Esdras 1:7 - Chol: I T’an Dios

⁷ Jini rey Ciro tsi' cha' ac'ʌyob ti' wenta israelob jini taza tac melbil bʌ ti oro tsa' bʌ i loc'sa Nabucodonosor ti' yotot lac Yum am bʌ ti Jerusalén, lotol bʌ ti' yotlel i dios tac ya' ti Babilonia.

Chol de Tumbalá Bible

⁷ Jini rey Ciro tsi' cha' ac'ʌyob ti' wenta israelob jini taza tac melbil bʌ ti oro tsa' bʌ i loc'sa Nabucodonosor ti' yotot lac Yum am bʌ ti Jerusalén, lotol bʌ ti' yotlel i dios tac ya' ti Babilonia.

Esdras 1:7 Iomraidhean Croise

2 Reyob 24:13

Tsi' loc'sa pejtel letsem tac bʌ i tojol am bʌ ti' yotot lac Yum, yic'ot jini taq'uin am bʌ ti' yotot rey. Tsi' laj bic'ti xut'u jini oro am bʌ ti' yotot lac Yum tsa' bʌ i mele Salomón i rey israelob.

2 Cronicas 36:10

Che' wolix i joloñel jini jabil, jini rey Nabucodonosor tsi' choco tilel i winicob cha'an mi' cʌchob majlel Joaquín ya' ti Babilonia. Tsi' ch'ʌmʌyob majlel ja'el jini e'tijibʌl letsem tac bʌ i tojol am bʌ ti Templo. Nabucodonosor tsi' wa'choco ti rey Sedequías i yumijel Joaquín ya' ti Judá yic'ot ti Jerusalén.

2 Cronicas 36:18

Tsi' ch'ʌmʌyob majlel ti Babilonia pejtel i bʌl Templo jini ñuc tac bʌ yic'ot ch'o'ch'oc tac bʌ chubʌ'añʌl am bʌ ti' yotot Dios, yic'ot i chubʌ'an jini rey, yic'ot jini ñuco' bʌ i ye'tel.

2 Cronicas 36:7

Nabucodonosor tsi' ch'ʌmʌ majlel lamital jini uch'ijibʌl melbil bʌ ti oro am bʌ ti' yotot lac Yum. Tsa' c'oti i yotsan ti' templo ya' ti Babilonia.

Esdras 5:14

Tsi' sutq'ui jini uch'ijibʌl melbil bʌ ti oro yic'ot ti plata, tsa' bʌ i ch'ʌmʌ majlel ti Babilonia jini Nabucodonosor che' bʌ tsi' loc'sa ti' yotot Dios am bʌ ti Jerusalén. Che' jini Ciro tsi' cha' loc'sa ya' ti templo ti Babilonia. Tsi' yʌc'ʌ ti' c'ʌb Sesbasar tsa' bʌ i wa'choco ti gobernador.

Esdras 6:5

La' i ch'ʌmob majlel pejtelel jini uch'ijibʌl melbil bʌ ti oro yic'ot ti plata tsa' bʌ i ch'ʌmʌ tilel Nabucodonosor che' bʌ tsi' loc'sayob ti' Templo Dios ya' ti Jerusalén. La' i cha' ac'ob ti' Templo Dios ya' ba' lotol ti ñaxan. Che'ʌch ts'ijbubil ti jun.

Jeremias 51:44

Mi caj cʌq'ueñob i toj i mul pejtel mu' bʌ i ch'ujutesañob Bel, i dios Babilonia. Mi caj c chilbeñob pejtel chuqui tac tsi' chilbeyob yaño' bʌ. Ma'anix majqui mi caj i chʌn pejcan Bel. Isujm, tsa'ix yajli i ts'ajquil Babilonia, che'en lac Yum.

Daniel 1:2

Lac Yum tsi' yʌc'ʌ jini rey Joacim ti' c'ʌb Nabucodonosor yic'ot cabʌl latu yic'ot poc' am bʌ ti' yotot Dios. Nabucodonosor tsi' pʌyʌ majlel pejtel jini xcʌjchelob ti Babilonia yic'ot i cuch tsa' bʌ i loc'sa ti' yotot Dios ti Jerusalén. Tsi' laj otsa ti' yotot i dios ba' lotol pejtelel i yonlel i chubʌ'an ti' tojlel i dios.

Daniel 5:23

Tsa' ts'a'le lac Yum am bʌ ti Panchan. Tsa' choco ti ch'ʌmol pejtel i vaso tac yic'ot i taza tac cha'an ma' c'ʌn ti jap vino yic'ot a pi'ʌlob ti e'tel, cha'an ma' ñuq'uesan a dios tac melbil bʌ ti oro, ti plata, ti bronce, ti tsucu taq'uin, ti te' yic'ot ti xajlel, anquese ma'anic i ña'tʌbal. Ma'anic chuqui mi' yubiñob, ma'anic chuqui mi' q'uelob. Maxto anic tsa' ch'ujutesa jini Dios woli bʌ i yʌq'ueñet a cuxtilel ba' cʌyʌl pejtel chuqui ma' mel.