Esdras 10:6 - Chol: I T’an Dios

⁶ Esdras tsa' loq'ui ti Templo. Tsa' majli ti' tsalʌl Johanán (i yalobil Eliasib), pero ma'anic chuqui tsi' c'uxu, ma'anic chuqui tsi' japʌ. Come wen cabʌl i ch'ijiyemal i pusic'al cha'an ti' caj i mulob jini tsa' bʌ sujtiyob tilel ti' lumal.

Chol de Tumbalá Bible

⁶ Esdras tsa' loq'ui ti Templo. Tsa' majli ti' tsalʌl Johanán (i yalobil Eliasib), pero ma'anic chuqui tsi' c'uxu, ma'anic chuqui tsi' japʌ. Come wen cabʌl i ch'ijiyemal i pusic'al cha'an ti' caj i mulob jini tsa' bʌ sujtiyob tilel ti' lumal.

Esdras 10:6 Iomraidhean Croise

Esdras 10:1

Che' woli ti oración jini Esdras, pʌcʌl ti lum woli ti uq'uel. Woli' tsictesʌbeñob i mul israelob ya' ti' tojel i Templo Dios. Tsi' tempayob tilel i bʌ cabʌl israelob ti' joytʌlel Esdras, winicob, x'ixicob yic'ot alʌlob. Ti' pejtelelob woliyob ti uq'uel.

Esdras 10:7

Tsi' choco ti pʌyol pejtel jini chumulo' bʌ ti Judá yic'ot ti Jerusalén. Tsi' subeyob cha'an mi' tempañob i bʌ ya' ti Jerusalén pejtelel israelob, i yalobilob jini tsajniyo' bʌ ti cʌjchel. An ti' wenta jini año' bʌ i ye'tel cha'an mi' chilbeñob i chubʌ'an jini mach bʌ anic mi' c'otelob ti uxp'ejl q'uin. Mi caj i chocob loq'uel ti Templo ja'el.

Esdras 9:4

Cabʌlob tsa' bʌ i bʌc'ñayob i Dios Israel tsa' bʌ i jac'beyob i t'an tsi' meleyob i pusic'al cha'an ili mulil. Tsa' tiliyob ti buchtʌl temel quic'ot. Ya' jach buchulon lojon, ñʌch'ʌlon lojon, c'ʌlʌl ti' yorajlel che' mi' pulbentel i majtan Dios che' ti ic'ajel.

Nehemias 12:10

Jesúa i tatʌch Joiacim. Joiacim i tatʌch Eliasib. Eliasib i tatʌch Joiada.

Nehemias 12:22

Che' ti' yorajlel Eliasib yic'ot Joiada yic'ot Johanán yic'ot Jadúa tsa' ts'ijbuntiyob i c'aba' levíjob. Yumʌlobʌch ti' yotot i tatob ti jujuntiquil. Tsa' ts'ijbuntiyob ja'el i c'aba'ob jini motomajob jinto che' bʌ tsa' caji ti yumʌntel Darío ti Persa.

Nehemias 13:28

Juntiquil ch'iton bʌ i yalobil Joiada, i yalobil bʌ Eliasib jini ñuc bʌ motomaj, tsi' pʌyʌ ti' yijñam xch'oc bʌ i yalobil Sanbalat jini horon. Jini cha'an tsac choco majlel.

Nehemias 13:5

tsi' chajpa colem bʌ i mal otot cha'an mi' yajñel Tobías ya' ba' mi' lojtel i majtan tac Dios: jini melbil tac bʌ ti harina, yic'ot pom, yic'ot latu tac, yic'ot i diezmojlel trigo, yic'ot tsiji' bʌ vino, yic'ot aceite aq'uebilo' bʌ levíjob yic'ot xc'ayob yic'ot xcʌnta ti'ob yic'ot motomajob che' bajche' ts'ijbubil ti mandar.

Nehemias 3:1

Eliasib, jini ñuc bʌ motomaj, yic'ot i pi'ʌlob tsa' caji i melob i ti' tejclum ba' mi' yochel tiñʌme'. Tsi' yʌc'ʌyob ti' wenta Dios cha'an mi' yujtel ti uts'at i ye'tel. Tsi' wa'chocoyob colem tranca tac ba'an i ti'. Tsi' yʌc'ʌyob ti' wenta Dios jini wa'chocobil bʌ c'ʌlʌl ti chan bʌ ts'ajc i c'aba' Hamea c'ʌlʌl ti chan bʌ q'ueloñib i c'aba' Hananeel.

Nehemias 3:20

Baruc (i yalobil Zabai) tsi' cha' mele junxujt' ts'ajc ti' t'ejl Ezer, c'ʌlʌl ti' xujc ts'ajc c'ʌlʌl ti' puertajlel i yotot Eliasib, jini ñuc bʌ motomaj.

Job 23:12

Ma'anic mic ñusʌben i mandar. Tsa'ix c wen lotbe i t'an tic pusic'al.

Salmos 102:4

C'unix pañimil. Tsa'ix wen tiqui c pusic'al che' bajche' tiquin bʌ jam. Mach chʌn comix waj cha'an ch'ijiyem c pusic'al.

Exodo 34:28

Ya'i tsa' ajni Moisés yic'ot lac Yum cha'c'al q'uin yic'ot cha'c'al ac'ʌlel. Ma'anic tsi' c'uxu waj, mi tsa'ic i japʌ ja'. Ya'i tsi' ts'ijba jini xajlel tac jini xuc'ul bʌ t'an. Jiñʌch lujump'ejl mandar.

Isaias 22:12

Jini cha'an lac Yum, i Yum Panchan yic'ot Pañimil, tsi' pʌyʌyetla cha'an mi la' mel la' pusic'al ti' tojlel yic'ot uq'uel, cha'an mi la' set' i tsutsel la' jol yic'ot cha'an mi la' lʌp coxtal.

Daniel 9:3

Tsac pejca lac Yum Dios ti wocol t'an. Tsac cha'le ch'ajb. Tsac xojo coxtal. Tsac mujla c bʌ ti tan.

Deuteronomio 9:18

Che' jini tsac pʌcchoco c bʌ ti' tojlel lac Yum che' bajche' ti ñaxan. Tsac cha' cʌyʌ waj cha'c'al q'uin yic'ot cha'c'al ac'ʌlel cha'an ti' caj la' mul. Tsa' la' mele chuqui leco ti' wut lac Yum. Tsa' la' techbe i mich'ajel.