Esdras 1:8 - Chol: I T’an Dios

⁸ Jini rey Ciro tsi' sube Mitrídates jini tesorero ti Persia cha'an mi' loc'san ya' ba' lotol. Jini Mitrídates tsi' yotsa ti jun. Tsi' yʌc'ʌ ti' wenta Sesbasar am bʌ ñuc bʌ i ye'tel ti' tojlel jini israelob.

Chol de Tumbalá Bible

⁸ Jini rey Ciro tsi' sube Mitrídates jini tesorero ti Persia cha'an mi' loc'san ya' ba' lotol. Jini Mitrídates tsi' yotsa ti jun. Tsi' yʌc'ʌ ti' wenta Sesbasar am bʌ ñuc bʌ i ye'tel ti' tojlel jini israelob.

Esdras 1:8 Iomraidhean Croise

Esdras 1:11

Pejtelel jini uch'ijibʌl tac melbil bʌ ti oro yic'ot ti plata, jiñʌch 5,469. Tsa' lu' ajq'ui ti' wenta Sesbasar cha'an mi' ch'ʌm majlel ti Jerusalén yic'ot i pi'ʌlob. Tsa' loq'uiyob ti Babilonia cha'an mi' sujtelob ti' lumal.

Esdras 2:2

Jiñobʌch ñuc taco' bʌ i ye'tel: Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, Baana. Jiñʌch i tsicol jini tsa' bʌ sujtiyob ti mojt ti mojt:

Esdras 5:14

Tsi' sutq'ui jini uch'ijibʌl melbil bʌ ti oro yic'ot ti plata, tsa' bʌ i ch'ʌmʌ majlel ti Babilonia jini Nabucodonosor che' bʌ tsi' loc'sa ti' yotot Dios am bʌ ti Jerusalén. Che' jini Ciro tsi' cha' loc'sa ya' ti templo ti Babilonia. Tsi' yʌc'ʌ ti' c'ʌb Sesbasar tsa' bʌ i wa'choco ti gobernador.

Esdras 5:16

Jini cha'an Sesbasar tsa' tili. Tsi' melbe i c'ʌclib i Templo Dios wʌ' ti Jerusalén. Jini cha'an c'ʌlʌl wʌle woli ti mejlel majlel, pero anto yom melol”. Che' tsi' jac'ʌyob jini judíojob.

Esdras 5:2

Jini cha'an jini año' bʌ i ye'tel, Zorobabel (i yalobil Salatiel) yic'ot Jesúa (i yalobil Josadac) tsa' cajiyob ti comol e'tel yic'ot jini x'alt'añob i cha'an Dios. Tsa' cha' caji' melob i Templo Dios ya' ti Jerusalén.

Jeremias 51:44

Mi caj cʌq'ueñob i toj i mul pejtel mu' bʌ i ch'ujutesañob Bel, i dios Babilonia. Mi caj c chilbeñob pejtel chuqui tac tsi' chilbeyob yaño' bʌ. Ma'anix majqui mi caj i chʌn pejcan Bel. Isujm, tsa'ix yajli i ts'ajquil Babilonia, che'en lac Yum.

Hageo 1:1

Che' ñumenix jum'p'ejl jab woli' cha'len yumʌntel jini rey Darío, che' ti ñaxan bʌ tsic ti agosto, jini x'alt'an Hageo tsa' caji i sub i t'an lac Yum. Hageo tsa' caji i subeñob Zorobabel (i yalobil Salatiel), jini gobernador ti Judá, yic'ot Josué (i yalobil Josadac), jini ñuc bʌ motomaj.

Hageo 1:14

Lac Yum tsi' ñijcʌbeyob i pusic'al Zorobabel jini gobernador ya' ti Judá, yic'ot Josué jini ñuc bʌ motomaj, yic'ot pejtelel winicob x'ixicob ya' bʌ chumulob. Tsi' tempayob i bʌ cha'an mi' cha' melbeñob i yotot Dios, i Yum Panchan yic'ot Pañimil, jiñʌch lac Dios.