Esdras 4:3 - Chol: I T’an Dios

³ Pero ma'anic tsi' jac'ʌyob Zorobabel yic'ot Jesúa yic'ot jini xñoxob ti Israel. Tsi' yʌlʌyob: Mach mejlic c pʌyet lojon cha'an mi laj comol cha'len e'tel. Jasʌlon lojon. Mu' to c bajñel mel lojon i Templo c Yum lojon, i Dios Israel, che' bajche' tsi' subeyon lojon Ciro yumʌl bʌ ti Persia. Che' tsi' yʌlʌyob.

Chol de Tumbalá Bible

³ Pero ma'anic tsi' jac'ʌyob Zorobabel yic'ot Jesúa yic'ot jini xñoxob ti Israel. Tsi' yʌlʌyob: Mach mejlic c pʌyet lojon cha'an mi laj comol cha'len e'tel. Jasʌlon lojon. Mu' to c bajñel mel lojon i Templo c Yum lojon, i Dios Israel, che' bajche' tsi' subeyon lojon Ciro yumʌl bʌ ti Persia. Che' tsi' yʌlʌyob.

Esdras 4:3 Iomraidhean Croise

2 Cronicas 36:22

Tsa' wersa ts'ʌctiyi i t'an lac Yum tsa' bʌ subenti Jeremías. Che' ti ñaxan bʌ jab i ye'tel jini Ciro, rey bʌ ti Persia, lac Yum tsi' ñijcʌbe i pusic'al Ciro rey bʌ ti Persia. Tsi' yʌc'ʌ ti pam pujquel i t'an yic'ot i ts'ijbujel ti pejtelel lum ba' tsi' cha'le yumʌl.

Esdras 1:1

Ti ñaxan bʌ jab che' woli' mel i yumʌntel jini rey Ciro, i yum Persia, lac Yum tsi' ts'ʌctesa jini t'an tsa' bʌ i yʌlʌ jini x'alt'an Jeremías. Lac Yum tsi' ñijcʌbe i pusic'al Ciro cha'an mi' pam puc jini t'an ti pejtelel lum. Tsi' yotsa ti jun ja'el. Tsi' yʌlʌ:

Esdras 1:2

Joñon, Ciro, wolic pam sub: Lac Yum Dios am bʌ ti panchan tsa'ix i yʌc'ʌ tic wenta cha'an mic cha'len mandar ti pejtelel pañimil. Tsa'ix i yʌc'ʌ tic wenta ja'el cha'an mic melben i Templo ya' ti Jerusalén am bʌ ti Judá.

Esdras 1:3

Jini cha'an la' sujticob ti Jerusalén pejtel israelob. La' i melob jini Templo che' bajche' yom lac Yum, come jiñʌch Dios, i Dios Israel am bʌ ti Jerusalén. La' ajnic Dios yic'ot jini mu' bʌ i majlelob.

Esdras 3:8

Che' ti junio che' ti' cha'p'ejlel jab che' c'otemix ti Jerusalén, tsa' caji i cha' melob jini Templo Zorobabel (i yalobil Salatiel), yic'ot Jesúa (i yalobil Josadac), yic'ot pejtelel jini motomajob yic'ot levíjob yic'ot pejtelel i pi'ʌlob tsa' bʌ sujtiyob tilel ti Jerusalén. Pejtelel levíjob añobix bʌ junc'al i jabilel yic'ot i ñumel tsa' wa'chocontiyob cha'an mi' q'uelob ti cha' melol i yotot lac Yum.

Nehemias 2:20

Tsac subeyob: Jini Dios am bʌ ti panchan mi caj i coltañon lojon. I winicon lojon. Jini cha'an mic tech lojon jini e'tel. Mach la' wentajic mi wolic cha' mel lojon Jerusalén come mach la' cha'anic jini lum. Mach wʌ'ic ch'oyoletla ilayi. Mach chucbilic la' c'aba' ti ili tejclum, cho'on.

Isaias 44:28

Joñon mi cʌq'uen i ye'tel Ciro. Mic sub: “Jiñʌch xcʌnta tiñʌme' c cha'an. Mi caj i mel pejtelel chuqui mi cʌl. Mi caj i yʌc' ti cha' melol Jerusalén. Mi caj cʌc' ti cha' wejlel i c'ʌclib jini Templo”. Tsa'ix cʌc'ʌ c t'an, che'en lac Yum.

Isaias 45:4

Cha'an c'ux mi cubin c winic Jacob (jini c winic Israel), jini cha'an tsac wa'chocoyet ti ili e'tel. Tsac pʌyʌyet ti a c'aba'. Tsa cʌq'ueyet a p'ʌtʌlel ti yumʌl anquese mach a cʌñʌyonic. Che' jini mi caj j coltan Israel tsa' bʌ c yajca.

Mateo 10:16

Awilan, wolic choquetla majlel che' bajche' tiñʌme' joyol bʌ ti bʌte'el ts'i'. Yom p'ip'etla che' bajche' lucum. Yom utsetla che' bajche' x'ujcuts.

Juan 4:9

Jini x'ixic ch'oyol bʌ ti Samaria tsi' sube Jesús: Jatet judíojet. ¿Chucoch ma' c'ajtibeñon ja'? come samaritanojon. Judíojob ts'a' mi q'uelob samaritanojob, che'en.

Hechos 8:21

Maxto ochemetic ti jini e'tel. Mach a cha'anic. Come mach tojic a pusic'al ti' wut Dios.