Esdras 1:1 - Chol: I T’an Dios

¹ Ti ñaxan bʌ jab che' woli' mel i yumʌntel jini rey Ciro, i yum Persia, lac Yum tsi' ts'ʌctesa jini t'an tsa' bʌ i yʌlʌ jini x'alt'an Jeremías. Lac Yum tsi' ñijcʌbe i pusic'al Ciro cha'an mi' pam puc jini t'an ti pejtelel lum. Tsi' yotsa ti jun ja'el. Tsi' yʌlʌ:

Chol de Tumbalá Bible

¹ Ti ñaxan bʌ jab che' woli' mel i yumʌntel jini rey Ciro, i yum Persia, lac Yum tsi' ts'ʌctesa jini t'an tsa' bʌ i yʌlʌ jini x'alt'an Jeremías. Lac Yum tsi' ñijcʌbe i pusic'al Ciro cha'an mi' pam puc jini t'an ti pejtelel lum. Tsi' yotsa ti jun ja'el. Tsi' yʌlʌ:

Esdras 1:1 Iomraidhean Croise

Esdras 1:5

Jini cha'an tsi' jac'ʌyob jini xñoxob año' bʌ i ye'tel ti Judá yic'ot ti Benjamín, yic'ot jini motomajob yic'ot levíjob. Dios tsi' ñijcʌbeyob i pusic'al cha'an mi' sujtelob ti Jerusalén, cha'an mi' melob i Templo lac Yum.

Esdras 4:3

Pero ma'anic tsi' jac'ʌyob Zorobabel yic'ot Jesúa yic'ot jini xñoxob ti Israel. Tsi' yʌlʌyob: Mach mejlic c pʌyet lojon cha'an mi laj comol cha'len e'tel. Jasʌlon lojon. Mu' to c bajñel mel lojon i Templo c Yum lojon, i Dios Israel, che' bajche' tsi' subeyon lojon Ciro yumʌl bʌ ti Persia. Che' tsi' yʌlʌyob.

Esdras 6:14

Che' jini, jini judíojob año' bʌ i ye'tel tsi' chʌn cha'leyob e'tel ti Templo. Tsi' cha'leyob subt'an jini x'alt'añob Hageo yic'ot Zacarías (i yalobil Iddo). Che' jini tsi' wen coltayob. Jini cha'an tsa' mejli i yujtesañob jini Templo cha'an ti' mandar i Dios israelob, yic'ot i mandar tac jini reyob ti Persia, Ciro yic'ot Darío yic'ot Artajerjes.

Esdras 6:22

Ti' tijicñʌyel i pusic'al tsi' meleyob jini q'uin che' mi' c'uxob caxlan waj mach bʌ anic i levadurajlel. Wucp'ejl q'uin tsi' cha'leyob q'uiñijel come tsi' wen coltayob lac Yum. Jiñʌch lac Yum tsa' bʌ i nijcʌbe i pusic'al jini rey ti Asiria cha'an mi' coltañob, cha'an mi' wen mejlel i Templo Dios, i Dios Israel.

Esdras 6:3

Che' ti' tejchibal i yumʌntel jini rey Ciro tsi' yʌc'ʌ mandar cha'an mi' cha' melbentel i Templo Dios ya' ti Jerusalén: Ya' yom mi' pulbentel i majtan Dios. Xuc'ul yom mi' cha' mejlel i c'ʌclib i Templo. Yom wucp'ejl i cha'c'al (27) metro i tamlel. Che'ʌch yom i p'isol i xujc ja'el.

Esdras 7:27

Esdras tsi' yʌlʌ: La' ñuq'uesʌntic i c'aba' lac Yum i Dios lac ñojte'elob, come tsi' ñijcʌbe i pusic'al jini rey cha'an mi' q'uel ti ñuc i Templo lac Yum ya' ti Jerusalén.

Salmos 106:46

Tsi' yʌc'ʌyob ti p'untʌntel cha'an i yumob tsa' bʌ i pʌyʌyob majlel ti cadena tac.

Proverbios 21:1

Jini Dios tsa' bʌ i melbe i bijlel ja' mi' ñijcʌben i pusic'al rey cha'an mi' mel chuqui yom Dios.

Isaias 44:28

Joñon mi cʌq'uen i ye'tel Ciro. Mic sub: “Jiñʌch xcʌnta tiñʌme' c cha'an. Mi caj i mel pejtelel chuqui mi cʌl. Mi caj i yʌc' ti cha' melol Jerusalén. Mi caj cʌc' ti cha' wejlel i c'ʌclib jini Templo”. Tsa'ix cʌc'ʌ c t'an, che'en lac Yum.

Isaias 45:1

Jiñʌch i t'an lac Yum tsa' bʌ i sube Ciro jini yajcʌbil bʌ i cha'an: Joñon wolij coltañet cha'an ma' jisan cabʌl tejclum tac, cha'an ma' jisʌbeñob i p'ʌtʌlel ñuc bʌ reyob. Mi cʌc' ti jejmel i ti' tac Babilonia. Ma'anic majch mi mejlel i cha' ñup'.

Jeremias 1:1

I t'an Jeremías i yalobil Hilcías. Motomajʌch Jeremías chumul bʌ ti Anatot ti' lumal Benjamín.

Jeremias 29:10

Ubinla i t'an lac Yum: Che' ñumenix lujump'ejl i chʌnc'al (70) jab che' ya' chumuletla ti Babilonia, cha' talon c pʌyetla loq'uel che' bajche' tsac subeyetla. Mi caj la' sujtel ti la' lumal.

Ezequiel 38:5

Mux i tilelob ja'el la' wic'ot jini Persia yic'ot Fut. Ti pejtelelob mi caj i tilel yic'ot i mʌctijibob.

Daniel 1:21

Daniel tsa' chʌn ajni ti' yotot rey c'ʌlʌl ti' tejchibal i yumʌntel Ciro.

Daniel 2:1

Che' ti cha'p'ejlel jab che' woli ti yumʌntel Nabucodonosor, tsi' cha'le ñajal. Bʌbʌq'uen jax chuqui tsi' ñajle. Ma'anix tsa' chʌn ochi i wʌyel come tsi' wen mele i pusic'al.

Daniel 6:25

Jini rey Darío tsi' ts'ijba jun. Tsi' choco majlel ti pejtelel i lumal, ti jujump'ejl tejclum tac ba' yujilob t'an ti chajp ti chajp. Tsi' subeyob: La' p'ojlic i ñʌch'tilel la' pusic'al. Joñon mic sub ti mandar, yom mi la' bʌc'ñan i Dios Daniel ti pejtelel c yumʌntel. Yom mi la' p'is ti wenta, come jiñʌch Cuxul bʌ Dios mu' bʌ i yajñel ti pejtelel ora. Ma'anic mi caj i jilel i yumʌntel. Mi' yajñel i p'ʌtʌlel ti pejtelel ora.

Juan 1:23

Juan tsi' yʌlʌ: Joñonʌch mu' bʌ c cha'len c'am bʌ t'an ti jochol bʌ lum. “Pʌtʌla majlel i bijlel lac Yum”, cho'on, che' bajche' tsi' yʌlʌ jini x'alt'an Isaías, che'en.