Esdras 1:2 - Chol: I T’an Dios

² Joñon, Ciro, wolic pam sub: Lac Yum Dios am bʌ ti panchan tsa'ix i yʌc'ʌ tic wenta cha'an mic cha'len mandar ti pejtelel pañimil. Tsa'ix i yʌc'ʌ tic wenta ja'el cha'an mic melben i Templo ya' ti Jerusalén am bʌ ti Judá.

Chol de Tumbalá Bible

² Joñon, Ciro, wolic pam sub: Lac Yum Dios am bʌ ti panchan tsa'ix i yʌc'ʌ tic wenta cha'an mic cha'len mandar ti pejtelel pañimil. Tsa'ix i yʌc'ʌ tic wenta ja'el cha'an mic melben i Templo ya' ti Jerusalén am bʌ ti Judá.

Esdras 1:2 Iomraidhean Croise

1 Reyob 8:27

¿Isujm ba mi' caj ti ajñel Dios ti pañimil? Awilan mach ñuquic ma' q'uel panchan cha'an ya' ma' chumtʌl. Ch'o'ch'oc jax jini otot tsa' bʌ c wa'chocobeyet.

2 Cronicas 2:12

La' ñuq'uesʌntic lac Yum i Dios israelob tsa' bʌ i mele panchan yic'ot pañimil. Tsa'ix i yʌq'ue David juntiquil i yalobil wen toj bʌ, wen cabʌl bʌ i pusic'al yic'ot i ña'tʌbal cha'an ili e'tel. Uts'at mi caj a wa'chocoben i Templo lac Yum. Uts'at mi caj a mel a wotot ja'el ba' ma' cha'len yumʌl.

Esdras 1:5

Jini cha'an tsi' jac'ʌyob jini xñoxob año' bʌ i ye'tel ti Judá yic'ot ti Benjamín, yic'ot jini motomajob yic'ot levíjob. Dios tsi' ñijcʌbeyob i pusic'al cha'an mi' sujtelob ti Jerusalén, cha'an mi' melob i Templo lac Yum.

Esdras 3:7

Tsi' pʌyʌyob ti e'tel jini xjuc' te'ob yic'ot jini xmel ts'ajcob. Tsi' mʌñʌyob ch'ujte' am bʌ ti Líbano. Tsi' tojoyob yic'ot i bʌl ñʌc'ʌl yic'ot aceite yic'ot vino cha'an mi' ch'ʌmob tilel jini sidoñojob yic'ot tirojob. Tsi' ñijcayob tilel jini te' ti' ti' colem ñajb c'ʌlʌl tsa' c'otiyob ti Jope am bʌ ti' ti' ñajb. Tsa' lu' mejli che' bajche' tsi' yʌc'ʌ mandar Ciro yumʌl bʌ ti Persia.

Esdras 4:3

Pero ma'anic tsi' jac'ʌyob Zorobabel yic'ot Jesúa yic'ot jini xñoxob ti Israel. Tsi' yʌlʌyob: Mach mejlic c pʌyet lojon cha'an mi laj comol cha'len e'tel. Jasʌlon lojon. Mu' to c bajñel mel lojon i Templo c Yum lojon, i Dios Israel, che' bajche' tsi' subeyon lojon Ciro yumʌl bʌ ti Persia. Che' tsi' yʌlʌyob.

Esdras 5:15

Tsi' sube: Ch'ʌmʌ ili uch'ijibʌl tac. Ch'ʌmʌ majlel ya' ti Templo ti Jerusalén. La' cha' mejlic i Templo Dios ya' ti' yajñib. Che' tsi' yʌlʌ Ciro, che'ob.

Esdras 6:10

Che' jini mi mejlel i pulbeñob i majtan jini Dios am bʌ ti panchan che' bajche' mi' mulan, cha'an uts'at mi' q'uelon. Com mi' tajoñob ti oración quic'ot calobilob.

Esdras 6:3

Che' ti' tejchibal i yumʌntel jini rey Ciro tsi' yʌc'ʌ mandar cha'an mi' cha' melbentel i Templo Dios ya' ti Jerusalén: Ya' yom mi' pulbentel i majtan Dios. Xuc'ul yom mi' cha' mejlel i c'ʌclib i Templo. Yom wucp'ejl i cha'c'al (27) metro i tamlel. Che'ʌch yom i p'isol i xujc ja'el.

Esdras 7:12

Artajerjes, jini ñuc bʌ yumʌl ti' tojlel yumʌlob, wolic ts'ijbubeñet carta Esdras. Motomajet, wen chajpʌbilet bʌ ti' mandar jini Dios am bʌ ti panchan.

Nehemias 1:4

Che' bʌ tsa cubi ili t'an tsa' buchleyon. Tsa' cajiyon ti uq'uel. Tsa cuc'ta jini tejclum cha'p'ejl uxp'ejl q'uin. Tsac cha'le ch'ajb yic'ot oración. Tsac pejca Dios am bʌ ti panchan.

Nehemias 1:5

Tsa cʌlʌ: C Yum Dios añet bʌ ti panchan, mic pejcañet. P'ʌtʌl bʌ Dioset cabʌl a ñuclel. Mic bʌc'ñañet lojon. Ma' pʌsbeñob a wutslel yic'ot i sujmlel a pacto pejtel mu' bʌ i jac'beñetob a mandar, mu' bʌ i c'uxbiñetob.

Salmos 136:26

Subenla wocolix i yʌlʌ Dios am bʌ ti panchan Come ti pejtelel ora an i yutslel i pusic'al.

Salmos 85:2

Tsa'ix a ñusʌbe i mul a cha'año' bʌ. Tsa'ix a mucbeyob pejtelel i mul.

Proverbios 21:1

Jini Dios tsa' bʌ i melbe i bijlel ja' mi' ñijcʌben i pusic'al rey cha'an mi' mel chuqui yom Dios.

Isaias 41:2

¿Majqui tsi' ñijca tilel Ciro, jini ñuc bʌ yumʌl ya' ti' pasibal q'uin mu' bʌ i mʌjlel i cha'an baqui jach mi' majlel? Joñon tsa cʌq'ue i ye'tel ti' tojlel pejtel tejclum cha'an mi' yumañob reyob. Ciro mi' puts'tesan soldadojob. Mi' tsʌnsañob ti espada. Mi' julob ti' te'el jalʌjb.

Isaias 44:26

Joñon mi cʌq'ueñob c t'an jini x'alt'añob c cha'an. Mi cʌc' ti ts'ʌctiyel i t'an jini x'etelob c cha'an. Joñon mic suben c tejclum Jerusalén, cha' talob ti chumtʌl israelob wʌ' ti jini tejclum yic'ot ti' tejclum tac Judá. Cha'an c mandar mi caj i laj wa'chocontel otot ba' tsa' jejmi.

Isaias 44:28

Joñon mi cʌq'uen i ye'tel Ciro. Mic sub: “Jiñʌch xcʌnta tiñʌme' c cha'an. Mi caj i mel pejtelel chuqui mi cʌl. Mi caj i yʌc' ti cha' melol Jerusalén. Mi caj cʌc' ti cha' wejlel i c'ʌclib jini Templo”. Tsa'ix cʌc'ʌ c t'an, che'en lac Yum.

Isaias 45:1

Jiñʌch i t'an lac Yum tsa' bʌ i sube Ciro jini yajcʌbil bʌ i cha'an: Joñon wolij coltañet cha'an ma' jisan cabʌl tejclum tac, cha'an ma' jisʌbeñob i p'ʌtʌlel ñuc bʌ reyob. Mi cʌc' ti jejmel i ti' tac Babilonia. Ma'anic majch mi mejlel i cha' ñup'.

Isaias 66:1

Lac Yum tsi' yʌlʌ: Jini panchan jiñʌch c buchlib. Jini pañimil jiñʌch i yajñib coc. ¿Baqui mi caj la' wa'chocobeñon cotot? ¿Baqui mi caj la' melbeñon c chumlib ba' mij c'aj co?

Jeremias 10:11

Yom ma' subeñob: Ma'anic chuqui mi' melob jini diosob. Mach i melbalic panchan yic'ot pañimil. Jini cha'an mi caj i sʌc jilelob.

Jeremias 27:5

Joñon tsac mele pañimil. Tsac mele pejtel winicob ti pañimil yic'ot bʌte'el. Lu' c melbalʌch cha'an cabʌl c p'ʌtʌlel. Mi cʌq'uen i p'ʌtʌlel majqui jach com.

Jeremias 29:10

Ubinla i t'an lac Yum: Che' ñumenix lujump'ejl i chʌnc'al (70) jab che' ya' chumuletla ti Babilonia, cha' talon c pʌyetla loq'uel che' bajche' tsac subeyetla. Mi caj la' sujtel ti la' lumal.

Daniel 1:21

Daniel tsa' chʌn ajni ti' yotot rey c'ʌlʌl ti' tejchibal i yumʌntel Ciro.

Daniel 2:21

An ti' wenta Dios pejtel chuqui mi' yujtel ti' tojlel winicob. Mi' choc loq'uel rey, mi' wa'chocon rey. Mi' yʌq'uen i ña'tʌbal jini año' bʌ i ña'tʌbal. Mi' yʌq'uen i p'ip'lel i pusic'al jini p'ip'o' bʌ.

Daniel 2:28

Pero an juntiquil Dios chumul bʌ ti panchan mu' bʌ mejlel i tsictesʌbeñet chuqui tsa' ñajle yic'ot i sujmlel jini mucul tac bʌ mach bʌ cʌmbilic lac cha'an. Wolix i tsictesʌbeñet chuqui mi' cajel ti ujtel ti yanto bʌ ora. Mi caj c tsictesʌbeñet a ñajal.

Daniel 4:25

Mi caj a tʌts' a bʌ ti' tojlel winicob. Mi caj a wajñel yic'ot bʌte'el. Mi caj a c'ux jam che' bajche' wacax. Jini tijil mi caj i yʌch'esan a bʌc'tal. Wucp'ejl jab mi caj a wajñel che' bajche' iliyi, jinto ma' wen cʌn jini Dios am bʌ i p'ʌtʌlel ti' tojlel pejtelel yumʌlob ti pañimil. Mi' wa'chocon ti yumʌl majqui jach yom.

Daniel 4:32

Mi caj a chojquel loq'uel ti' tojlel winicob. Mi caj a wajñel yic'ot bʌte'el wucp'ejl jab. Mi caj a c'ux jam che' bajche' tat wacax jinto ma' wen cʌn jini Dios am bʌ ti chan am bʌ i p'ʌtʌlel ti pejtelel tejclum tac ti pañimil. Mi' wa'chocon ti yumʌl majqui jach yom, che'en.

Daniel 5:23

Tsa' ts'a'le lac Yum am bʌ ti Panchan. Tsa' choco ti ch'ʌmol pejtel i vaso tac yic'ot i taza tac cha'an ma' c'ʌn ti jap vino yic'ot a pi'ʌlob ti e'tel, cha'an ma' ñuq'uesan a dios tac melbil bʌ ti oro, ti plata, ti bronce, ti tsucu taq'uin, ti te' yic'ot ti xajlel, anquese ma'anic i ña'tʌbal. Ma'anic chuqui mi' yubiñob, ma'anic chuqui mi' q'uelob. Maxto anic tsa' ch'ujutesa jini Dios woli bʌ i yʌq'ueñet a cuxtilel ba' cʌyʌl pejtel chuqui ma' mel.

Daniel 6:25

Jini rey Darío tsi' ts'ijba jun. Tsi' choco majlel ti pejtelel i lumal, ti jujump'ejl tejclum tac ba' yujilob t'an ti chajp ti chajp. Tsi' subeyob: La' p'ojlic i ñʌch'tilel la' pusic'al. Joñon mic sub ti mandar, yom mi la' bʌc'ñan i Dios Daniel ti pejtelel c yumʌntel. Yom mi la' p'is ti wenta, come jiñʌch Cuxul bʌ Dios mu' bʌ i yajñel ti pejtelel ora. Ma'anic mi caj i jilel i yumʌntel. Mi' yajñel i p'ʌtʌlel ti pejtelel ora.

Jonas 1:9

Jonás tsi' subeyob: Hebreojon. Mic bʌc'ñan lac Yum, jini Dios am bʌ ti panchan tsa' bʌ i mele colem ñajb yic'ot lum. Tsi' subeyon majlel ti Nínive pero mach comic majlel, che'en.