Esdras 7:6 - Chol: I T’an Dios

⁶ Esdras jiñʌch sts'ijbaya wen chajpʌbil bʌ ti jini mandar tsa' bʌ aq'uenti Moisés cha'an lac Yum, i Dios Israel. Tsi' c'ajtibe permiso jini rey cha'an mi' majlel ti Jerusalén. Tsi' jac'ʌ jini rey come lac Yum an yic'ot Esdras.

Chol de Tumbalá Bible

⁶ Esdras jiñʌch sts'ijbaya wen chajpʌbil bʌ ti jini mandar tsa' bʌ aq'uenti Moisés cha'an lac Yum, i Dios Israel. Tsi' c'ajtibe permiso jini rey cha'an mi' majlel ti Jerusalén. Tsi' jac'ʌ jini rey come lac Yum an yic'ot Esdras.

Esdras 7:6 Iomraidhean Croise

Genesis 32:28

Jini winic tsi' yʌlʌ: Ma'anix mi caj a chʌn pejcʌntel ti Jacob. Mi caj a pejcʌntel ti Israel, come tsa' cha'le wersa. Tsa' mʌjli a cha'an ti' tojlel Dios, yic'ot ti' tojlel winicob, che'en.

Esdras 5:5

Pero Dios tsi' cʌnta jini israelob año' bʌ i ye'tel. Jini cha'an laj contrajob ma'anic tsi' tiq'uiyonla cha'an mi laj cʌy jini e'tel. Jini winicob tsi' chocbeyob majlel jun jini rey Darío cha'an mi' tsictesʌbeñob chuqui woli ti ujtel, cha'an mi' yubiñob chuqui mi caj i yʌl jini Darío.

Esdras 6:22

Ti' tijicñʌyel i pusic'al tsi' meleyob jini q'uin che' mi' c'uxob caxlan waj mach bʌ anic i levadurajlel. Wucp'ejl q'uin tsi' cha'leyob q'uiñijel come tsi' wen coltayob lac Yum. Jiñʌch lac Yum tsa' bʌ i nijcʌbe i pusic'al jini rey ti Asiria cha'an mi' coltañob, cha'an mi' wen mejlel i Templo Dios, i Dios Israel.

Esdras 7:21

Joñon jini rey Artajerjes, mi cʌq'ueñob mandar pejtel mu' bʌ i tempañob tojoñel ya' ti junwejl ja' Eufrates ba' mi' bʌjlel q'uin. Yom mi la' wʌq'uen jini motomaj Esdras chuqui tac mi' c'ajtibeñetla, come jiñʌch motomaj wen chajpʌbil bʌ ti' mandar Dios am bʌ ti panchan.

Esdras 7:28

Lac Yum tsi' ñijcʌbeyob i pusic'al jini rey yic'ot i yaj coltayajob yic'ot jini yumʌlob cha'an mi' coltañoñob. Jini cha'an tsa' ch'ejl'ayon tic Yum Dios cha'an tsi' wen coltayon Dios. Tsa' caji c tempan jini ñuc bʌ x'e'telob i p'olbalo' bʌ Israel cha'an mi' tilelob quic'ot ti Jerusalén.

Esdras 8:1

Che' woli ti yumʌntel Artajerjes, tsa' loq'uiyob ti Babilonia cabʌl c pi'ʌlob temel quic'ot. Jiñʌch i c'aba' tac ti mojt ti mojt:

Esdras 8:18

Dios tsi' coltayon lojon. Tsi' chocbeyon lojon tilel juntiquil ñuc bʌ winic am bʌ cabʌl i ña'tʌbal i c'aba' Serebías (i p'olbal bʌ Mahli i p'olbal bʌ Leví). Tsi' choco tilel i yerañob yic'ot ch'iton bʌ i yalobilob ja'el.

Esdras 8:22

Come ma'anic soldado quic'ot lojon yic'ot c'ʌchʌlo' bʌ ti caballo cha'an mi' cʌntañoñob lojon ti bij. Tsa'ic j c'ajtibe lojon jini rey, tsac cha'le quisin, come tsa'ix c sube lojon jini rey cha'an tilem ti Dios laj coltʌntel. Dios mi' coltan jini mu' bʌ i tsajcañob, pero mi' mich'len pejtel mu' bʌ i cʌyob. Mi' contrajiñob, cho'on tsac sube.

Esdras 8:31

Che' ti' jilibal marzo tsaj cʌyʌ lojon jini colem ja' i c'aba' Ahava cha'an mic majlel lojon ti Jerusalén. Dios tsi' coltayon lojon loq'uel ti' c'ʌb j contrajob lojon tsa' bʌ i chijtayoñob ti bij. Ma'anic tsa' mejli i xujch'in c chubʌ'an lojon.

Nehemias 12:26

Laj cuxulob che' ti' yorajlel Joiacim i yalobil Jesúa, i yalobil bʌ Josadac, che' gobernador Nehemías, che' motomaj Esdras, jini sts'ijbujel.

Nehemias 12:36

yic'ot i pi'ʌlob: Semaías, Azarael, Milalai, Gilalai, Maai, Natanael, Judá yic'ot Hanani. Tsi' ñijcayob majlel jini música tac i cha'an David. Jini motomaj Esdras, i winic Dios, tsa' majli ti ñaxan.

Nehemias 2:12

Dios tsi' yotsa tic pusic'al chuqui tsac ña'ta c mel cha'an i coltʌntel c pi'ʌlob. Ma'anic tsac subeyob chuqui tsi' yʌc'ʌ tic pusic'al Dios. Tsa' ch'ojyiyon ti ac'ʌlel quic'ot cha'tiquil uxtiquil winicob. Cojach joñon c'ʌchʌlon. Ma'anic yambʌ caballo quic'ot lojon.

Nehemias 2:18

Tsa' caji c subeñob bajche' tsi' pʌsbeyon i yutslel i pusic'al Dios yic'ot chuqui tsi' subeyon rey. Jini cha'an tsi' yʌlʌyob: Concula. La' lac mele', che'ob. Jini cha'an tsa' ñuc'ayob i pusic'al. Tsa' caji i techob jini wen bʌ e'tel.

Nehemias 2:8

Aq'ueñon jun ja'el cha'an mic pʌsben Asaf mu' bʌ i cʌntʌben i te'el rey, cha'an mi' yʌq'ueñon te'. Che' jini mux c p'el lojon te' cha'an i ti' tac Templo yic'ot cha'an jini colem bʌ tranca tac ja'el ya' ti' ti' wa'al bʌ ts'ajc am bʌ ti' joytilel tejclum yic'ot i ti' cotot ba' mi caj c chumtʌl, cho'on tsac sube. Jini rey tsi' yʌq'ueyon chuqui tsaj c'ajtibe. Che'ʌch tsi' pʌsbeyon Dios i yutslel i pusic'al.

Nehemias 4:15

Jini laj contrajob tsi' yubiyob ña'tibilix lac cha'an chuqui tsi' lon ña'tayob i mel. Jini cha'an ma'anic tsa' mejliyob come Dios tsi' mʌctayob. Tsa' sujtiyonla ba' quepel la que'tel ti ts'ajc.

Nehemias 8:1

Pejtel jini winicob x'ixicob tsi' tempayob i bʌ ti jump'ejl i pusic'al ya' ti' ti' tejclum i c'aba' Ja' Ti'. Tsi' c'ajtibeyob Esdras, jini sts'ijbujel, cha'an mi' ch'ʌm tilel i juñilel mandar ts'ijbubil bʌ i cha'an Moisés tsa' bʌ i yʌq'ueyob israelob lac Yum.

Nehemias 8:13

Ti yijc'ʌlal tsi' cha' tempayob i bʌ jini ñuco' bʌ winicob yic'ot motomajob yic'ot levíjob ba'an Esdras, jini sts'ijbujel, cha'an yomob i cha' ubiñob mandar.

Nehemias 8:4

Ya'ʌch wa'al Esdras jini sts'ijbujel ti t'uchlibʌl. Melbil ti te' i t'uchlib cha'an mi' t'uchtʌl ti subt'an. Ya' wa'alob ti' ñoj Esdras, Matatías, Sema, Anías, Urías, Hilcías yic'ot Maasías. Ya' wa'alob Pedaías, Misael, Malquías, Hasum, Hasbadana, Zacarías yic'ot Mesulam ti' ts'ej.

Nehemias 8:9

Nehemías, jini gobernador, yic'ot Esdras, jini motomaj am bʌ i ye'tel ti ts'ijbujel ja'el, yic'ot levíjob tsa' bʌ i cʌntesayob winicob x'ixicob, tsi' subeyob ti pejtelelob: Ch'ujul ili q'uin cha'an lac Yum Dios. Mach mi la' mel la' pusic'al. Mach mi la' cha'len uq'uel, che'ob. Come ti pejtelelob tsi' cha'leyob uq'uel cha'an jini mandar che' bʌ tsi' yubiyob.

Nehemias 9:13

Tsa' jubiyet tilel ti pam wits i c'aba' Sinaí. Jatet añet bʌ ti panchan tsa' pejca winicob. Tsa' wʌq'ueyob toj bʌ tic'oñel yic'ot isujm bʌ cʌntesa yic'ot uts'at bʌ mandar yic'ot uts'at bʌ ley.

Salmos 109:27

Tsictesan a wutslel cha'an mi' laj ña'tañob Jiñʌch a melbal, c Yum.

Salmos 147:19

Tsi' yʌq'ue i t'an Jacob. Tsi' subeyob israelob i mandar yic'ot i ley.

Salmos 45:1

But'ul c pusic'al cha'an jini wen tac bʌ com bʌ c sub. Mic sub i ñuclel jini rey ti c'ay. Jini cac' i wentajʌch pluma ti' c'ʌb jini wen yujil bʌ ts'ijb.

Salmos 80:18

Che' jini ma'anix mi caj c chʌn cʌyet lojon. Cha' ch'ejlesañon lojon cha'an mic pejcañet lojon ti a c'aba'.

Proverbios 3:6

Ti pejtelel chuqui ma' mel ña'tan lac Yum. Che' jini mux caj i chajpʌbeñet a bijlel.

Isaias 50:2

Che' bʌ tsa' tiliyon, ¿chucoch ma'anic majch tsac taja? Che' bʌ tsac pʌyʌyetla, ¿chucoch ma'anic majch tsi' jac'ʌ? ¿Tutsul ba j c'ʌb cha'an mach c tajayeticla? ¿Mach ba anic c p'ʌtʌlel cha'an mij coltañetla, cha'an mi cʌq'uetla ti libre? Jasʌl mi cʌc' c t'an cha'an mi' laj tiquin jini colem ñajb. Ya' ti colem ja' tiquin lumix mi' majlel. Muq'uix i tuw'an chʌy cha'an ma'anix ja'. Woli' chʌmelob ti tiquin ti'.

Isaias 59:1

Ma'anic woli ti jilel i p'ʌtʌlel lac Yum. Wen yujil i coltañetla. Mi' yubiñetla che' mi la' pejcan.

Jeremias 8:8

Mi la' wʌl: “Cabʌl lac ña'tʌbal. Cʌntesʌbilonla ti' mandar Dios”, lon che'etla, pero mach tojic mi' subob c mandar la' waj cʌntesajob. Tsi' q'uextʌbeyob i sujmlel.

Mateo 13:52

Jesús tsi' cha' subeyob: Jini cha'an jujuntiquil sts'ijbaya cʌntesʌbil bʌ ti' sujmlel i yumʌntel jini am bʌ ti panchan lajalʌch bajche' i yum otot mu' bʌ i loc'san ti' yajñib i chubʌ'an tsijib tac bʌ yic'ot oñiyix bʌ, che'en.

Mateo 23:2

Tsi' yʌlʌ: Jini sts'ijbayajob yic'ot fariseojob tsa' ochiyob ti cʌntesa mandar ti' q'uexol Moisés.

Mateo 28:20

Cʌntesanla cha'an mi' laj ch'ujbiñob pejtelel chuqui tac tsac subeyetla. Awilan, añon quic'otetla ti pejtelel ora c'ʌlʌl ti' jilibal pañimil. Che' tsi' yʌlʌ Jesús.

1 Corintios 1:20

¿Bacan jini cabʌl bʌ i ña'tʌbal? ¿Bacan jini sts'ijbaya? ¿Bacan jini mu' bʌ i ña'tan i sujmlel jini pañimil am bʌ wʌle? Dios tsa'ix i pʌsʌ sojquem jax i ña'tʌbal jini pañimil.

1 Corintios 15:1

Mic subeñetla ja'el hermanojob, jiñʌch jini wen t'an tsa' bʌ c subeyetla, tsa'ix bʌ la' ñopo, woli bʌ la' chʌn ñop.

Deuteronomio 28:1

Mi uts'at ma' wubiben i t'an lac Yum Dios, mi ts'ʌcʌl ma' mel pejtel jini mandar woli bʌ c subeñetla wʌle, lac Yum Dios mi caj i ñumen aq'uet ti ñuc ti' tojlel pejtel yan tac bʌ tejclum ti pañimil.

Deuteronomio 4:5

Tsa'ix j cʌntesayetla i mandar lac Yum che' bajche' tsi' subeyon, cha'an ts'ʌcʌl mi la' jac' che' ya'ix añetla ti jini lum baqui mi la' majlel la' ch'ʌm.