Esdras 1:3 - Chol: I T’an Dios

³ Jini cha'an la' sujticob ti Jerusalén pejtel israelob. La' i melob jini Templo che' bajche' yom lac Yum, come jiñʌch Dios, i Dios Israel am bʌ ti Jerusalén. La' ajnic Dios yic'ot jini mu' bʌ i majlelob.

Chol de Tumbalá Bible

³ Jini cha'an la' sujticob ti Jerusalén pejtel israelob. La' i melob jini Templo che' bajche' yom lac Yum, come jiñʌch Dios, i Dios Israel am bʌ ti Jerusalén. La' ajnic Dios yic'ot jini mu' bʌ i majlelob.

Esdras 1:3 Iomraidhean Croise

1 Reyob 18:39

Che' bʌ tsi' q'ueleyob pejtel jini winicob, tsi' pʌcchocoyob i bʌ. Tsi' yʌlʌyob: Lac Yum jiñʌch Dios, lac Yum jiñʌch Dios, che'ob.

1 Cronicas 28:20

Jini cha'an David tsi' sube i yalobil Salomón: Yom bʌxet. Yom ch'ejlet. Cha'len wersa cha'an jini e'tel. Mach a cha'len bʌq'uen yic'ot pensar, come lac Yum Dios, jini c Dios, mi caj i yajñel a wic'ot. Ma'anic mi caj i cʌyet. Mi caj i coltañet jinto mi' yujtel ti mejlel i yotot lac Yum.

Esdras 1:4

Pejtelel jini israelob mach bʌ anic mi' majlelob, baqui jach añob, la' i coltañob i pi'ʌlob mu' bʌ i majlelob. La' i yʌq'ueñob plata, yic'ot oro, yic'ot alʌc'ʌl yic'ot chubʌ'añʌl. Che' ja'el la' i yʌc'ob ofrenda bajche' c'amel yom i pusic'al cha'an i melol i Templo lac Yum ya' ti Jerusalén. Jiñʌch c mandar, che'en Ciro.

Esdras 4:3

Pero ma'anic tsi' jac'ʌyob Zorobabel yic'ot Jesúa yic'ot jini xñoxob ti Israel. Tsi' yʌlʌyob: Mach mejlic c pʌyet lojon cha'an mi laj comol cha'len e'tel. Jasʌlon lojon. Mu' to c bajñel mel lojon i Templo c Yum lojon, i Dios Israel, che' bajche' tsi' subeyon lojon Ciro yumʌl bʌ ti Persia. Che' tsi' yʌlʌyob.

Esdras 5:13

Pero che' bʌ tsa' tejchi i yumʌntel Ciro ti Babilonia, tsi' subeyon lojon cha'an mic cha' wa'chocon lojon i Templo Dios.

Esdras 5:3

Ti jim bʌ ora tsa' c'oti ti Jerusalén Tatnai am bʌ i ye'tel ti gobernador ya' ti junwejl jini ñoj ja' i c'aba' Eufrates ti' tojel i bʌjlibal q'uin. Tsa' c'oti ja'el Setar Boznai yic'ot i pi'ʌlob. Tsa' tili i subeñob jini judíojob: ¿Majqui tsi' subeyetla cha'an mi la' cha' mel ili Templo yic'ot ili ts'ajc?

Esdras 6:7

Cʌyʌ la' mʌctan jini xñoxob año' bʌ i ye'tel yic'ot jini gobernador ti Judá. La' i chʌn melob i Templo Dios ya' ti' yajñib.

Salmos 132:13

Come lac Yum tsi' yajca Sion jini ch'ujul bʌ tejclum Cha'an ya' yom chumtʌl.

Salmos 83:18

La' i ñopob a c'aba' come jatet jach c Yumet lojon. C'ax ñuquet ti pejtelel pañimil.

Isaias 44:28

Joñon mi cʌq'uen i ye'tel Ciro. Mic sub: “Jiñʌch xcʌnta tiñʌme' c cha'an. Mi caj i mel pejtelel chuqui mi cʌl. Mi caj i yʌc' ti cha' melol Jerusalén. Mi caj cʌc' ti cha' wejlel i c'ʌclib jini Templo”. Tsa'ix cʌc'ʌ c t'an, che'en lac Yum.

Isaias 45:5

Joñon jach Yumʌlon. Ma'anic yambʌ. Joñon jach Dioson. Mi caj c p'ʌtesañet anquese mach a cʌñʌyonic,

Jeremias 10:10

Pero lac Yum jiñʌch Dios jini isujm bʌ, jini cuxul bʌ mach bʌ yujilic chʌmel ti pejtelel ora. Che' mich' lac Yum, mi' ñijcan i bʌ lum. Che' mich'ix, mi' puts'elob winicob ti pejtelel pañimil cha'an bʌq'uen.

Daniel 2:47

Jini rey tsi' sube: Jiñʌch mero Dios a Dios. Ñumen ñuc bajche' dioste' tac. Jiñʌch i Yum reyob, mu' bʌ i tsictesan i sujmlel jini mucul tac bʌ, come tsa'ix mejli a tsictesʌbeñon i sujmlel c ñajal, che'en jini rey.

Mateo 28:20

Cʌntesanla cha'an mi' laj ch'ujbiñob pejtelel chuqui tac tsac subeyetla. Awilan, añon quic'otetla ti pejtelel ora c'ʌlʌl ti' jilibal pañimil. Che' tsi' yʌlʌ Jesús.

Hechos 10:36

Dios tsi' choco tilel i t'an ba'an israelob. Tsi' subeyob jini wen t'an cha'an mi' tajob i ñʌch'tilel i pusic'al ti Jesucristo, jiñʌch i Yum pejtelel winicob.

Deuteronomio 32:31

Come ma'anic i xajlel yambʌ tejclum tac Che' bajche' lac Xajlel. Lolom jach mi' pejcañob i dioste' tac.

Josue 1:9

Jiñʌch c mandar woli bʌ c subeñet. Yom ma' p'ʌt'esan a bʌ. Yom ch'ejlet. Mach a cha'len bʌq'uen. Mach yomic ma' lujb'an. Come lac Yum Dios mi caj i yajñel a wic'ot baqui jach ma' majlel. Che' tsi' yʌlʌ lac Yum.