Esdras 3:4 - Chol: I T’an Dios

⁴ Tsi' meleyob jini ñuc bʌ q'uin che' bajche' ts'ijbubil. Tsi' lich'iyob lejchempat tac. Tsi' puluyob majtañʌl che'ʌch bajche' c'amel yom ti jujump'ejl q'uin.

Chol de Tumbalá Bible

⁴ Tsi' meleyob jini ñuc bʌ q'uin che' bajche' ts'ijbubil. Tsi' lich'iyob lejchempat tac. Tsi' puluyob majtañʌl che'ʌch bajche' c'amel yom ti jujump'ejl q'uin.

Esdras 3:4 Iomraidhean Croise

1 Cronicas 16:37

David tsi' wa'choco cʌytʌl Asaf temel yic'ot i pi'ʌlob cha'an mi' chʌn q'uelob ti jujump'ejl q'uin chuqui tac yom melol ya' ti Tabernáculo.

2 Cronicas 31:16

Jini motomajob woliyo' bʌ ti e'tel ti Templo ti mojt ti mojt tsa' majliyob ti Templo cha'an mi' ch'ʌmob i bʌl i ñʌc' ti jujump'ejl q'uin yic'ot ch'iton bʌ i yalobilob.

Exodo 23:16

An i q'uiñilel c'ajbal ja'el che' mi la' wʌq'ueñon ñaxan bʌ i wut pʌc'ʌbʌl. Che' ti' jilibal jujump'ejl jab an q'uiñijel ja'el cha'an i wut pejtelel pʌc'ʌbʌl, che' bʌ tsa'ix la' tuc'u ochel pejtelel i wut pʌc'ʌbʌl.

Exodo 29:38

Jiñʌch chuqui yom ma' wʌc' ti pulʌntib: Ti jujump'ejl q'uin yom cha'cojt tat tiñʌme' am bʌ jump'ejl i jabilel.

Exodo 5:13

Tsʌts tsi' pejcayob jini mayordomojob: Ts'ʌcʌl yom mi la' mel ladrillo tac ti jujump'ejl q'uin che' bajche' ti yambʌ ora anquese ma'anic jam, che'ob.

Jeremias 52:34

Tsa' aq'uenti taq'uin yic'ot pejtel chuqui tac yom i cha'an ti' wenta jini rey ti Babilonia. Tsa' p'isbenti ti jujump'ejl q'uin c'ʌlʌl jinto tsa' chʌmi.

Levitico 23:33

Che' ñumenix jo'p'el q'uin, che' ti' jilibal septiembre, mi caj la' mel q'uin cha'an Tabernáculo. Wucp'ejl q'uin yom mi la' mel q'uin tic tojlel.

Numeros 29:39

Jiñʌch yom bʌ mi la' wersa aq'ueñon ti jujunyajl che' ti yorajlel mi la' mel q'uin. Parte jini majtañʌl mu' bʌ la' ña'tan la' wʌc', yic'ot jini tilem tac bʌ ti la' pusic'al mi jini pulbil bʌ c majtan, mi japbil bʌ, mi harina, mi chuqui tac jach mi la' ña'tan la' wʌq'ueñon. Parte jini ofrenda mu' bʌ la' wʌq'ueñon che' mi la' wa'chocon la' t'an yic'ot che' mi la' pʌs i tijicñʌyel la' pusic'al, che'en.

Juan 7:2

Lʌc'ʌlix i yorajlel che' mi' melob q'uin judíojob che' mi' melob lejchempat tac.

Juan 7:37

Che' ti' xojt'ibal q'uin, ti jini ñuc bʌ q'uin, Jesús tsa' wa'le. C'am tsi' cha'le t'an. Tsi' yʌlʌ: Mi an majqui an i tiquin ti', la' ba' añon, la' i jap.