Esdras 1:6 - Chol: I T’an Dios

⁶ I pi'ʌlob ti chumtʌl tsa' bʌ cʌleyob ti Persia tsi' coltayob. Tsi' yʌq'ueyob plata, yic'ot oro, yic'ot alʌc'ʌl, yic'ot chubʌ'añʌl letsem tac bʌ i tojol che' bajche' yom i pusic'al.

Chol de Tumbalá Bible

⁶ I pi'ʌlob ti chumtʌl tsa' bʌ cʌleyob ti Persia tsi' coltayob. Tsi' yʌq'ueyob plata, yic'ot oro, yic'ot alʌc'ʌl, yic'ot chubʌ'añʌl letsem tac bʌ i tojol che' bajche' yom i pusic'al.

Esdras 1:6 Iomraidhean Croise

1 Cronicas 29:9

Che' jini wen tijicña tsi' yubiyob pejtelel jini winicob, come ti pejtelel tsi' yʌc'ʌyob che' bajche' tilem ti' pusic'alob. Jujuntiquil tsi' yʌq'ueyob i majtan lac Yum. Tijicña jax tsi' yubi jini rey David.

Esdras 1:4

Pejtelel jini israelob mach bʌ anic mi' majlelob, baqui jach añob, la' i coltañob i pi'ʌlob mu' bʌ i majlelob. La' i yʌq'ueñob plata, yic'ot oro, yic'ot alʌc'ʌl yic'ot chubʌ'añʌl. Che' ja'el la' i yʌc'ob ofrenda bajche' c'amel yom i pusic'al cha'an i melol i Templo lac Yum ya' ti Jerusalén. Jiñʌch c mandar, che'en Ciro.

Esdras 8:33

Che' ti' chʌmp'ejlel q'uin tsac laj aq'ueyob lojon levíjob jini plata yic'ot oro yic'ot yambʌ mu' bʌ i c'ʌjñel tac ti' Templo Dios. Tsi' ch'ʌmʌyob jini motomaj Meremot (i yalobil Urías), yic'ot Eleazar (i yalobil Finees), yic'ot Jozabad (i yalobil Jesúa), yic'ot Noadías (i yalobil Binúi). Levíjob ti' pejtelelob. Tsi' yʌc'ʌyob ti p'istʌl ba' temel woli' q'uelob.

Nehemias 6:9

Pejtel laj contrajob tsi' lon ñopoyob i bʌc'tesañonla ti t'an, come tsi' lon ña'tayob mux laj quep cʌy jini e'tel cha'an mach chʌn mejlix la cujtesan. Jini cha'an tsac pejca Dios. P'ʌtesañon lojon, cho'on.

Salmos 106:46

Tsi' yʌc'ʌyob ti p'untʌntel cha'an i yumob tsa' bʌ i pʌyʌyob majlel ti cadena tac.

Salmos 110:3

A winicob x'ixicob mi caj i yʌc'ob i bʌ ti jump'ejl i pusic'al che' ma' cha'len yumʌl ti' tojlelob. Ch'ujul mi caj i pʌsob i bʌ ti a tojlel che' ti wen sʌc'ajel. A cha'añob jini ch'iton winicob, jini ch'ejlo' bʌ.

Exodo 12:35

Jini israelob tsi' meleyob che' bajche' tsi' subeyob Moisés, come tsi' c'ajtibeyob egiptojob pisil yic'ot i ch'ʌjlil tac melbil bʌ ti plata yic'ot ti oro.

Exodo 12:36

Lac Yum tsi' ñijcʌbeyob i pusic'al egiptojob cha'an mi' q'uelob ti uts'at. Che' jini tsi' yʌq'ueyob i majtan tac jini israelob che' bajche' c'amel yomob. Che' jini tsi' ch'ʌmʌyob i tojol cha'an i ye'tel jini israelob.

Isaias 35:3

Ñuq'uesʌben i pusic'al jini ch'ijiyem bʌ. La' p'ʌtac i c'ʌb yic'ot i pix jini c'uño' bʌ.

2 Corintios 9:7

Ti jujuntiquil la' i yʌc' che' bajche' tsi' ña'ta ti' pusic'al, mach ti' ch'ijiyemlelic, mach cha'anic xic'bebil jach. Dios mi' c'uxbin jini mu' bʌ i yʌc' ti' tijicñʌyel i pusic'al.