Esdras 3:9 - Chol: I T’an Dios

⁹ Xq'uel e'telob ja'el, cha'tiquil i p'olbal Judá jiñobʌch Jesúa yic'ot Cadmiel, yic'ot winic bʌ i yalobilob yic'ot i pi'ʌlob comol tsa' caji' q'uelob jini e'tel ti' Templo lac Yum yic'ot jini leví Henadad yic'ot i pi'ʌlob.

Chol de Tumbalá Bible

⁹ Xq'uel e'telob ja'el, cha'tiquil i p'olbal Judá jiñobʌch Jesúa yic'ot Cadmiel, yic'ot winic bʌ i yalobilob yic'ot i pi'ʌlob comol tsa' caji' q'uelob jini e'tel ti' Templo lac Yum yic'ot jini leví Henadad yic'ot i pi'ʌlob.

Esdras 3:9 Iomraidhean Croise

1 Cronicas 23:4

Ti' tojlelob mi caj i loq'uelob chʌntiquil i cha'c'al mil (24,000) cha'an mi' q'uelob jini e'tel tac ti' melol jini Templo. Wʌcp'ejl mil mi caj i yochelob ti yumʌl yic'ot ti juezob. Che' ja'el mi caj i yochelob chʌmp'ejl mil ti xcʌntayajob, yic'ot chʌmp'ejl mil mu' bʌ i ñuq'uesañob lac Yum ti música.

2 Cronicas 34:12

Xuc'ul tsi' meleyob i ye'tel ili winicob. Jini xq'uel e'telob jiñobʌch levíjob: Jahat yic'ot Abdías (i yalobil Merari) yic'ot Zacarías yic'ot Mesulam (i yalobilob Coat). Jini levíjob laj yujilob c'ay yic'ot i ñijcʌntel música.

Esdras 2:40

Jiñʌch i tsicol levíjob tsa' bʌ sujtiyob tilel: I pi'ʌlob Jesúa yic'ot Cadmiel loq'uemo' bʌ ti Hodavías 74. Jini xc'ayob loq'uemo' bʌ ti Asaf 128. I p'olbalob jini xcʌnta ti' otot (i pi'ʌlob Salum, Ater, Talmón, Acub, Hatita, Sobai) 139.

Esdras 3:8

Che' ti junio che' ti' cha'p'ejlel jab che' c'otemix ti Jerusalén, tsa' caji i cha' melob jini Templo Zorobabel (i yalobil Salatiel), yic'ot Jesúa (i yalobil Josadac), yic'ot pejtelel jini motomajob yic'ot levíjob yic'ot pejtelel i pi'ʌlob tsa' bʌ sujtiyob tilel ti Jerusalén. Pejtelel levíjob añobix bʌ junc'al i jabilel yic'ot i ñumel tsa' wa'chocontiyob cha'an mi' q'uelob ti cha' melol i yotot lac Yum.

Nehemias 3:24

Binúi (i yalobil Henadad) tsi' cha' mele junxujt' ts'ajc ti' t'ejl Azarías, ya' ba'an i yotot Azarías c'ʌlʌl ti jump'ejl i xujc ts'ajc c'ʌlʌl ti yambʌ i xujc.

Nehemias 7:43

Jini levíjob tsa' bʌ cha' tiliyob jiñobʌch: I p'olbal Jesúa i yalobil bʌ Cadmiel i yalobil bʌ Hodavías, lujuntiquil i chʌnc'al yic'ot chʌntiquil (74). Jini xc'ayob: I p'olbal Asaf, wucc'al yic'ot waxʌctiquil (148). Jini xcuchijelob: I p'olbal Salum, i p'olbal Ater, i p'olbal Talmón, i p'olbal Acub, i p'olbal Hatita, yic'ot i p'olbal Sobai, wʌcc'al yic'ot jo'lujuntiquil i cha'c'al yic'ot uxtiquil (138).