Esdras 3:5 - Chol: I T’an Dios

⁵ Tsi' yʌc'ʌyob ja'el jini pulbil tac bʌ majtañʌl che' bajche' yom che' ti' yorajlel c'aj o, yic'ot ti tsijib uw tac, yic'ot ti ñuc tac bʌ q'uin cha'an lac Yum. Parte an i yofrenda tac tsa' bʌ i yʌc'ʌyob ti' pusic'al jach.

Chol de Tumbalá Bible

⁵ Tsi' yʌc'ʌyob ja'el jini pulbil tac bʌ majtañʌl che' bajche' yom che' ti' yorajlel c'aj o, yic'ot ti tsijib uw tac, yic'ot ti ñuc tac bʌ q'uin cha'an lac Yum. Parte an i yofrenda tac tsa' bʌ i yʌc'ʌyob ti' pusic'al jach.

Esdras 3:5 Iomraidhean Croise

2 Cronicas 31:14

Coré (i yalobil Imna jini leví) tsa' wa'choconti ti xcʌnta ti' otot ya' ti' tojel i pasibal q'uin. Tsa' ajni ti' wenta cha'an mi' ch'ʌm jini ofrenda tac tsa' bʌ aq'uenti lac Yum cha'an mi' pucbeñob jini motomajob. I pi'ʌlob ti e'tel jiñobʌch: Edén, Miniamin, Jesúa, Semaías, Amarías yic'ot Secanías. Yajcʌbilob cha'an mi' pucbeñob jini motomajob yic'ot i pi'ʌlob ti jujump'ejl tejclum ti mojt ti mojt. Lajal tsi' t'oxbeyob jini añobix bʌ i jabilel che' bajche' jini maxto bʌ anic i colel.

Esdras 3:6

Che' ti 15 de septiembre tsa' caji' pulbeñob i majtan tac lac Yum jini motomajob. Pero maxto melbilic i c'ʌclib i Templo lac Yum.

Nehemias 10:34

Tsa' lac cha'le yajcaya ti alas ti mojt ti mojt, jini motomajob, yic'ot levíjob, yic'ot i pi'ʌlob ti Israel, cha'an mi lac ch'ʌm majlel si' ti' yotot lac Dios cha'an tsʌnsʌbil bʌ i majtan. Ti jujump'ejl otot mux lac ch'ʌm majlel jini si' che' lac wentajix ti jab ti jab cha'an mi' pulel ti pam i pulʌntib i majtan lac Yum Dios che' bajche' ts'ijbubil ti mandar.

Jeremias 33:18

Che' ja'el ma'anic ba' ora anto yom motomaj ti' tojlel levíjob cha'an mi' pulbeñoñob c majtan.

Levitico 1:2

Tsi' sube cha'an mi' yʌq'ueñob mandar jini israelob. Tsi' yʌlʌ: Che' mi la' tsʌnsʌbeñon c majtan, yom mi la' c'ʌn alʌc'ʌl tac loq'uem bʌ ti la' wacax yic'ot ti la' tiñʌme'. Mi mux la' wʌq'ueñon wacax, yom mi la' yajcan juncojt i tat bʌ mach bʌ wis anic i c'amʌjel. Yom mi la' pʌy tilel ti' ti' jini Tabernáculo ba' mi caj i ch'ʌmob jini motomajob.

Numeros 28:14

Che' mi la' wʌq'uen jujump'ejl i majtan, yom mi la' wʌq'uen japbil bʌ i majtan ja'el. Jiñʌch uxp'ejl litro vino yic'ot jujuncojt alʌ tat wacax, cha'p'ejl litro vino yic'ot jujuncojt alʌ tat tiñʌme', ojlil i cha'p'ejl litro yic'ot jujuncojt tiñʌme'. Pejtelel jini jiñʌch pulbil bʌ i majtan yom bʌ mi' yʌq'uentel ti jujump'ejl uw. Mach yomic mi la' cʌy la' wʌq'uen.

Numeros 28:19

Aq'ueñon jini pulbil tac bʌ c majtan jini mu' bʌ a wʌq'ueñon che' ti' tejchibal tac uw: Cha'cojt alʌ tat wacax, yic'ot juncojt tat tiñʌme', yic'ot wuccojt alʌ tat tiñʌme' am bʌ jujump'ejl i jabilel, mach bʌ i p'ajomalic, mach bʌ anic i lojwemal yic'ot i chʌmel.

Numeros 28:27

Mi caj la' wʌq'ueñon pulbil bʌ c majtan xojocña bʌ mi cubin. Yom cha'cojt alʌ tat wacax, yic'ot juncojt tat tiñʌme', yic'ot wuccojt alʌ tat tiñʌme' am bʌ jump'ejl i jabilel.

Numeros 29:13

Che' ti' tejchibal q'uin yom mi la' wʌc' jini majtañʌl mu' bʌ i pulel, xojocña bʌ mi cubin. Yom uxlujuncojt alʌ tat wacax, yic'ot cha'cojt tat tiñʌme', yic'ot chʌnlujuncojt (14) alʌ tat tiñʌme' am bʌ jujump'ejl i jabilel, mach bʌ i p'ajomalic.

Numeros 29:2

Che' ti jini q'uin yom mi la' pulbeñon jini xojocña bʌ c majtan, juncojt alʌ tat wacax, yic'ot juncojt tat tiñʌme', yic'ot wuccojt alʌ tat tiñʌme' am bʌ jujump'ejl i jabilel. Mach yomic i p'ajomal bʌ.

Numeros 29:39

Jiñʌch yom bʌ mi la' wersa aq'ueñon ti jujunyajl che' ti yorajlel mi la' mel q'uin. Parte jini majtañʌl mu' bʌ la' ña'tan la' wʌc', yic'ot jini tilem tac bʌ ti la' pusic'al mi jini pulbil bʌ c majtan, mi japbil bʌ, mi harina, mi chuqui tac jach mi la' ña'tan la' wʌq'ueñon. Parte jini ofrenda mu' bʌ la' wʌq'ueñon che' mi la' wa'chocon la' t'an yic'ot che' mi la' pʌs i tijicñʌyel la' pusic'al, che'en.

Numeros 29:8

Ti jim bʌ q'uin yom mi la' cha' pulbeñon yambʌ c majtan, juncojt alʌ tat wacax, yic'ot juncojt tat tiñʌme', yic'ot wuccojt alʌ tat tiñʌme' am bʌ jump'ejl i jabilel mach bʌ i p'ajomalic, xojocña bʌ mi cubin.

Deuteronomio 12:17

Mach yomic mi' la' c'ux ti la' wotot i wut la' pʌc'ʌb tsa'ix bʌ la' wʌc'ʌ cha'an la' diezmo, mi la' ts'usub, mi la' waceite, mi jinic i yʌx'al la' wacax, mi la' tiñʌme', mi jinic tsa'ix bʌ la' wʌlʌ cha'an mi caj la' wʌq'uen lac Yum. Mach yomic la' bajñel c'ʌn jini majtañʌl mi ofrenda tilem bʌ ti la' pusic'al.

Deuteronomio 12:6

Ya' yom mi la' pʌyben tilel i majtan mu' bʌ caj i laj pulel, yic'ot i majtan mu' bʌ caj i tsʌnsʌntel, yic'ot la' diezmo, yic'ot la' wofrenda, yic'ot ja'el jini t'an mu' bʌ caj la' wʌc', yic'ot jini majtañʌl tilem bʌ ti la' pusic'al, yic'ot i yʌx al la' wacax, yic'ot i yʌx al la' tiñʌme'.