Efesios 6:4 - Chol: I T’an Dios

⁴ Tatʌlob, mach yomic mi la' techbeñob i mich'ajel la' walobilob. Ju'sʌbeñob i pusic'al che' woliyob ti colel. Cʌntesañob ti lac Yum.

Jiñi Tsiji' bʌ Wen T'añ cha'añ Estudio

⁴ Che' ja'el tatʌlob, mach mi la' techben i mich'ajel la' walobilob, ju'sʌbenla i pusic'al che' woliyob ti colel yic'ot cʌntesanla ti lac Yum.

Chol de Tumbalá Bible

⁴ Tatʌlob, mach yomic mi la' techbeñob i mich'ajel la' walobilob. Ju'sʌbeñob i pusic'al che' woliyob ti colel. Cʌntesañob ti lac Yum.

Jiñi Tsiji' bʌ Wen T'añ cha'añ Estudio

⁴ Che' ja'el tatʌlob, mach mi la' techben i mich'ajel la' walobilob, ju'sʌbenla i pusic'al che' woliyob ti colel yic'ot cʌntesanla ti lac Yum.

Chol Tila

⁴ Tyatyʌlet bʌ la, ña'ʌlet bʌ la, ma' mi la' bej lolon tsʌts tic'ob la' walobilob c'ʌlʌ jintyo mi mich'añob. Pero tyoj isañob ti wen. Cʌntisañob bajche' yom i ch'ujbiñob lac Yum.

Efesios 6:4 Iomraidhean Croise

Genesis 18:19

Cujilix Abraham mi caj i yʌq'ueñob mandar i yalobilob yic'ot pejtel año' ti' yotot yic'ot jini mu' bʌ caj i tilelob ti' yotot, cha'an mi' cha'leñob xʌmbal ti' bijlel i Yum, cha'an mi' melob chuqui tac uts'at yic'ot chuqui tac toj. Che' jini mux caj ti ts'ʌctiyel c t'an tsa' bʌ cʌlʌ ti' tojlel Abraham. Che' tsi' yʌlʌ lac Yum.

1 Cronicas 28:20

Jini cha'an David tsi' sube i yalobil Salomón: Yom bʌxet. Yom ch'ejlet. Cha'len wersa cha'an jini e'tel. Mach a cha'len bʌq'uen yic'ot pensar, come lac Yum Dios, jini c Dios, mi caj i yajñel a wic'ot. Ma'anic mi caj i cʌyet. Mi caj i coltañet jinto mi' yujtel ti mejlel i yotot lac Yum.

1 Cronicas 29:19

Xuc'chocoben i pusic'al jini calobil Salomón, cha'an mi' chʌn jac'beñet a mandar yic'ot a t'an yic'ot a subal ti pejtelel ora, cha'an ts'ʌcʌl mi' melob pejtel chuqui tac yom, cha'an mi' yujtel i wa'chocontel a wotot. Come jini cha'an tsa'ix c chajpa ti pejtelel c pusic'al. Che' tsi' yʌlʌ David.

Proverbios 19:18

Aq'uen i tsico' pusic'al a walobil che' anto ti a wenta, pero mach yomic cʌlʌxet ame a tsʌnsan.

Proverbios 22:15

Tsʌts chucul i tontojlel i pusic'al alʌlob, pero mux i chojquel loq'uel che' mi' yʌq'uentelob i tsico' pusic'al ti asiyal.

Proverbios 22:6

Cʌntesan alʌlob ti jini bij yom bʌ mi' xʌñob majlel. Che' ñoxobix ma'anic mi caj i cʌyob.

Proverbios 29:15

Cha'an ti asiyal yic'ot ti tsico' pusic'al mi' julel i pusic'al ch'iton. Jini che' jach bʌ mi' colel mi caj i yʌc' ti quisin i ña'.

Proverbios 29:17

Aq'uen i tsico' pusic'al a walobil. Che' jini mux i yʌq'ueñet a c'aj a wo. Mux i tijicñesʌbeñet a pusic'al.

Isaias 38:19

Pero jini cuxulo' bʌ mi mejlel i ch'ujutesañet che' bajche' wolic mel ti ili ora. Jini tatʌlob mi' subeñob i yalobilob cabʌl i xuc'tilel a pusic'al.

Deuteronomio 4:9

Chʌcʌ q'uele la' bʌ. Tsajin la' bʌ cha'an ma'anic mi' ñajʌyel la' cha'an chuqui tac tsa' la' q'uele. Mach yomic mi' yʌjñel la' pusic'al che' cuxulet tola. Yom mi la' cʌntesan la' walobilob yic'ot i yalobilob la' walobilob.

Deuteronomio 6:7

Cha' subeñob la' walobilob che' ya' añetla ti la' wotot, yic'ot che' woliyetla ti xʌmbal ti bij, yic'ot che' mi la' cajel ti wʌyel, yic'ot che' mi la' cha' ch'ojyel.

Colosenses 3:21

Tatʌlob, mach mi la' lon techben i mich'ajel la' walobilob ame lijicña mi' melob i bʌ.

2 Timoteo 1:5

Wolic ña'tan bajche' tsa' ñopo Dios ti isujm che' bajche' ti ñaxan tsi' ñopo a chu'chu' Loida yic'ot a ña' Eunice. Wʌle cujil wola' ñop ja'el.

2 Timoteo 3:15

C'ʌlʌl che' alʌlet to, cʌmbilix a cha'an jini Ch'ujul bʌ i Ts'ijbujel Dios, mu' bʌ i cʌntesañet cha'an ma' ñop Cristo Jesús cha'an ma' coltʌntel.

Josue 24:15

Mi mach uts'atic mi la' q'uel che' mi la' ch'ujutesan lac Yum, yajcanla wʌle majqui mi caj la' ch'ujutesan, mi jini dioste' tsa' bʌ i ch'ujutesayob la' ñojte'elob ya' ti junwejl jini Eufrates, yic'ot i dioste' amorreojob año' bʌ ti ili lum ba' chumuletla. Pero joñon yic'ot jini año' bʌ ti cotot mi caj lac ch'ujutesan lac Yum. Che' tsi' yʌlʌ Josué.

Juezob 13:12

Manoa tsi' sube: Che' mi' ts'ʌctiyel a t'an, ¿bajche' yom mi' ñusan q'uin jini ch'iton? ¿Bajche' yom mij cʌntesan lojon? che'en.