Esdras 2:1 - Chol: I T’an Dios

¹ Tsa' sujtiyob cabʌl israelob tsa' bʌ coliyob ti Babilonia. I yalobilobʌch jini winicob tsa' bʌ cʌjchiyob majlel cha'an jini rey Nabucodonosor ti Babilonia. Tsa' sujtiyob ti Jerusalén yic'ot ti pejtelel tejclum tac ti Judá ba' ch'oyolob i tatob.

Chol de Tumbalá Bible

¹ Tsa' sujtiyob cabʌl israelob tsa' bʌ coliyob ti Babilonia. I yalobilobʌch jini winicob tsa' bʌ cʌjchiyob majlel cha'an jini rey Nabucodonosor ti Babilonia. Tsa' sujtiyob ti Jerusalén yic'ot ti pejtelel tejclum tac ti Judá ba' ch'oyolob i tatob.

Esdras 2:1 Iomraidhean Croise

2 Reyob 25:11

Jini Nabuzaradán tsi' yʌc'ʌ i t'an cha'an mi' pʌyob majlel jini winicob x'ixicob tsa' bʌ cʌleyob ti tejclum, yic'ot jini tsa'ix bʌ i yʌc'ʌyob i bʌ ti' wenta i rey Babilonia, yic'ot pejtelel jini wen yujilo' bʌ e'tel ti chajp ti' chajp.

1 Cronicas 9:1

Ochem tac ti' jun i reyob Israel i c'aba' tac pejtelel i ñojte'elob jini israelob. Tsa' wersa pʌjyiyob majlel ti Babilonia jini año' bʌ ti Judá, come tsi' ch'ujutesayob dioste' tac.

1 Cronicas 9:2

Jini tsa' bʌ ñaxan sujtiyob tilel cha'an mi' cha' cajel ti chumtʌlob ti' tejclum tac, jiñobʌch i p'olbalob Israel yic'ot jini motomajob, jini levíjob, yic'ot jini mu' bʌ i coltañob ti Templo.

Esdras 1:11

Pejtelel jini uch'ijibʌl tac melbil bʌ ti oro yic'ot ti plata, jiñʌch 5,469. Tsa' lu' ajq'ui ti' wenta Sesbasar cha'an mi' ch'ʌm majlel ti Jerusalén yic'ot i pi'ʌlob. Tsa' loq'uiyob ti Babilonia cha'an mi' sujtelob ti' lumal.

Esdras 2:2

Jiñobʌch ñuc taco' bʌ i ye'tel: Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, Baana. Jiñʌch i tsicol jini tsa' bʌ sujtiyob ti mojt ti mojt:

Esdras 2:70

Jini motomajob, levíjob, yic'ot lamital yaño' bʌ tsa' chumleyob ti Jerusalén yic'ot ti xchumtʌl tac ti joytilel. Jini xc'ayob yic'ot xcʌnta ti' ototob, che' ja'el x'e'telob ti' yotot lac Yum yic'ot i pi'ʌlob, tsa' majliyob ti chumtʌl ti yan tac bʌ tejclum ti Judá ba' ch'oyolob i tatob.

Esdras 6:2

Tsi' tajayob jini jun ti colem otot am bʌ ti tejclum i c'aba' Acmeta am bʌ ti Media. Tsi' tajayob ba' ts'ijbubil i mandar Ciro:

Esdras 8:35

Che' jini pejtelel jini tsa' bʌ sujtiyob tilel tsi' pulbeyob tsʌnsʌbil bʌ i majtan tac i Dios Israel. Tsi' yʌq'ueyob Dios lajchʌncojt alʌ tat wacax cha'an lajchʌnmojt israelob yic'ot wʌclujump'ejl i jo'c'al (96) i tat tiñʌme', yic'ot wuclujump'ejl i chʌnc'al (77) alʌ tiñʌme', yic'ot lajchʌncojt tat chivo cha'an i ñusʌntel mulil. Laj i majtan lac Yum.

Nehemias 12:1

Jiñobʌch motomajob yic'ot levíjob tsa' bʌ letsiyob tilel ti Jerusalén yic'ot Zorobabel i yalobil Salatiel, yic'ot Jesúa: Seraías, Jeremías, Esdras, Amarías, Maluc, Hatús, Secanías, Rehum, Meremot, Iddo, Gineto, Abías, Mijamín, Maadías, Bilga, Semaías, Joiarib, Jedaías, Salú, Amoc, Hilcías, Jedaías. Jiñobʌch ñuco' bʌ motomajob, jini yajcʌbilo' bʌ, che' ti' yorajlel Jesúa.

Ester 1:1

Che' bʌ tsi' cha'le yumʌntel Asuero, an ti' wenta wucp'ejl i wucc'al (127) colem tejclum tac c'ʌlʌl ti India c'ʌlʌl ti Etiopía.

Ester 1:11

Tsi' subeyob cha'an mi' pʌyob tilel Vasti, jini co'ʌl, che' c'ʌcʌl ti' jol jini corona, i ch'ʌjlib i yijñam rey, cha'an mi' q'uelob pejtel año' bʌ i ye'tel yic'ot pejtel xjula'ob come wen i t'ojol jax i yijñam.

Ester 1:3

tsi' cha'le q'uiñijel che' uxp'ejlix jab i yumʌntel. Tsi' pʌyʌ tilel jini ñuco' bʌ i ye'tel yic'ot i winicob yic'ot capitañob loq'uemo' bʌ ti Persia yic'ot ti Media. Che' bʌ ya' añob gobernadorob yic'ot wen chumulo' bʌ ti' tojlel,

Ester 1:8

Tsi' cha'le mandar jini rey. Tsi' subeyob pejtel año' bʌ i ye'tel cha'an ma'anic majch mi' wersa jap vino mi mach yomic. Jini yom bʌ i jap mi mejlel i jap che' bajche' c'amel yom i pusic'al, come jiñʌch i mandar rey.

Ester 8:9

Jini rey tsi' pʌyʌ tilel sts'ijbayajob ti jini jach bʌ ora ti 23 de julio. Tsi' ts'ijbayob jini mandar che' bajche' tsi' subeyob Mardoqueo. Tsi' yʌc'ʌ ti' wenta año' bʌ i ye'tel cha'an mi' coltañob judíojob. I wentajʌch gobernadorob yic'ot yumʌlob ti jujumpejt colem tejclum c'ʌlʌl ti India c'ʌlʌl ti Etiopía, wucp'ejl i wucc'al (127) colem tejclum tac. Ts'ijbubil jini mandar ti jujunchajp t'an che' bajche' mi' cha'leñob t'an winicob cha'an mi' laj ch'ʌmbeñob isujm. Ts'ijbubil ti' t'an judíojob ja'el che' bajche' mi' cha'leñob ts'ijb.

Isaias 48:20

Loq'uenla ti Babilonia. Cha'lenla c'ay che' wolix la' loq'uel majlel ba' cʌchʌletla. Tsictesanla c'ʌlʌl ti' xujc tac pañimil cha'an lac Yum tsi' colta israelob jini x'e'telob i cha'an.

Jeremias 50:19

Mi caj c cha' pʌy tilel Israel wʌ' ti' lumal. Cha' tijicña mi caj i chumtʌlob ti Carmel yic'ot ti Basán. Tijicña mi' cajelob ti c'ajbal ti' bujtʌl tac Efraín yic'ot ti Galaad.

Lamentaciones 1:3

¿Chucoch cʌchʌl tsa' pʌjyi majlel Judá ti' wenta i yum am bʌ ti ñajtʌl? Cha'an ti' caj i mul. Tsi' cʌchʌ yaño' bʌ. Tsi' tic'layob. Wʌle majlemix ti ñajtʌl. Che jach meq'uel i c'ʌb. Ma'anic i ñʌch'tilel i pusic'al come añʌchix ti' wenta xtic'layajob.

Lamentaciones 1:5

Añobix ti' wenta i contrajob. Woli' mʌjlel i cha'añob. Lac Yum woli' jultesʌben i pusic'al Judá cha'an ti' caj cabʌl i mul. Pʌybilob majlel ti to'ol e'tel i yalobilob. Tic'lʌbilob cha'an i contrajob.

Lamentaciones 4:22

Wʌ' jach jaxʌl mi caj a toj a mul, Sion. Ma'anix mi caj a chʌn pʌjyel majlel ti to'ol e'tel. Wʌle lac Yum mi caj i melet, Edom. Mi caj i tsictesan a mul.

Sofonias 2:7

Ya' mi caj i majlelob ti chumtʌl i colojbal i p'olbal Judá. Ya' mi caj i c'ajob i yo ti' yotot tac Ascalón ba' ma'añobix i yum. Come lac Yum mi caj i cha' pʌsbeñob i yutslel. Mi caj i cha' aq'ueñob i wenlel.

Hechos 23:34

Che' bʌ tsa' ujti i q'uel jini jun jini gobernador, tsi' c'ajtibe baqui ch'oyol. Tsa' subenti ya' ch'oyol ti Cilicia.