Esdras 7:7 - Chol: I T’an Dios

^7-9 Che' ti ojlil marzo che' ti' wucp'ejlel i jabilel i ye'tel ti rey jini Artajerjes, tsa' loq'uiyob ti Babilonia cabʌl winicob x'ixicob, motomajob, levíjob, xc'ayob, xcʌnta ti' Templojob, yic'ot jini yan tac bʌ x'e'telob i cha'an jini Templo. Temel tsa' majliyob yic'ot Esdras. Lac Yum tsi' coltayob majlel. Tsa' c'otiyob ti Jerusalén che' ti ojlil agosto,

Chol de Tumbalá Bible

^7-9 Che' ti ojlil marzo che' ti' wucp'ejlel i jabilel i ye'tel ti rey jini Artajerjes, tsa' loq'uiyob ti Babilonia cabʌl winicob x'ixicob, motomajob, levíjob, xc'ayob, xcʌnta ti' Templojob, yic'ot jini yan tac bʌ x'e'telob i cha'an jini Templo. Temel tsa' majliyob yic'ot Esdras. Lac Yum tsi' coltayob majlel. Tsa' c'otiyob ti Jerusalén che' ti ojlil agosto,

Esdras 7:7 Iomraidhean Croise

Esdras 6:14

Che' jini, jini judíojob año' bʌ i ye'tel tsi' chʌn cha'leyob e'tel ti Templo. Tsi' cha'leyob subt'an jini x'alt'añob Hageo yic'ot Zacarías (i yalobil Iddo). Che' jini tsi' wen coltayob. Jini cha'an tsa' mejli i yujtesañob jini Templo cha'an ti' mandar i Dios israelob, yic'ot i mandar tac jini reyob ti Persia, Ciro yic'ot Darío yic'ot Artajerjes.

Esdras 7:24

Mic subeñetla ja'el cha'an mach yomic mi la' c'ajtibeñob tojoñel jini motomajob mi levíjob mi xc'ayob, mi xcʌnta ti' ototob, mi juntiquilic winic mu' bʌ i cha'len e'tel ti' Templo Dios. Che'ʌch woli cʌq'ueñob mandar jini xch'ʌm tojoñelob yic'ot jini mu' bʌ i cʌntañob taq'uin.

Nehemias 1:1

Jiñʌch i t'an Nehemías i yalobil Hacalías. Che' ti diciembre che' ñumenix junc'al jab che' woli ti yumʌntel jini rey Artajerjes, ya' añon ti Susa i tejclum rey.

Nehemias 10:28

Woli' tem ac'ob i t'an pejtel i pi'ʌlob ti Israel, yic'ot motomajob, yic'ot levíjob, yic'ot mu' bʌ i cʌntʌbeñob i ti' tac, yic'ot xc'ayob, yic'ot x'e'telob ti Templo, yic'ot pejtel jini tsa' bʌ i cʌyʌyob i pi'len jini mach bʌ i pi'ʌlobic ti jini lum, cha'an mi' tem ch'ujbiñob i mandar Dios yic'ot i yijñamob yic'ot ch'iton bʌ i yalobilob yic'ot xch'oc bʌ i yalobilob, ti pejtelelob año' bʌ i ña'tʌbal año' bʌ i pusic'al.

Nehemias 12:1

Jiñobʌch motomajob yic'ot levíjob tsa' bʌ letsiyob tilel ti Jerusalén yic'ot Zorobabel i yalobil Salatiel, yic'ot Jesúa: Seraías, Jeremías, Esdras, Amarías, Maluc, Hatús, Secanías, Rehum, Meremot, Iddo, Gineto, Abías, Mijamín, Maadías, Bilga, Semaías, Joiarib, Jedaías, Salú, Amoc, Hilcías, Jedaías. Jiñobʌch ñuco' bʌ motomajob, jini yajcʌbilo' bʌ, che' ti' yorajlel Jesúa.

Nehemias 2:1

Che' numenix chʌmp'ejl uw, che' ti abril, tsac ch'ʌmʌ vino. Tsa cʌq'ue i jap jini rey. Ch'ijiyemix c pusic'al cha'an c pi'ʌlob ti Jerusalén. Cojax to wʌle woli' tsictiyel ti' tojlel rey mi ch'ijiyemon.