Esdras 5:1 - Chol: I T’an Dios

¹ Pero ti jim bʌ ora ya' añob x'alt'añob ti Jerusalén yic'ot ti Judá, i c'aba'ob Hageo yic'ot Zacarías (i yalobil Iddo). Tsi' cha'leyob subt'an ti' c'aba' Dios, i Dios Israel.

Chol de Tumbalá Bible

¹ Pero ti jim bʌ ora ya' añob x'alt'añob ti Jerusalén yic'ot ti Judá, i c'aba'ob Hageo yic'ot Zacarías (i yalobil Iddo). Tsi' cha'leyob subt'an ti' c'aba' Dios, i Dios Israel.

Esdras 5:1 Iomraidhean Croise

Esdras 4:24

Che' jini quepel tsa' cʌle ti melol i Templo Dios jinto tsa' ts'ʌctiyi i cha'p'ejlel jab i yumʌntel Darío i yum Persia.

Esdras 6:14

Che' jini, jini judíojob año' bʌ i ye'tel tsi' chʌn cha'leyob e'tel ti Templo. Tsi' cha'leyob subt'an jini x'alt'añob Hageo yic'ot Zacarías (i yalobil Iddo). Che' jini tsi' wen coltayob. Jini cha'an tsa' mejli i yujtesañob jini Templo cha'an ti' mandar i Dios israelob, yic'ot i mandar tac jini reyob ti Persia, Ciro yic'ot Darío yic'ot Artajerjes.

Miqueas 5:4

Che' jini mi caj i yochel ti xcʌnta tiñʌme' mu' bʌ caj i cʌntañob ti' c'aba' i Yum Dios, ti cabʌl i p'ʌtʌlel yic'ot i ñuclel. Tijicña mi caj i yajñelob jini mu' bʌ i yumañob, come mi caj i q'uejlel ti ñuc ti pejtelel pañimil.

Hageo 1:1

Che' ñumenix jum'p'ejl jab woli' cha'len yumʌntel jini rey Darío, che' ti ñaxan bʌ tsic ti agosto, jini x'alt'an Hageo tsa' caji i sub i t'an lac Yum. Hageo tsa' caji i subeñob Zorobabel (i yalobil Salatiel), jini gobernador ti Judá, yic'ot Josué (i yalobil Josadac), jini ñuc bʌ motomaj.

Hageo 1:3

Jini x'alt'an Hageo tsa' caji i sub i t'an lac Yum.

Hageo 2:18

Wʌle añonixla ti chʌmp'ejl i cha'c'alix tsic. Ña'tanla bajche' añetla che' bʌ tsa' la' wa'choco i c'ʌclib i Templo la' Yum c'ʌlʌl wʌle.

Zacarias 8:9

I Yum Panchan yic'ot Pañimil woli' chʌn al: Yom mi la' wujtesan jini e'tel, jatetla woli bʌ la' wubin c t'an ti' tojlel jini x'alt'añob. Che' bʌ tsa' la' teche la' mel jini Templo, tsi' subeyetla chuqui tac tijicña mi caj la' taj che' mi' yujtel la' mel.