Esdras 3:10 - Chol: I T’an Dios

¹⁰ Che' melbilix i c'ʌclib i Templo lac Yum, tsi' meleyob q'uin. Jini motomajob tsi' lʌpʌyob i pislel i motomajil. Tsi' wusuyob jini trompeta tac. I p'olbal Asaf tsi' ñijcayob jini címbalo tac. Tsi' ñuq'uesʌbeyob i c'aba' lac Yum che' bajche' tsi' yʌc'ʌ mandar jini rey David.

Chol de Tumbalá Bible

¹⁰ Che' melbilix i c'ʌclib i Templo lac Yum, tsi' meleyob q'uin. Jini motomajob tsi' lʌpʌyob i pislel i motomajil. Tsi' wusuyob jini trompeta tac. I p'olbal Asaf tsi' ñijcayob jini címbalo tac. Tsi' ñuq'uesʌbeyob i c'aba' lac Yum che' bajche' tsi' yʌc'ʌ mandar jini rey David.

Esdras 3:10 Iomraidhean Croise

1 Cronicas 15:24

Tsa' yajcʌntiyob motomajob mu' bʌ i ñijcañob trompeta cha'an ñaxan mi' majlelob ti marcha. Jiñobʌch iliyi: Sebanías, Josafat, Natanael, Amasai, Zacarías, Benaía, Eliezer. Obed Edom yic'ot Jehías tsi' cʌntayob jini Arca.

1 Cronicas 15:27

David lʌpbil i cha'an lino bʌ bujcʌl, yic'ot jini levíjob woli bʌ i q'uechob majlel Arca, yic'ot jini xc'ayob, yic'ot Quenanías mu' bʌ i tech c'ay. Lʌpbil i cha'an David ja'el jump'ejl efod melbil bʌ ti lino bʌ pisil.

1 Cronicas 16:37

David tsi' wa'choco cʌytʌl Asaf temel yic'ot i pi'ʌlob cha'an mi' chʌn q'uelob ti jujump'ejl q'uin chuqui tac yom melol ya' ti Tabernáculo.

1 Cronicas 16:42

Tsi' ñijcayob trompeta tac yic'ot címbalo tac che' bʌ tsi' cha'leyob c'ay. Tsa' wa'chocontiyob ti xcʌntayajob i yalobilob Jedutún.

2 Cronicas 35:14

Ti wi'il jini levíjob tsi' bajñel chajpayob i bʌlob i ñʌc' cha'an mi' c'uxob yic'ot jini motomajob. Come jini motomajob i yalobilob Aarón tsi' chʌn pulbeyob i majtan lac Yum yic'ot i lewil alʌc'ʌl c'ʌlʌl ti ac'ʌlel.

2 Cronicas 35:15

Jini xc'ayob (i yalobilob Asaf) tsi' chʌn meleyob i ye'tel che' bajche' tsi' yʌc'ʌyob mandar David yic'ot Asaf yic'ot Hemán yic'ot Jedutún, jini x'alt'an ti' wenta jini rey. Jini xc'ayob año' bʌ ti' ti' otot tsi' chʌn meleyob i ye'tel ja'el. Ma'anic tsi' cʌyʌyob, come jini levíjob i pi'ʌlob tsi' ch'ʌmbeyob tilel chuqui mi' c'uxob.

Esdras 5:16

Jini cha'an Sesbasar tsa' tili. Tsi' melbe i c'ʌclib i Templo Dios wʌ' ti Jerusalén. Jini cha'an c'ʌlʌl wʌle woli ti mejlel majlel, pero anto yom melol”. Che' tsi' jac'ʌyob jini judíojob.

Salmos 150:5

Tsictesanla i ñuclel ti selel bʌ tsucul taq'uin mu' bʌ lac jats'. Tsictesanla i ñuclel ti címbalo c'am bʌ mi' cha'len t'an.

Hageo 2:15

Wʌle, ña'tanla ti la' pusic'al chuqui mi' caj ti ujtel wʌle yic'ot ti tal to bʌ ora. Che' maxto lʌtsbilic xajlel ya' ti' Templo lac Yum,

Zacarias 4:10

Mach ma' ts'a'len i tejchibal e'tel che' maxto tsiquilic chuqui woli' mejlel. Tijicña lac Yum che' mi' q'uel jini plomo ti' c'ʌb Zorobabel, come tejchemix jini e'tel. Ili wucp'ejl c'ajc jiñʌch i yejtal tac i wut lac Yum mu' bʌ i c'otel i q'uel pejtel pañimil, che'en.

Zacarias 4:6

Che' jini tsi' yʌlʌ: Jiñʌch i t'an lac Yum tsa' bʌ i sube Zorobabel. Woli' yʌl: “Mach ti' p'ʌtʌlelic winicob, mi ti' ña'tibalic winicob mi caj i mejlel que'tel, pero ti' p'ʌtʌlel quEspíritu”. Che' tsi' yʌlʌ i Yum Panchan yic'ot Pañimil.

Zacarias 4:7

Ma'anic wits mu' bʌ mejlel i mʌctan Zorobabel, come mi caj i sujtel ti joctʌl bʌ lum ti' tojel i wut. Zorobabel mi caj i yujtesan i mel jini Templo ti' tijicñʌyel i pusic'al, come mi caj i ña'tan tsa'ix mejli cha'an jach i yutslel i pusic'al Dios. Ti c'am bʌ t'an mi caj i subeñob Dios wocolix i yʌlʌ, che'en jini ángel.

Zacarias 6:12

Suben: “I Yum Panchan yic'ot Pañimil woli' yʌl: I wentajet jini Winic mu' bʌ caj i tilel, i c'aba' Buts, mu' bʌ caj i pasel ya' ba' chucul i wi'. Mi caj i wa'chocoben i Templo lac Yum.

Zacarias 7:3

Tsi' c'ajtibeyob jini motomajob yic'ot jini x'alt'añob mi yom to mi' chʌn cha'leñob ch'ajb yic'ot uq'uel ti agosto ti jujump'ejl jab che' bajche' i tilel.

1 Samuel 22:18

Jini rey tsi' sube Doeg: Jatet Doeg, tsʌnsan jini motomajob, che'en. Doeg jini ch'oyol bʌ ti Edom tsa' majli i tsʌnsan jini motomajob. Ti jim bʌ ora tsi' tsʌnsa jo'tiquil i jo'c'al (85) winicob, motomajob mu' bʌ i lʌpob jini bujcʌl melbil bʌ ti lino bʌ pisil.