Esdras 4:7 - Chol: I T’an Dios

⁷ Che' ja'el che' woli' yumʌntel jini rey Artajerjes ti Persia, tsi' chʌn ñopo i mʌctañob Bislam yic'ot Mitrídates yic'ot Tabeel yic'ot i pi'ʌlob. Tsa' ts'ijbunti jini jun ti' t'an arameo. Tsa' ñusʌnti ti yambʌ t'an.

Chol de Tumbalá Bible

⁷ Che' ja'el che' woli' yumʌntel jini rey Artajerjes ti Persia, tsi' chʌn ñopo i mʌctañob Bislam yic'ot Mitrídates yic'ot Tabeel yic'ot i pi'ʌlob. Tsa' ts'ijbunti jini jun ti' t'an arameo. Tsa' ñusʌnti ti yambʌ t'an.

Esdras 4:7 Iomraidhean Croise

2 Reyob 18:26

Eliaquim (i yalobil Hilcías) yic'ot Sebna yic'ot Joa tsi' subeyob jini winic: A wocolic pejcañon lojon ti' t'an arameo, come jini mic ch'ʌmben lojon isujm. Mach a pejcañon lojon tic t'an lojon cha'an mi' yubiñob ili tejclumob año' bʌ ti' pam ts'ajc, che'ob.

Esdras 4:1

Tsa' caji' yubiñob i contrajob: Jini xcʌjchelob tsa' bʌ sujtiyob tilel wolix i cha' melob i Templo lac Yum i Dios Israel ya' ti Judá yic'ot ti Benjamín.

Esdras 4:17

Jini rey tsi' chocbeyob majlel i q'uexol i jun jini gobernador Rehum yic'ot jini secretario Simsai yic'ot pejtelel i pi'ʌlob año' bʌ i ye'tel chumulo' bʌ ti Samaria, yic'ot jini año' bʌ ti junwejl ñoj ja'. Tsi' yʌlʌ: Mi cʌq'ueñetla cortesía cha'an ñʌch'ʌl mi la' wajñel.

Esdras 4:8

Jini gobernador Rehum yic'ot jini secretario Simsai tsi' chocbeyob majlel jun jini rey Artajerjes ba' tsi' jop'beyob i mul Judá. Yaño' bʌ tsi' coltayob ti' ts'ijbuntel jini jun. Jiñobʌch cha'tiquil uxtiquil juezob yic'ot año' bʌ i ye'tel, yic'ot jini persiajob, yic'ot jini babiloniajob, yic'ot jini ch'oyolo' bʌ ti Erec yic'ot ti Susa.

Esdras 5:6

Jiñʌch i carta tsa' bʌ i chocoyob majlel jini gobernador Tatnai, yic'ot Setar Boznai, yic'ot yaño' bʌ año' bʌ i ye'tel.

Esdras 7:1

Che' bʌ tsa' ujti pejtelel iliyi, che' woli ti yumʌntel Artajerjes yumʌl bʌ ti Persia, tsa' loq'ui Esdras ti Babilonia. Tsa' majli ti Jerusalén. Jiñobʌch i ñojte'elob Esdras: Esdras jiñʌch i yalobil Seraías, Seraías jiñʌch i yalobil Azarías, Azarías jiñʌch i yalobil Hilcías, Hilcías jiñʌch i yalobil Salum, Salum jiñʌch i yalobil Sadoc, Sadoc jiñʌch i yalobil Ahitob, Ahitob jiñʌch i yalobil Amarías, Amarías jiñʌch i yalobil Azarías, Azarías jiñʌch i yalobil Meraiot, Meraiot jiñʌch i yalobil Zeraías, Zeraías jiñʌch i yalobil Uzi, Uzi jiñʌch i yalobil Buqui, Buqui jiñʌch i yalobil Abisúa, Abisúa jiñʌch i yalobil Finees, Finees jiñʌch i yalobil Eleazar, Eleazar jiñʌch i yalobil Aarón ñaxan bʌ motomaj.

Esdras 8:36

Che' ja'el tsi' ch'ʌmʌyob majlel i mandar tac rey ba' añob jini año' bʌ i ye'tel an tac bʌ ti' wenta pejtelel jini lum am bʌ ti junwejl ja' i c'aba' Eufrates ba' mi' bʌjlel q'uin. Jini año' bʌ i ye'tel tsi' jac'ʌyob jini mandar. Tsi' coltayob winicob cha'an mi' wen melob i Templo Dios.

Nehemias 2:1

Che' numenix chʌmp'ejl uw, che' ti abril, tsac ch'ʌmʌ vino. Tsa cʌq'ue i jap jini rey. Ch'ijiyemix c pusic'al cha'an c pi'ʌlob ti Jerusalén. Cojax to wʌle woli' tsictiyel ti' tojlel rey mi ch'ijiyemon.

Isaias 36:11

Eliaquim yic'ot Sebna yic'ot Joa tsi' subeyob jini comandante tilem bʌ ti Asiria: A wocolic yom mi la' pejcañon lojon ti arameo, come cujil lojon t'an ti arameo. Mach ma' pejcañon lojon ti hebreo, i t'an jini winicob año' bʌ ti' pam ts'ajc, come woli' ñich'tañob, che'ob.

Daniel 11:2

Wʌle mi caj c subeñet chuqui mi' caj ti ujtel ti tal to bʌ ora. Yambʌ uxtiquil yumʌlob mi caj i cha'leñob yumʌl ti Persia. Pero tal i chʌnticlel bʌ wen cabʌl bʌ i chubʌ'an, ñumen ñuc bajche' jini yaño' bʌ. Che' mi' p'ʌtan cha'an cabʌl i chubʌ'an, mi caj i tech guerra ti' contra jini yumʌl ti Grecia.

Daniel 2:4

Jini año' bʌ i ña'tʌbal tsi' yʌlʌyob: Yom cuxulet ti pejtelel ora, c rey lojon. Ñaxan tsictesʌbeñon lojon a ñajal. Che' jini mi caj c subeñet lojon i sujmlel, che'ob.