Esdras 2:2 - Chol: I T’an Dios

² Jiñobʌch ñuc taco' bʌ i ye'tel: Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, Baana. Jiñʌch i tsicol jini tsa' bʌ sujtiyob ti mojt ti mojt:

Chol de Tumbalá Bible

² Jiñobʌch ñuc taco' bʌ i ye'tel: Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, Baana. Jiñʌch i tsicol jini tsa' bʌ sujtiyob ti mojt ti mojt:

Esdras 2:2 Iomraidhean Croise

Esdras 1:11

Pejtelel jini uch'ijibʌl tac melbil bʌ ti oro yic'ot ti plata, jiñʌch 5,469. Tsa' lu' ajq'ui ti' wenta Sesbasar cha'an mi' ch'ʌm majlel ti Jerusalén yic'ot i pi'ʌlob. Tsa' loq'uiyob ti Babilonia cha'an mi' sujtelob ti' lumal.

Esdras 1:8

Jini rey Ciro tsi' sube Mitrídates jini tesorero ti Persia cha'an mi' loc'san ya' ba' lotol. Jini Mitrídates tsi' yotsa ti jun. Tsi' yʌc'ʌ ti' wenta Sesbasar am bʌ ñuc bʌ i ye'tel ti' tojlel jini israelob.

Esdras 2:1

Tsa' sujtiyob cabʌl israelob tsa' bʌ coliyob ti Babilonia. I yalobilobʌch jini winicob tsa' bʌ cʌjchiyob majlel cha'an jini rey Nabucodonosor ti Babilonia. Tsa' sujtiyob ti Jerusalén yic'ot ti pejtelel tejclum tac ti Judá ba' ch'oyolob i tatob.

Esdras 2:3

I pi'ʌlob Paros 2,172. I pi'ʌlob Sefatías 372. I pi'ʌlob Ara 775. I pi'ʌlob Pahat Moab (i p'olbalob Jesúa yic'ot Joab) 2,812. I pi'ʌlob Elam 1,254. I pi'ʌlob Zatu 945. I pi'ʌlob Zacai 760. I pi'ʌlob Bani 642. I pi'ʌlob Bebai 623. I pi'ʌlob Azgad 1,222. I pi'ʌlob Adonicam 666. I pi'ʌlob Bigvai 2,056. I pi'ʌlob Adín 454. I pi'ʌlob Ater (i p'olbalob Ezequías) 98. I pi'ʌlob Bezai 323. I pi'ʌlob Jora 112. I pi'ʌlob Hasum 223. I pi'ʌlob Gibar 95. I pi'ʌlob Belén 123. I pi'ʌlob Netofa 56. I pi'ʌlob Anatot 128. I pi'ʌlob Azmavet 42. I pi'ʌlob Quiriat Jearim. Cafira yic'ot Beerot 743. I pi'ʌlob Ramá yic'ot Geba 621. I pi'ʌlob Micmas 122. I pi'ʌlob Betel yic'ot Hai 223. I pi'ʌlob Nebo 52. I pi'ʌlob Magbis 156. I pi'ʌlob Elam 1,254. I pi'ʌlob Harim 320. I pi'ʌlob Lod, Hadid yic'ot Ono 725. I pi'ʌlob Jericó 345. I pi'ʌlob Senaa 3,630.

Esdras 4:3

Pero ma'anic tsi' jac'ʌyob Zorobabel yic'ot Jesúa yic'ot jini xñoxob ti Israel. Tsi' yʌlʌyob: Mach mejlic c pʌyet lojon cha'an mi laj comol cha'len e'tel. Jasʌlon lojon. Mu' to c bajñel mel lojon i Templo c Yum lojon, i Dios Israel, che' bajche' tsi' subeyon lojon Ciro yumʌl bʌ ti Persia. Che' tsi' yʌlʌyob.

Esdras 4:8

Jini gobernador Rehum yic'ot jini secretario Simsai tsi' chocbeyob majlel jun jini rey Artajerjes ba' tsi' jop'beyob i mul Judá. Yaño' bʌ tsi' coltayob ti' ts'ijbuntel jini jun. Jiñobʌch cha'tiquil uxtiquil juezob yic'ot año' bʌ i ye'tel, yic'ot jini persiajob, yic'ot jini babiloniajob, yic'ot jini ch'oyolo' bʌ ti Erec yic'ot ti Susa.

Esdras 5:2

Jini cha'an jini año' bʌ i ye'tel, Zorobabel (i yalobil Salatiel) yic'ot Jesúa (i yalobil Josadac) tsa' cajiyob ti comol e'tel yic'ot jini x'alt'añob i cha'an Dios. Tsa' cha' caji' melob i Templo Dios ya' ti Jerusalén.

Esdras 8:1

Che' woli ti yumʌntel Artajerjes, tsa' loq'uiyob ti Babilonia cabʌl c pi'ʌlob temel quic'ot. Jiñʌch i c'aba' tac ti mojt ti mojt:

Nehemias 12:47

Ti jujump'ejl q'uin che' cuxul to Zorobabel yic'ot Nehemías, pejtel israelob tsi' yʌq'ueyob i bʌl i ñʌc' jini xc'ayob yic'ot xcʌnta ti'ob. Tsi' yʌq'ueyob levíjob ja'el chuqui yom i cha'añob. Jini levíjob tsi' cha' aq'ueyob i p'olbal Aarón chu' bʌ yom che' bajche' ts'ijbubil.

Nehemias 7:7

I yumob tsa' bʌ cha' tiliyob jiñobʌch: Zorobabel, Jesúa, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum, Baana. Jini yaño' bʌ tsa' bʌ cha' tiliyob jiñobʌch: I p'olbal Paros, jo'bajc' yic'ot waxʌcc'al yic'ot lajchʌntiquil (2,172); i p'olbal Sefatías, jo'lujunc'al yic'ot lujuntiquil i chʌnc'al yic'ot cha'tiquil (372); i p'olbal Ara, lujunc'al i cha'bajc' yic'ot lujuntiquil i yuxc'al yic'ot cha'tiquil 8652); i p'olbal Pahat Moab, i p'olbal Jesúa yic'ot Joab, wucbajc' yic'ot waxʌclujuntiquil (2,818); i p'olbal Elam, uxbajc' yic'ot lujuntiquil i yuxc'al yic'ot chʌntiquil (1,254); i p'olbal Zatu, cha'bajc' yic'ot jo'tiquil i yuxc'al (845); i p'olbal Zacai, jo'lujunc'al i cha'bajc' yic'ot uxc'al (760); i p'olbal Binúi lujunc'al i cha'bajc' yic'ot waxʌctiquil i yuxc'al (648); i p'olbal Bebai, lujunc'al i cha'bajc' yic'ot waxʌctiquil i yuxc'al (628); i p'olbal Azgad, lujunc'al i wucbajc' yic'ot junc'al yic'ot cha'tiquil (2,322); i p'olbal Adonicam, lujunc'al i cha'bajc' yic'ot wuctiquil i chʌnc'al (667); i p'olbal Bigvai, jo'bajc' yic'ot wuctiquil i chʌnc'al (2,067); i p'olbal Adín, lujunc'al i cha'bajc' yic'ot jo'lujuntiquil i yuxc'al (655); i p'olbal Ater, i yalobil bʌ Ezequías, jo'lujuntiquil i jo'c'al yic'ot uxtiquil (98); i p'olbal Hasum, jo'lujunc'al yic'ot jo'tiquil i cha'c'al yic'ot uxtiquil (328); i p'olbal Bezai, jo'lujunc'al yic'ot chʌntiquil i cha'c'al (324); i p'olbal Harif, jo'c'al yic'ot lajchʌntiquil (112); i p'olbal Gabaón, jo'lujuntiquil i jo'c'al (95). Jini tsa' bʌ sujtiyob ti Belén yic'ot ti Netofa, bolonc'al yic'ot waxʌctiquil (188) winicob. Jini tsa' bʌ sujtiyob ti Anatot, wʌcc'al yic'ot waxʌctiquil (128) winicob. Jini tsa' bʌ sujtiyob ti Betazmavet, cha'c'al yic'ot cha'tiquil (42) winicob. Jini tsa' bʌ sujtiyob ti Quiriat Jearim yic'ot ti Cafira yic'ot ti Beerot, jo'lujunc'al i cha'bajc' yic'ot uxtiquil i yuxc'al (743). Jini tsa' bʌ sujtiyob ti Ramá yic'ot ti Geba, lujunc'al i cha'bajc' yic'ot juntiquil i cha'c'al (621) winicob. Jini tsa' bʌ sujtiyob ti Micmas, wʌcc'al yic'ot cha'tiquil (122) winicob. Jini tsa' bʌ sujtiyob ti Betel yic'ot ti Hai, wʌcc'al yic'ot uxtiquil (123) winicob. Jini tsa' bʌ sujtiyob ti yambʌ Nebo, lujuntiquil i yuxc'al yic'ot cha'tiquil (52) winicob; i p'olbal jini yambʌ Elam, uxbajc' yic'ot lujuntiquil i yuxc'al yic'ot chʌntiquil (1,254); i p'olbal Harim, jo'lujunc'al yic'ot junc'al (320); i p'olbal Jericó, jo'lujunc'al yic'ot jo'tiquil i yuxc'al (345); i p'olbal Lod yic'ot Hadid yic'ot Ono, jo'lujunc'al i cha'bajc' yic'ot junc'al yic'ot juntiquil (721); i p'olbal Senaa, jo'lujunc'al i lujumbajc' yic'ot lujuntiquil i cha'c'al (3,930).

Hageo 1:1

Che' ñumenix jum'p'ejl jab woli' cha'len yumʌntel jini rey Darío, che' ti ñaxan bʌ tsic ti agosto, jini x'alt'an Hageo tsa' caji i sub i t'an lac Yum. Hageo tsa' caji i subeñob Zorobabel (i yalobil Salatiel), jini gobernador ti Judá, yic'ot Josué (i yalobil Josadac), jini ñuc bʌ motomaj.

Hageo 1:12

Tsi' jac'beyob i t'an lac Yum Dios Zorobabel (i yalobil Salatiel) yic'ot Josué (i yalobil Josadac) jini ñuc bʌ motomaj, yic'ot pejtel yaño' bʌ. Tsi' jac'beyob i t'an Hageo jini x'alt'an, come lac Yum Dios tsi' choco tilel. Tsi' bʌc'ñayob Dios.

Hageo 1:14

Lac Yum tsi' ñijcʌbeyob i pusic'al Zorobabel jini gobernador ya' ti Judá, yic'ot Josué jini ñuc bʌ motomaj, yic'ot pejtelel winicob x'ixicob ya' bʌ chumulob. Tsi' tempayob i bʌ cha'an mi' cha' melbeñob i yotot Dios, i Yum Panchan yic'ot Pañimil, jiñʌch lac Dios.

Hageo 2:2

Lac Yum tsi' sube: Pejcan Zorobabel, jini gobernador ya' ti Judá, yic'ot Josué jini ñuc bʌ motomaj, yic'ot winicob x'ixicob ya' bʌ chumulob.

Hageo 2:21

Suben Zorobabel jini gobernador ti Judá: “Mi caj c ñijcan panchan yic'ot pañimil.

Hageo 2:4

Wʌle, Zorobabel, tijicñesan a pusic'al, che'en lac Yum. Tijicñesan a pusic'al, Josué, ñuc bʌ motomajet. Ti la' pejtelel wʌ' bʌ añetla ti la' lumal, tijicñesan la' bʌ, che'en lac Yum. Cha'lenla e'tel, come añon quic'otetla

Zacarias 3:1

Jini ángel tsi' pʌsbeyon jini ñuc bʌ motomaj i c'aba' Josué, wa'al bʌ ti' tojel i yAngel lac Yum. Ya' wa'al Satanás ja'el ti' ñoj jini Angel cha'an mi' jop'ben i mul Josué.

Zacarias 3:3

Awilan bibi' jax i pislel Josué ya' ba' wa'al ti' tojel i yAngel lac Yum.