Esdras 4:12 - Chol: I T’an Dios

¹² Yom ma' ña'tan, rey, cha'an wolix i cha' wen melob i tejclum jini judíojob tsa' bʌ cha' sujtiyob tilel ti Jerusalén. Tsa' jisʌnti ili tejclum cha'an ti' caj i jontolilob. Pero woli' cha' wa'chocoñob. Woli' cha' melob i ts'ajquil tejclum yic'ot i c'ʌclib Templo.

Chol de Tumbalá Bible

¹² Yom ma' ña'tan, rey, cha'an wolix i cha' wen melob i tejclum jini judíojob tsa' bʌ cha' sujtiyob tilel ti Jerusalén. Tsa' jisʌnti ili tejclum cha'an ti' caj i jontolilob. Pero woli' cha' wa'chocoñob. Woli' cha' melob i ts'ajquil tejclum yic'ot i c'ʌclib Templo.

Esdras 4:12 Iomraidhean Croise

2 Reyob 18:20

Mach yomic ma' lon ñopben i t'an a pi'ʌlob come to'o t'an. Mach mejlic i coltañet. ¿Majqui mi caj i coltañet ti guerra? ¿Jim ba Egipto ma' wʌl? Mach jiniqui come lajal Egipto bajche' xujlem bʌ amʌy. Majqui jach mi' lon ña'tan i coltan i bʌ ti c'ʌscujem bʌ barate', mi caj i sʌl jec'ben i c'ʌb. Mach a ñopben i t'an jini Faraón rey bʌ ti Egipto. Mach mejlic i coltañet.

2 Reyob 24:1

Che' woli ti yumʌl Joacim tsa' tili ti guerra Nabucodonosor rey bʌ ti Babilonia. Joacim tsa' ochi ti' wenta. Pero che' ñumenix uxp'ejl jab, tsa' caji i tʌts' i bʌ ti' contra Nabucodonosor.

2 Cronicas 36:13

Sedequías tsi' ñusʌbe i t'an Nabucodonosor, anquese tsi' yʌq'ue i t'an ti' c'aba' Dios. Tsi' yʌlʌ muc'ʌch i jac' pero tsi' tsʌts'esa i pusic'al. Ma'anic tsi' ñopo lac Yum i Dios Israel.

Esdras 4:11

Tsi' chocoyob majlel jun ba'an jini rey Artajerjes. Tsi' yʌlʌyob: X'e'telon lojon a cha'an, chumulon lojon ti junwejl jini Eufrates wʌ' ba' mi' bʌjlel q'uin. Mi cʌq'ueñet lojon cortesía.

Esdras 4:15

Yom ma' sʌclan ya' ti jun ba' ts'ijbubil i melbal a ñojte'elob. Mi caj a q'uel ya' ti jun ba' ts'ijbubil i yesomal ili tejclum. Jontolob. Wen ñʌmʌlob ti leto yic'ot guerra c'ʌlʌl ti oniyi. Cabʌl tsi' tic'layob jini yumʌlob año' bʌ i yumʌntel ti' joytʌlel. Jini cha'an tsa' jisʌntiyob.

Esdras 4:19

Tsac cha'le mandar cha'an mi' sʌclañob ya' ti jun ba' ts'ijbubil i mul ili tejclum Jerusalén ti oniyi. Isujm tsa' tejchiyob ti' contra reyob. Che' ja'el ma'anic tsi' p'isiyob ti' wenta. Tsi' techeyob leto yic'ot guerra.

Esdras 5:3

Ti jim bʌ ora tsa' c'oti ti Jerusalén Tatnai am bʌ i ye'tel ti gobernador ya' ti junwejl jini ñoj ja' i c'aba' Eufrates ti' tojel i bʌjlibal q'uin. Tsa' c'oti ja'el Setar Boznai yic'ot i pi'ʌlob. Tsa' tili i subeñob jini judíojob: ¿Majqui tsi' subeyetla cha'an mi la' cha' mel ili Templo yic'ot ili ts'ajc?

Esdras 5:9

Tsaj c'ajti lojon: “¿Majqui tsi' subeyetla cha'an mi la' cha' mel ili e'tel?” cho'on lojon.

Nehemias 1:3

Tsi' subeyoñob: Cabʌl woli yubiñob wocol jini judíojob ya' bʌ chumulob. Ma'anic jaytiquilob tsa' bʌ cʌleyob ti lum che' bʌ tsa' wersa pʌjyiyob i pi'ʌlob. Cabʌl woli' ts'a'lentelob. Jejmen to jini ts'ajc am bʌ ti' joytilel Jerusalén. Tsa' laj puli jini colem tranca tac ya' ti' yochib tejclum, che'ob.

Nehemias 6:6

Jiñʌch chuqui ts'ijbubil ti jun: “Cabʌl winicob ti ñajt tac bʌ lum woli' yʌlob an a mul, jatet a wic'ot a pi'ʌlob judíojob. Che'ʌch woli' yʌl Gasmu ja'el. Wolix la' ña'tan la' tʌts' la' bʌ ti' wenta rey cha'an ma'anix mi la' chʌn jac'ben i mandar. Jin cha'an woli la' mel ili ts'ajc cha'an a wom a mel a bʌ ti rey.

Ester 3:8

Amán tsa' caji' suben jini rey Asuero: An winicob x'ixicob pam pujquemo' bʌ ti jujump'ejl colem tejclum ti a yumʌntel. Yambʌyʌch i ley, mach lajalic bajche' lac ley. Ma'anic mi' jac'beñob i ley jini rey. Jini cha'an mach yomic mi lac chʌn cuchbeñob i mul jini winicob x'ixicob.

Jeremias 52:3

Jini cha'an tsa' mich'a lac Yum. Tsi' choco loq'uel jini chumulo' bʌ ti Jerusalén yic'ot ti Judá cha'an ts'a' tsi' q'ueleyob. Sedequías tsi' ñusʌbe i t'an jini rey ti Babilonia.

Daniel 3:8

Pero jini caldeojob año' bʌ i ye'tel tsa' majli i subeñob rey i mul jini judíojob mach bʌ anic tsi' ñocchocoyob i bʌ.

Daniel 9:25

Na'tan iliyi cha'an ma' ch'ʌmben isujm. Mi caj i ñumel wucp'ejl semana yic'ot cha'p'ejl i chʌnc'al (62) semana che' bʌ tsa' ajq'ui jini mandar cha'an mi' cha' wa'chocontel Jerusalén, c'ʌlʌl ba' ora mi' tilel jini Yajcʌbil bʌ Yumʌl. Pejtel i ts'ajquil i ti' tac Jerusalén yic'ot i calle tac mi caj i cha' mejlel anquese i yorajlel cabʌl wocol.

Lucas 13:34

Jerusalén, Jerusalén, mu' bʌ a tsʌnsan x'alt'añob, mi la' jul ti xajlel jini chocbilo' bʌ tilel ba' añetla. Anix jayyajl com c tempan la' walobilob che' bajche' mi' luts' i yal jini ña'a mut, pero mach la' womic.

Hechos 24:5

Come tsa'ix j q'uele lojon cabʌl woli' tic'lañon lojon jini winic. Mi' tech leto ti pejtelel pañimil baqui jach an judíojob. Jini winic ñumen ch'ejl mi' mel i bʌ bajche' yaño' bʌ tsa' bʌ i tsajcʌbeyob i cʌntesʌbal jini winic ch'oyol bʌ ti Nazaret.

1 Tesalonicenses 5:22

Mach la' ñop jontolil mi junchajpic.