Esdras 3:7 - Chol: I T’an Dios

⁷ Tsi' pʌyʌyob ti e'tel jini xjuc' te'ob yic'ot jini xmel ts'ajcob. Tsi' mʌñʌyob ch'ujte' am bʌ ti Líbano. Tsi' tojoyob yic'ot i bʌl ñʌc'ʌl yic'ot aceite yic'ot vino cha'an mi' ch'ʌmob tilel jini sidoñojob yic'ot tirojob. Tsi' ñijcayob tilel jini te' ti' ti' colem ñajb c'ʌlʌl tsa' c'otiyob ti Jope am bʌ ti' ti' ñajb. Tsa' lu' mejli che' bajche' tsi' yʌc'ʌ mandar Ciro yumʌl bʌ ti Persia.

Chol de Tumbalá Bible

⁷ Tsi' pʌyʌyob ti e'tel jini xjuc' te'ob yic'ot jini xmel ts'ajcob. Tsi' mʌñʌyob ch'ujte' am bʌ ti Líbano. Tsi' tojoyob yic'ot i bʌl ñʌc'ʌl yic'ot aceite yic'ot vino cha'an mi' ch'ʌmob tilel jini sidoñojob yic'ot tirojob. Tsi' ñijcayob tilel jini te' ti' ti' colem ñajb c'ʌlʌl tsa' c'otiyob ti Jope am bʌ ti' ti' ñajb. Tsa' lu' mejli che' bajche' tsi' yʌc'ʌ mandar Ciro yumʌl bʌ ti Persia.

Esdras 3:7 Iomraidhean Croise

2 Samuel 5:11

Hiram i rey jini año' bʌ ti Tiro, tsi' choco majlel x'ac' juñob ba'an David. Tsi' choco majlel ch'ujte', yic'ot xjuc' te'ob yujilo' bʌ i melol otot, yic'ot yujilo' bʌ i ts'ajquintel otot, cha'an mi' melbeñob i yotot David.

1 Reyob 5:6

Jini cha'an awocolic, Hiram, suben a winicob cha'an mi' sec'beñoñob ch'ujte' am bʌ ti Líbano. C winicob mi caj i comol cha'leñob e'tel yic'ot a winicob. Mi caj c tojbeñob i ye'tel a winicob che' bajche' c'amel a wom, come isujm ma'anic majch yujil i p'elol te' che' bajche' a winicob año' bʌ ti Sidón, che'en Salomón.

2 Reyob 12:10

Che' bʌ tsa' on'a jini taq'uin ti cajón, tsi' pʌyʌyob tilel i yaj ts'ijbaya rey yic'ot jini ñuc bʌ motomaj. Tsi' tsiquiyob jini taq'uin tsa' bʌ tempʌyi ya' ti' yotot lac Yum. Tsi' lotoyob.

2 Reyob 12:13

Jini taq'uin tsa' bʌ ch'ʌjmi tilel ti' yotot Dios ma'anic tsa' c'ʌjni cha'an mi' mejlel jini taza tac ti tsucu taq'uin, mi cuchillojic, mi colem taza tac, mi trompeta tac, mi yambʌ e'tijibʌl melbil bʌ ti oro yic'ot ti plata. Pero ti pejtelel jini taq'uin tsa' c'ʌjñi cha'an i melol i yotot Dios. Come jini taq'uin tsa' aq'uenti ti' wenta jini woli bʌ i melob jini e'tel.

2 Cronicas 34:10

Jini levíjob tsi' yʌq'ueyob xq'uel e'telob ya' ti' Templo Dios. Jini xq'uel e'telob tsi' t'oxbeyob jini x'e'telob tsa' bʌ i c'ʌñʌyob cha'an mi' cha' wen melob ti uts'at i yotot lac Yum. Tsi' tojoyob jini xjuc'te'ob yic'ot jini mu' bʌ i top'ob xajlel. Tsi' mʌñʌyob jini toj'esʌbilix bʌ xajlel yic'ot te'. Tsi' cha' wa'chocoyob ba' tsa' jejmi ti' wenta yaño' bʌ reyob ti Judá.

Esdras 3:6

Che' ti 15 de septiembre tsa' caji' pulbeñob i majtan tac lac Yum jini motomajob. Pero maxto melbilic i c'ʌclib i Templo lac Yum.

Ezequiel 27:17

Judá ja'el yic'ot año' bʌ ti' lumal Israel mi' ch'ʌmob tilel chab, aceite, yic'ot bálsamo yic'ot trigo ch'oyol bʌ ti Minit yic'ot ti Panag.

Jonas 1:3

Jonás tsi' chajpa i bʌ cha'an mi' puts'el loq'uel ti' tojlel lac Yum cha'an mach yomic majlel ti Nínive. Tsa' jubi majlel ti Jope ba' tsi' taja colem barco woli bʌ i majlel ti Tarsis. Tsi' tojo i yochib. Tsa' ochi cha'an mi' majlel ti Tarsis yic'ot jini año' bʌ ti barco cha'an mi' loq'uel ti' tojlel lac Yum.

Hechos 12:20

Herodes tsa' caji i mich'len winicob año' bʌ ti Tiro yic'ot ti Sidón. Tsa' tiliyob jini winicob ba'an Herodes. Tsi' ñaxan mucul pejcayob Blasto, jini i yaj q'uel wʌyib Herodes. Tsi' c'ajtibeyob ti wocol t'an cha'an mi' cʌy i mich'leñob, come ya' woli' tajob i bʌl i ñʌc' ti' lumal Herodes.

Hechos 9:36

Ya' ti Jope an xcʌnt'an i c'aba' Tabita, jiñʌch Dorcas. Jini x'ixic bʌxatax ti wen bʌ i ye'tel tsa' bʌ i cha'le. Tsi' yʌq'ueyob i chubʌ'an jini mach bʌ añobic i cha'an.

Hechos 9:38

Lʌc'ʌl an Lida ti Jope. Jini xcʌnt'añob che' bʌ tsi' yubiyob ya'an Pedro ti Jope, tsi' chocoyob majlel cha'tiquil winicob ba'an. Tsi' subeyob: Awocolic mach ma' chʌn jalijel ilayi. La' ti ora ba' añon lojon, che'ob.

Hechos 9:43

Ya' tsa' jale Pedro cabʌl q'uin ti Jope ti' yotot Simón, jini sts'aj pʌchi.