Esdras 1:5 - Chol: I T’an Dios

⁵ Jini cha'an tsi' jac'ʌyob jini xñoxob año' bʌ i ye'tel ti Judá yic'ot ti Benjamín, yic'ot jini motomajob yic'ot levíjob. Dios tsi' ñijcʌbeyob i pusic'al cha'an mi' sujtelob ti Jerusalén, cha'an mi' melob i Templo lac Yum.

Chol de Tumbalá Bible

⁵ Jini cha'an tsi' jac'ʌyob jini xñoxob año' bʌ i ye'tel ti Judá yic'ot ti Benjamín, yic'ot jini motomajob yic'ot levíjob. Dios tsi' ñijcʌbeyob i pusic'al cha'an mi' sujtelob ti Jerusalén, cha'an mi' melob i Templo lac Yum.

Esdras 1:5 Iomraidhean Croise

2 Cronicas 36:22

Tsa' wersa ts'ʌctiyi i t'an lac Yum tsa' bʌ subenti Jeremías. Che' ti ñaxan bʌ jab i ye'tel jini Ciro, rey bʌ ti Persia, lac Yum tsi' ñijcʌbe i pusic'al Ciro rey bʌ ti Persia. Tsi' yʌc'ʌ ti pam pujquel i t'an yic'ot i ts'ijbujel ti pejtelel lum ba' tsi' cha'le yumʌl.

Esdras 1:1

Ti ñaxan bʌ jab che' woli' mel i yumʌntel jini rey Ciro, i yum Persia, lac Yum tsi' ts'ʌctesa jini t'an tsa' bʌ i yʌlʌ jini x'alt'an Jeremías. Lac Yum tsi' ñijcʌbe i pusic'al Ciro cha'an mi' pam puc jini t'an ti pejtelel lum. Tsi' yotsa ti jun ja'el. Tsi' yʌlʌ:

Esdras 1:2

Joñon, Ciro, wolic pam sub: Lac Yum Dios am bʌ ti panchan tsa'ix i yʌc'ʌ tic wenta cha'an mic cha'len mandar ti pejtelel pañimil. Tsa'ix i yʌc'ʌ tic wenta ja'el cha'an mic melben i Templo ya' ti Jerusalén am bʌ ti Judá.

Esdras 1:4

Pejtelel jini israelob mach bʌ anic mi' majlelob, baqui jach añob, la' i coltañob i pi'ʌlob mu' bʌ i majlelob. La' i yʌq'ueñob plata, yic'ot oro, yic'ot alʌc'ʌl yic'ot chubʌ'añʌl. Che' ja'el la' i yʌc'ob ofrenda bajche' c'amel yom i pusic'al cha'an i melol i Templo lac Yum ya' ti Jerusalén. Jiñʌch c mandar, che'en Ciro.

Nehemias 2:12

Dios tsi' yotsa tic pusic'al chuqui tsac ña'ta c mel cha'an i coltʌntel c pi'ʌlob. Ma'anic tsac subeyob chuqui tsi' yʌc'ʌ tic pusic'al Dios. Tsa' ch'ojyiyon ti ac'ʌlel quic'ot cha'tiquil uxtiquil winicob. Cojach joñon c'ʌchʌlon. Ma'anic yambʌ caballo quic'ot lojon.

Proverbios 16:1

La cujil chuqui yom lac pusic'al, pero ch'oyol ti Dios chuqui mi lac taj.

Hageo 1:14

Lac Yum tsi' ñijcʌbeyob i pusic'al Zorobabel jini gobernador ya' ti Judá, yic'ot Josué jini ñuc bʌ motomaj, yic'ot pejtelel winicob x'ixicob ya' bʌ chumulob. Tsi' tempayob i bʌ cha'an mi' cha' melbeñob i yotot Dios, i Yum Panchan yic'ot Pañimil, jiñʌch lac Dios.

2 Corintios 8:16

Wocolix i yʌlʌ Dios come tsi' yʌc'ʌyetla ti' pusic'al Tito che' bajche' tic pusic'al.

Filipenses 2:13

Come Dios woli' mel i ye'tel ti la' pusic'al cha'an mi la' mulan yic'ot cha'an mi la' mel chuqui yom Dios.

3 Juan 1:11

C'uxbibilet bʌ, mach a tsajcan jontolil. Tsajcan chuqui uts'at. Jini mu' bʌ i cha'len chuqui uts'at i cha'añʌch Dios. Jini mu' bʌ i cha'len jontolil, ma'anic tsi' q'uele Dios.