Esdras 7:1 - Chol: I T’an Dios

^1-5 Che' bʌ tsa' ujti pejtelel iliyi, che' woli ti yumʌntel Artajerjes yumʌl bʌ ti Persia, tsa' loq'ui Esdras ti Babilonia. Tsa' majli ti Jerusalén. Jiñobʌch i ñojte'elob Esdras: Esdras jiñʌch i yalobil Seraías, Seraías jiñʌch i yalobil Azarías, Azarías jiñʌch i yalobil Hilcías, Hilcías jiñʌch i yalobil Salum, Salum jiñʌch i yalobil Sadoc, Sadoc jiñʌch i yalobil Ahitob, Ahitob jiñʌch i yalobil Amarías, Amarías jiñʌch i yalobil Azarías, Azarías jiñʌch i yalobil Meraiot, Meraiot jiñʌch i yalobil Zeraías, Zeraías jiñʌch i yalobil Uzi, Uzi jiñʌch i yalobil Buqui, Buqui jiñʌch i yalobil Abisúa, Abisúa jiñʌch i yalobil Finees, Finees jiñʌch i yalobil Eleazar, Eleazar jiñʌch i yalobil Aarón ñaxan bʌ motomaj.

Chol de Tumbalá Bible

^1-5 Che' bʌ tsa' ujti pejtelel iliyi, che' woli ti yumʌntel Artajerjes yumʌl bʌ ti Persia, tsa' loq'ui Esdras ti Babilonia. Tsa' majli ti Jerusalén. Jiñobʌch i ñojte'elob Esdras: Esdras jiñʌch i yalobil Seraías, Seraías jiñʌch i yalobil Azarías, Azarías jiñʌch i yalobil Hilcías, Hilcías jiñʌch i yalobil Salum, Salum jiñʌch i yalobil Sadoc, Sadoc jiñʌch i yalobil Ahitob, Ahitob jiñʌch i yalobil Amarías, Amarías jiñʌch i yalobil Azarías, Azarías jiñʌch i yalobil Meraiot, Meraiot jiñʌch i yalobil Zeraías, Zeraías jiñʌch i yalobil Uzi, Uzi jiñʌch i yalobil Buqui, Buqui jiñʌch i yalobil Abisúa, Abisúa jiñʌch i yalobil Finees, Finees jiñʌch i yalobil Eleazar, Eleazar jiñʌch i yalobil Aarón ñaxan bʌ motomaj.

Esdras 7:1 Iomraidhean Croise

2 Reyob 22:8

Safán tsi' mele che' bajche' tsa' subenti. Jini ñuc bʌ motomaj Hilcías tsi' sube jini sts'ijbujel Safán: Tsac taja jun ti Templo ba' ts'ijbubil i mandar Dios, che'en. Hilcías tsi' yʌq'ue jini jun. Safán tsi' wen q'uele.

2 Reyob 25:18

I yum soldadojob tsi' cʌchʌ majlel jini ñuc bʌ motomaj i c'aba' Seraías yic'ot jini motomaj i c'aba' Sofonías, yic'ot uxtiquil xcʌntayajob.

2 Cronicas 34:15

Hilcías tsi' sube jini sts'ijbaya Safán: Tsac taja i juñilel i mandar Dios ti' yotot lac Yum, che'en. Che' jini Hilcías tsi' yʌq'ue jini jun Safán.

2 Cronicas 34:9

Che' jini tsa' majliyob ba'an jini ñuc bʌ motomaj i c'aba' Hilcías. Tsi' yʌq'ueyob jini taq'uin tsa' bʌ i ch'ʌmʌyob tilel ti' yotot Dios tsa' bʌ i ch'ʌmʌyob jini levíjob año' bʌ ti' ti' Templo. Tsi' yʌc'ʌyob ofrenda jini ch'oyolo' bʌ ti Manasés yic'ot Efraín, yic'ot i colojbal Israel, yic'ot Judá, yic'ot Benjamín, yic'ot jini chumulo' bʌ ti Jerusalén.

Esdras 4:7

Che' ja'el che' woli' yumʌntel jini rey Artajerjes ti Persia, tsi' chʌn ñopo i mʌctañob Bislam yic'ot Mitrídates yic'ot Tabeel yic'ot i pi'ʌlob. Tsa' ts'ijbunti jini jun ti' t'an arameo. Tsa' ñusʌnti ti yambʌ t'an.

Esdras 6:14

Che' jini, jini judíojob año' bʌ i ye'tel tsi' chʌn cha'leyob e'tel ti Templo. Tsi' cha'leyob subt'an jini x'alt'añob Hageo yic'ot Zacarías (i yalobil Iddo). Che' jini tsi' wen coltayob. Jini cha'an tsa' mejli i yujtesañob jini Templo cha'an ti' mandar i Dios israelob, yic'ot i mandar tac jini reyob ti Persia, Ciro yic'ot Darío yic'ot Artajerjes.

Esdras 7:10

come Esdras tsi' wen chajpa i pusic'al cha'an mi' ch'ʌmben isujm i mandar lac Yum, cha'an mi' wen jaq'ue', cha'an mi' cʌntesan jini israelob.

Esdras 7:12

Artajerjes, jini ñuc bʌ yumʌl ti' tojlel yumʌlob, wolic ts'ijbubeñet carta Esdras. Motomajet, wen chajpʌbilet bʌ ti' mandar jini Dios am bʌ ti panchan.

Esdras 7:21

Joñon jini rey Artajerjes, mi cʌq'ueñob mandar pejtel mu' bʌ i tempañob tojoñel ya' ti junwejl ja' Eufrates ba' mi' bʌjlel q'uin. Yom mi la' wʌq'uen jini motomaj Esdras chuqui tac mi' c'ajtibeñetla, come jiñʌch motomaj wen chajpʌbil bʌ ti' mandar Dios am bʌ ti panchan.

Nehemias 11:11

Seraías i yalobil Hilcías, i yalobil bʌ Mesulam, i yalobil bʌ Sadoc, i yalobil bʌ Meraiot, i yalobil bʌ Ahitob, i yum i yotot Dios.

Nehemias 2:1

Che' numenix chʌmp'ejl uw, che' ti abril, tsac ch'ʌmʌ vino. Tsa cʌq'ue i jap jini rey. Ch'ijiyemix c pusic'al cha'an c pi'ʌlob ti Jerusalén. Cojax to wʌle woli' tsictiyel ti' tojlel rey mi ch'ijiyemon.

Nehemias 8:1

Pejtel jini winicob x'ixicob tsi' tempayob i bʌ ti jump'ejl i pusic'al ya' ti' ti' tejclum i c'aba' Ja' Ti'. Tsi' c'ajtibeyob Esdras, jini sts'ijbujel, cha'an mi' ch'ʌm tilel i juñilel mandar ts'ijbubil bʌ i cha'an Moisés tsa' bʌ i yʌq'ueyob israelob lac Yum.