Esdras 1:4 - Chol: I T’an Dios

⁴ Pejtelel jini israelob mach bʌ anic mi' majlelob, baqui jach añob, la' i coltañob i pi'ʌlob mu' bʌ i majlelob. La' i yʌq'ueñob plata, yic'ot oro, yic'ot alʌc'ʌl yic'ot chubʌ'añʌl. Che' ja'el la' i yʌc'ob ofrenda bajche' c'amel yom i pusic'al cha'an i melol i Templo lac Yum ya' ti Jerusalén. Jiñʌch c mandar, che'en Ciro.

Chol de Tumbalá Bible

⁴ Pejtelel jini israelob mach bʌ anic mi' majlelob, baqui jach añob, la' i coltañob i pi'ʌlob mu' bʌ i majlelob. La' i yʌq'ueñob plata, yic'ot oro, yic'ot alʌc'ʌl yic'ot chubʌ'añʌl. Che' ja'el la' i yʌc'ob ofrenda bajche' c'amel yom i pusic'al cha'an i melol i Templo lac Yum ya' ti Jerusalén. Jiñʌch c mandar, che'en Ciro.

Esdras 1:4 Iomraidhean Croise

1 Cronicas 29:17

C Yum Dios, cujil jatet ma' cʌmben i pusic'al winicob x'ixicob. Uts'at ma' q'uelob che' mi' melob chuqui uts'at ti jump'ejl i pusic'al. Ti pejtelel c pusic'al tsa'ix cʌq'ueyet ili a majtan. Che' ja'el ti pejtelelob woli' yʌq'ueñetob a majtan ti' tijicñʌyel i pusic'al.

1 Cronicas 29:3

Cha'an tic pusic'al jach woli cʌc' pejtelel c chubʌ'an letsem bʌ i tojol cha'an i melol i Templo Dios. Partejʌch pejtelel yan tac bʌ tsa'ix bʌ c tempa.

1 Cronicas 29:9

Che' jini wen tijicña tsi' yubiyob pejtelel jini winicob, come ti pejtelel tsi' yʌc'ʌyob che' bajche' tilem ti' pusic'alob. Jujuntiquil tsi' yʌq'ueyob i majtan lac Yum. Tijicña jax tsi' yubi jini rey David.

2 Cronicas 31:14

Coré (i yalobil Imna jini leví) tsa' wa'choconti ti xcʌnta ti' otot ya' ti' tojel i pasibal q'uin. Tsa' ajni ti' wenta cha'an mi' ch'ʌm jini ofrenda tac tsa' bʌ aq'uenti lac Yum cha'an mi' pucbeñob jini motomajob. I pi'ʌlob ti e'tel jiñobʌch: Edén, Miniamin, Jesúa, Semaías, Amarías yic'ot Secanías. Yajcʌbilob cha'an mi' pucbeñob jini motomajob yic'ot i pi'ʌlob ti jujump'ejl tejclum ti mojt ti mojt. Lajal tsi' t'oxbeyob jini añobix bʌ i jabilel che' bajche' jini maxto bʌ anic i colel.

Esdras 1:3

Jini cha'an la' sujticob ti Jerusalén pejtel israelob. La' i melob jini Templo che' bajche' yom lac Yum, come jiñʌch Dios, i Dios Israel am bʌ ti Jerusalén. La' ajnic Dios yic'ot jini mu' bʌ i majlelob.

Esdras 1:5

Jini cha'an tsi' jac'ʌyob jini xñoxob año' bʌ i ye'tel ti Judá yic'ot ti Benjamín, yic'ot jini motomajob yic'ot levíjob. Dios tsi' ñijcʌbeyob i pusic'al cha'an mi' sujtelob ti Jerusalén, cha'an mi' melob i Templo lac Yum.

Esdras 9:15

Tojet c Yum, i Dioset bʌ Israel. P'untañon lojon, come i colojbalon lojon Israel mu' bʌ c ñopet lojon. Wʌ' añon lojon ti a tojlel yic'ot c mul lojon. Muq'uic a wen melon lojon ti toj, ma'anic majqui mi mejlel i wa'tʌl ti a tojlel. Cho'on tsac sube ti oración.

Exodo 35:29

Jini israelob winicob yic'ot x'ixicob pejtelel tsa' bʌ i bajñel c'ʌñʌyob winicob yic'ot x'ixicob pejtelel tsa' bʌ i bajñel c'ʌñʌyob i pusic'al tsi' ch'ʌmʌyob c'otel majtañʌl tac tilemo' bʌ ti' pusic'al. Tsi' ch'ʌmʌyob c'otel che' bajche' lac Yum tsi' sube Moisés ti mandar.

Isaias 10:21

Lamital mu' bʌ i cʌytʌlob mi caj i sutq'uiñob i bʌ ba'an jini p'ʌtʌl bʌ Dios.

Hechos 24:17

Che' bʌ tsa' ñumi cha'p'ejl uxp'ejl jab, tsa' tiliyon cha'an mi cʌq'ueñob taq'uin jini p'umpuño' bʌ tic lumal, cha'an mi cʌq'uen Dios i majtan ja'el.

Gálatas 6:2

Coltan la' bʌ ti' cuchol wocol. Che' jini mi la' jac'ben i mandar Cristo.