Esdras 10:1 - Chol: I T’an Dios

¹ Che' woli ti oración jini Esdras, pʌcʌl ti lum woli ti uq'uel. Woli' tsictesʌbeñob i mul israelob ya' ti' tojel i Templo Dios. Tsi' tempayob tilel i bʌ cabʌl israelob ti' joytʌlel Esdras, winicob, x'ixicob yic'ot alʌlob. Ti' pejtelelob woliyob ti uq'uel.

Chol de Tumbalá Bible

¹ Che' woli ti oración jini Esdras, pʌcʌl ti lum woli ti uq'uel. Woli' tsictesʌbeñob i mul israelob ya' ti' tojel i Templo Dios. Tsi' tempayob tilel i bʌ cabʌl israelob ti' joytʌlel Esdras, winicob, x'ixicob yic'ot alʌlob. Ti' pejtelelob woliyob ti uq'uel.

Esdras 10:1 Iomraidhean Croise

1 Reyob 8:30

A cha'añon. A cha'añob ja'el pejtelel israelob. Jini cha'an yom ma' wubibeñon lojon coración che' an chuqui mij c'ajtibeñet lojon ti' tojel a wotot. Ya' ba' chumulet ti panchan yom ma' ñich'tañon lojon. Che' ma' wubiñon lojon yom ma' ñusʌbeñon lojon c mul.

2 Cronicas 20:13

Pejtelel i winicob Judá tsa' ajniyob ti' tojlel lac Yum, temel yic'ot i yijñamob yic'ot i yalobilob.

2 Cronicas 20:9

“Che' tal wocol tic tojlel lojon, mi espada, mi leco bʌ c'amʌjel, mi wi'ñal, mi caj c pejcañet lojon ila ti a wotot, come wʌ'ʌch an a c'aba'. Che' mij c'ajtibeñet lojon ti wocol t'an cha'an ma' coltañon lojon, mi caj a jac'beñon lojon. Mi caj a coltañon lojon”, che'ob.

Esdras 10:6

Esdras tsa' loq'ui ti Templo. Tsa' majli ti' tsalʌl Johanán (i yalobil Eliasib), pero ma'anic chuqui tsi' c'uxu, ma'anic chuqui tsi' japʌ. Come wen cabʌl i ch'ijiyemal i pusic'al cha'an ti' caj i mulob jini tsa' bʌ sujtiyob tilel ti' lumal.

Nehemias 1:4

Che' bʌ tsa cubi ili t'an tsa' buchleyon. Tsa' cajiyon ti uq'uel. Tsa cuc'ta jini tejclum cha'p'ejl uxp'ejl q'uin. Tsac cha'le ch'ajb yic'ot oración. Tsac pejca Dios am bʌ ti panchan.

Nehemias 1:6

Awocolic ñich'tʌbeñon c t'an. Q'ueleyon ti uts'at. Ubibeñon coración. Come a winicon, wolic mel oración ti a tojlel ti q'uiñil yic'ot ti ac'ʌlel. Wolic tajob ti oración a cha'año' bʌ ti Israel come israelon ja'el. Wolic subeñet c mul lojon tsa' bʌ c mele lojon ti a contra. Isujm tsa'ix c cha'le lojon mulil joñon quic'ot c pi'ʌlob.

Nehemias 10:28

Woli' tem ac'ob i t'an pejtel i pi'ʌlob ti Israel, yic'ot motomajob, yic'ot levíjob, yic'ot mu' bʌ i cʌntʌbeñob i ti' tac, yic'ot xc'ayob, yic'ot x'e'telob ti Templo, yic'ot pejtel jini tsa' bʌ i cʌyʌyob i pi'len jini mach bʌ i pi'ʌlobic ti jini lum, cha'an mi' tem ch'ujbiñob i mandar Dios yic'ot i yijñamob yic'ot ch'iton bʌ i yalobilob yic'ot xch'oc bʌ i yalobilob, ti pejtelelob año' bʌ i ña'tʌbal año' bʌ i pusic'al.

Nehemias 8:9

Nehemías, jini gobernador, yic'ot Esdras, jini motomaj am bʌ i ye'tel ti ts'ijbujel ja'el, yic'ot levíjob tsa' bʌ i cʌntesayob winicob x'ixicob, tsi' subeyob ti pejtelelob: Ch'ujul ili q'uin cha'an lac Yum Dios. Mach mi la' mel la' pusic'al. Mach mi la' cha'len uq'uel, che'ob. Come ti pejtelelob tsi' cha'leyob uq'uel cha'an jini mandar che' bʌ tsi' yubiyob.

Salmos 119:136

Woli ti wen loq'uel i ya'lel c wut cha'an i mul winicob x'ixicob Come ma'anic mi' jac'ob a t'an.

Salmos 32:5

Tsac subeyet c mul, ma'anic tsac mucu c mul. Tsa cʌlʌ: Mi caj c subeñet c jontolil c Yum, cho'on. Jatet tsa' ñusʌbeyon c mul yic'ot c jontolil.

Jeremias 13:17

¿Maxto ba anic mi caj la' jac'? Mi tsʌts to la' pusic'al, mi caj c cha'len uq'uel ti mucul. Wen ch'ijiyem c pusic'al cha'an chan woli la' mel la' bʌ. Cabʌl mic cha'len uq'uel cha'an cʌchʌl mi caj i pʌjyel majlel i tejclum lac Yum.

Jeremias 9:1

La' c cha'len uq'uel. Mach ma' tic'on. La' tilic i ya'lel c wut ti q'uiñil yic'ot ti ac'ʌlel che' bajche' i loq'uib ja' cha'an woli' tsʌnsʌntelob jini c'uxbibilo' bʌ c pi'ʌlob.

Daniel 9:20

Che' woliyon to ti oración, wolic tsictesan c mul yic'ot i mul c pi'ʌlob ti Israel. Wolij c'ajtiben lac Yum Dios cha'an mi' coltan jini ch'ujul bʌ wits, Jerusalén.

Oseas 14:2

Yom mi la' c'ajtiben lac Yum ti wocol t'an: Lu' loc'sʌbeñon lojon c sojquemal. Pʌsbeñon lojon i yutslel a pusic'al. Yom uts'at ma' q'uelon lojon. Che' jini mi caj c sub lojon a ñuclel.

Zacarias 12:10

Che' jini mi caj cʌq'ueñob quEspíritu jini año' bʌ ti Jerusalén cha'an mi' cʌñob i yutslel c pusic'al yic'ot cha'an mi' c'ajtibeñoñob i coltʌntel. Mi caj i q'uelob jini jec'bil bʌ i cha'añob. Mi caj i yuc'tañob che' bajche' winicob mi' yuc'tañob jini yʌx alʌl c'uxbibil bʌ i cha'añob, che' bajche' mi' yuc'tañob jini ascuñʌl bʌ i yalobil.

Mateo 3:6

Juan tsi' yʌq'ueyob ch'ʌmja' ya' ti Jordán ja'. Jini winicob x'ixicob tsi' subuyob i mul.

Lucas 19:41

Che' lʌc'ʌlix an, che' wolix i q'uel jini tejclum, Jesús tsi' cha'le uq'uel.

Hechos 10:30

Cornelio tsi' sube: Anix chʌmp'ejl q'uin che' bajche' ti ili ora woliyon ti oración. Che' ti och'ajel q'uin, awilan juntiquil winic tsa' wa'le ti' tojel c wut. Wen sʌcxowan i bujc.

Hechos 21:5

Che' ñumenix jump'ejl semana tsa' majliyon lojon. Ti pejtelelob tsi' pi'leyon lojon majlel yic'ot x'ixicob yic'ot i yalobilob, c'ʌlʌl che' bʌ tsa' loq'uiyon lojon ti tejclum. Ya' ti' ti' ja' tsa' cajiyon lojon ti ñoctʌl, tsac pejca lojon Dios.

Romanos 9:2

Wen ch'ijiyem c pusic'al. Cabʌl mic cha'len pensar ti pejtelel ora.

Deuteronomio 31:12

Yom ma' tempan jini winicob x'ixicob yic'ot jini ñajt bʌ ch'oyolob cha'an mi' yubibeñob i t'an lac Yum Dios cha'an mi' ñopob, cha'an mi' bʌc'ñañob lac Yum, cha'an mi' jac'beñob pejtelel i mandar.

Josue 7:6

Josué yic'ot jini añobix bʌ i jabilel tsi' tsiliyob i pislel cha'an tsi' meleyob i pusic'al. Tsi' pʌcchocoyob i bʌ ti lum ya' ba'an jini Arca i cha'an bʌ lac Yum c'ʌlʌl tsa' ic'a pañimil. Tsi' p'ujp'ujyob ts'ubejn ti' jol cha'an ch'ijiyem i pusic'al.

Josue 8:35

Ma'anic mi jump'ejlic t'an subebil bʌ ti mandar cha'an Moisés mach bʌ anic tsi' q'uele Josué. Tsi' lu' q'uele ti' tojlel pejtelel israelob, winicob yic'ot x'ixicob yic'ot alʌlob yic'ot mach bʌ mero i lumalobic ya' bʌ chumulob yic'otob.