Efesios 6:9 - Chol: I T’an Dios

⁹ Yumʌlob, yom mi la' c'uxbin x'e'telob la' cha'an. Cʌyʌ la' bʌc'tesañob, come ña'tʌbil la' cha'an an juntiquil Yumʌl ti panchan, la' Yum, jiñʌch i Yum ja'el. Dios mach jelchojquic jach mi' c'uxbin winicob.

Jiñi Tsiji' bʌ Wen T'añ cha'añ Estudio

⁹ Che' ja'el jatetla, i yumet bʌ la e'tel, yom mi la' wajñel ti uts'at ti' tojlel x'e'telob la' cha'añ, cʌyʌ la' bʌc'tesañob, yom mi la' ña'tan añ juntiquil Yumʌl ti panchan, jiñʌch la' Yum, jiñʌch i Yumob ja'el, come ti' tojlel Dios mach jelchojquic mi' q'uel wiñicob x'ixicob.

Chol de Tumbalá Bible

⁹ Yumʌlob, yom mi la' c'uxbin x'e'telob la' cha'an. Cʌyʌ la' bʌc'tesañob, come ña'tʌbil la' cha'an an juntiquil Yumʌl ti panchan, la' Yum, jiñʌch i Yum ja'el. Dios mach jelchojquic jach mi' c'uxbin winicob.

Jiñi Tsiji' bʌ Wen T'añ cha'añ Estudio

⁹ Che' ja'el jatetla, i yumet bʌ la e'tel, yom mi la' wajñel ti uts'at ti tojlel x'e'telob la' cha'añ, cʌyʌ la' bʌc'tesañob, yom mi la' ña'tan añ juntiquil Yumʌl ti panchan, jiñʌch la' Yum, jiñʌch i Yumob ja'el, come ti' tojlel Dios mach jelchojquic mi' q'uel wiñicob x'ixicob.

Chol Tila

⁹ Jatyetla, yumʌlet bʌ la, cha'lenla wen bʌ ti' tyojlel ajtoñelob la' cha'an che' bajche' tic xiq'uiyob i cha'leñob ti la' tyojlel je'el. Cʌyʌla la' bʌc'tisañob. C'ajal la' cha'an añetla ti' wenta lac Yum am bʌ ti panchan lajal che' bajche'ob. Junlajal mi' q'uelob quixtyañu lac Yum am bʌ ti panchan.

Efesios 6:9 Iomraidhean Croise

Nehemias 5:5

Lajal c bʌc'tal lojon bajche' i bʌc'tal c pi'ʌlob. Lajal calobilob lojon che' bajche' i yalobilob. Woli cotsan lojon ch'iton bʌ calobilob yic'ot xch'oc bʌ calobilob ti majtan e'tel ti' yum. Lamital jini xch'oc bʌ calobilob tsa'ix ochiyob ti e'tel ti' yum. Ma'anic c p'ʌtʌlel lojon cha'an mij coltañob, come c lum lojon yic'ot c ts'usubil lojon añix ti' wenta yaño' bʌ winicob, che'ob.

Job 34:19

Mach jejchoquic jach mi' q'uel winicob. Junlajal mi' pʌsbeñob i yutslel jini pobrejob yic'ot jini wen chumulo' bʌ. Junlajal i melbalonla.

Salmos 140:12

Cujil cʌntʌbil i cha'an lac Yum jini tic'lʌbilo' bʌ. Woli' coltañob. Mi caj i tsictesʌbeñob toj bʌ i pusic'al jini p'ump'uño' bʌ.

Eclesiastes 5:8

Mi tsa' q'uele woli' tic'lʌntelob pobrejob cha'an jini wen chumulo' bʌ, mi mach tojic mi' cha'leñob meloñel, mach mi' toj sajtel a pusic'al. Come pejtel año' bʌ i ye'tel añob ti' wenta ñumen ñuco' bʌ i ye'tel mu' bʌ i jac'beñob i mandar yaño' bʌ. Jini ñumen ñuco' bʌ mi' jac'beñob i mandar rey.

Isaias 47:6

Che' bʌ tsac mich'le c cha'año' bʌ, tsa cʌc'ʌyob ti a c'ʌb cha'an mi' tojob i mul. Pero ma'anic tsa' wis p'untayob. Tsa' wʌq'ueyob al bʌ i cuch jini xñoxo' bʌ.

Daniel 3:15

Ma'anic chuqui mi caj c tumbeñetla wʌle mi chajpʌbiletixla cha'an mi la' ñoctʌl. Che' mi' cha' jajts'el jini música tac, yom mi la' ch'ujutesan i yejtal winic tsa' bʌ c wa'choco. Pero mi ma'anic mi la' ch'ujutesan, mi caj la' chojquel ochel ti' yajñib c'ajc woli bʌ ti lejmel. Che' jini, ¿majqui jini dios mu' bʌ mejlel i coltañetla? che'en Nabucodonosor.

Daniel 3:6

Jini mach bʌ anic mi' ñoctʌl cha'an mi' ch'ujutesan jini wa'chocobil bʌ i yejtal winic, ti ora jach mi caj i chojquel ochel ti' yajñib c'ajc woli bʌ ti lejmel, che'en.

Levitico 19:13

Mach mi la' p'ump'un tic'lan la' pi'ʌlob. Mach mi la' xujch'iben chuqui an i cha'an. Mach yomic mi' cʌytʌl ti bet i tojol i ye'tel.

Malaquias 3:5

Woli' yʌl lac Yum: Talon c meletla. Mi caj c choc tilel castigo ti ora. Ora jach mi caj cʌq'ueñob i toj i mul jini xwujtob yic'ot mu' bʌ i cha'leñob ts'i'lel, yic'ot xlotob, yic'ot mu' bʌ i xujch'ibeñob i chobejtʌbal jini x'e'telob, yic'ot mu' bʌ i tic'lañob meba' x'ixicob yic'ot meba' alʌlob, yic'ot mu' bʌ i chilbeñob i chubʌ'an jini ñajt bʌ ch'oyolob, yic'ot pejtel mach bʌ añobic mi' bʌc'ñañoñob, che'en i Yum Panchan yic'ot Pañimil.

Mateo 22:10

Che' jini tsa' majliyob x'e'telob ti pejtelel bij. Tsi' tempayob tilel pejtelel jini tsa' bʌ i tajayob, jontolo' bʌ yic'ot uts'ato' bʌ i pusic'al. Che' jini tsa' bujt'i i yotot ti xmel q'uiñob.

Mateo 22:8

Tsi' sube x'e'telob i cha'an: “Chajpʌbilix i q'uiñilel ñujpuñijel. Mach uts'atobic jini pʌybilo' bʌ.

Mateo 24:48

Mi tsi' yʌlʌ ti' pusic'al jini jontol bʌ x'e'tel: “Jal to tal c yum”, mi che'en,

Mateo 24:51

Mi caj i yʌc' ti tojmulil. Mi caj i yotsan ba' añob jini cha'chajp jax bʌ i pusic'al. Ya'i mi' cajelob ti uq'uel yic'ot quech'ecña i bʌquel i yej. Che' tsi' yʌlʌ Jesús.

Mateo 7:12

Melela chuqui uts'at ti' tojlel la' pi'ʌlob mi la' wom chuqui uts'at ti la' tojlel. Come jiñʌch jini mandar yic'ot i subal jini x'alt'añob.

Lucas 6:31

Melbenla chuqui uts'at winicob x'ixicob che' bajche' la' wom mi' melbeñetla. Mi la' yom mi' melbeñetob chuqui uts'at winicob x'ixicob, che' yom mi la' melbeñob ja'el.

Juan 13:13

Mi la' pejcañon ti la' Maestro yic'ot ti la' Yum. Uts'at chuqui mi la' wʌl, come isujm joñonʌch.

Hechos 10:34

Pedro tsa' caji ti t'an. Tsi' yʌlʌ: Mic ña'tan ti isujm, junlajal mi' q'uel winicob Dios.

Romanos 2:11

Come Dios mach jelchojquic jach mi' c'uxbin winicob x'ixicob.

1 Corintios 1:2

Wolic ts'ijbubeñetla ili jun, xñopt'añet bʌ la i cha'an Dios ya' ti Corinto. Tsa'ix ajq'uiyetla ti' wenta Dios. Pʌybiletla cha'an mi la' wochel ti Cristo Jesús la' wic'ot pejtel mu' bʌ i pejcañob lac Yum Jesucristo ti' c'aba', baqui jach añob. Jini lac Yum i yumʌch ja'el.

1 Corintios 7:22

Come lac Yum tsa' bʌ i pʌyʌ jini am bʌ ti' yum, tsa'ix i yʌc'ʌ ti libre. Pero jini tsa' bʌ pʌjyi che' libre an, tsa'ix ochi ti' wenta cha'an mi' yuman Cristo.

Deuteronomio 10:17

Come lac Yum Dios i Diosʌch jini diosob, i Yumʌch jini yumʌlob. Wen ñuc lac Yum, wen bʌc'ñʌbil. Mach jelchojquic mi' c'uxbin winicob x'ixicob. Mach yujilic i ch'ʌmol majtañʌl cha'an mi' ñusan jontolil.

Colosenses 3:25

Jini mu' bʌ i cha'len jontolil, mux i ch'ʌm i tojol cha'an i jontolil. Ti jujuntiquil mi caj i yʌq'uentel bajche' an i melbal.

Colosenses 4:1

Yumʌlob, melbenla chuqui uts'at yic'ot chuqui toj jini x'e'telob la' cha'an. Come ña'tʌbil la' cha'an an la' Yum ja'el ya' ti panchan.

Santiago 2:13

Jini mach bʌ yujilic p'untaya, ma'anic mi caj i p'untʌntel ti' yorajlel meloñel. Jini yujil bʌ p'untaya tijicña mi caj i yubin che' ti' yorajlel meloñel.

Santiago 2:8

Yom mi la' jac' ti isujm ili c'ax ñuc bʌ mandar ti' Ts'ijbujel Dios: “C'uxbin a pi'ʌlob che' bajche' ma' bajñel c'uxbin a bʌ”, che'en. Mi woli la' jac' jini mandar toj woli la' mel.

Santiago 5:4

La' wilan c'am woli ti t'an jini taq'uin, come ma'anic tsa' la' tojo x'e'telob la' cha'an tsa' bʌ i tsepbeyetla la' jamil. Tsa' c'oti i t'an la' waj tsep jamob ti' chiquin lac Yum, jiñʌch i Yum panchan yic'ot pañimil.

1 Samuel 15:17

Samuel tsi' yʌlʌ: Che' pec' tsa' q'uele a bʌ, ¿mach ba anic tsa' ochiyet ti' rey ti' tojlel jini lajchʌnmojt israelob? Lac Yum tsi' yajcayet cha'an ma' wochel ti' rey Israel.