tsa' loq'uiyob ti Babilonia cabʌl winicob x'ixicob, motomajob, levíjob, xc'ayob, xcʌnta ti' Templojob, yic'ot jini yan tac bʌ x'e'telob i cha'an jini Templo. Temel tsa' majliyob yic'ot Esdras. Lac Yum tsi' coltayob majlel. Tsa' c'otiyob ti Jerusalén che' ti ojlil agosto,

Esdras 8:2

Gersón loq'uem bʌ ti' pi'ʌlob Finees; Daniel loq'uem bʌ ti' pi'ʌlob Itamar; Hatús loq'uem bʌ ti' pi'ʌlob David, loq'uem bʌ ti' pi'ʌlob Secanías; Zacarías yic'ot 150 yaño' bʌ winicob loq'uemo' bʌ ti' pi'ʌlob Paros; Elioenai (i yalobil Zeraías) yic'ot lujunc'al yaño' bʌ winicob loq'uemo' bʌ ti' pi'ʌlob Pahat Moab; i yalobil Jahaziel yic'ot 300 yaño' bʌ winicob loq'uemo' bʌ ti' pi'ʌlob Secanías; Ebed (i yalobil Jonatán) yic'ot 50 yaño' bʌ winicob loq'uemo' bʌ ti' pi'ʌlob Adín; Jesaías (i yalobil Atalías) yic'ot 70 yaño' bʌ winicob loq'uemo' bʌ ti' pi'ʌlob Elam; Zebadías (i yalobil Micael) yic'ot chʌnc'al yaño' bʌ winicob loq'uemo' bʌ ti' pi'ʌlob Sefatías; Obadías (i yalobil Jehiel) yic'ot 218 yaño' bʌ winicob loq'uemo' bʌ ti' pi'ʌlob Joab; Selomit (i yalobil Josifías) yic'ot 160 yaño' bʌ winicob loq'uemo' bʌ ti' pi'ʌlob Bebai; Zacarías (i yalobil Bebai) yic'ot 28 yaño' bʌ winicob loq'uemo' bʌ ti' pi'ʌlob Bebai; Johanán (i yalobil Hacatán) yic'ot 110 yaño' bʌ winicob loq'uemo' bʌ ti' pi'ʌlob Azgad; Elifelet, Jeiel, Semaías yic'ot uxc'al yaño' bʌ winicob (tsa' bʌ c'otiyob ti wi'il bʌ ora) loq'uemo' bʌ ti' pi'ʌlob Adonicam; Utai yic'ot Zabud yic'ot 70 yaño' bʌ winicob loq'uemo' bʌ ti' pi'ʌlob Bigvai.