Efesios 5:3 - Chol: I T’an Dios

³ Mach yomic mi la' taj la' wixic. Mach la' cha'len chuqui bibi'. Mach la' tsʌjyun chubʌ'añʌl. Che' leco chuqui mi' yujtel ti la' tojlel, mach yomic mi la' chʌn al, come mach i t'ojolic ti' tojlel i cha'año' bʌ Dios.

Jiñi Tsiji' bʌ Wen T'añ cha'añ Estudio

³ Jiñi cha'añ, mach yomic mi la' cha'len ts'i'lel, mi chuqui tac bi'bi' ti' melol, mi i tsʌjyuntel chu'bʌañʌl, mach yomic mi' yujtel ti la' tojlel pejtelel iliyi, come i cha'añetla Dios;

Chol de Tumbalá Bible

³ Mach yomic mi la' taj la' wixic. Mach la' cha'len chuqui bibi'. Mach la' tsʌjyun chubʌ'añʌl. Che' leco chuqui mi' yujtel ti la' tojlel, mach yomic mi la' chʌn al, come mach i t'ojolic ti' tojlel i cha'año' bʌ Dios.

Jiñi Tsiji' bʌ Wen T'añ cha'añ Estudio

³ Jiñi cha'añ, mach yomic mi la' cha'len ts'i'lel, mi chuqui tac bi'bi' ti' melol, mi i tsʌjyuntel chu'bʌañʌl, mach yomic mi' yujtel ti la' tojlel pejtelel iliyi, come i cha'añetla Dios;

Chol Tila

³ Wale, cha'an i cha'añetla Dios mach yom mi la' cha'len la' tsuculel mi ba'ic jach bʌ la' bibi'lel mi i mulʌntyelic la' tsuculel. Mi jinic tyo yom la' pensalin la' cha'len ba'ic jach bʌ la' bibi'lel mi i mulʌntyel la' tsuculel.

Efesios 5:3 Iomraidhean Croise

Salmos 10:3

Jini jontol bʌ mi' chañ'esan i bʌ che' an chuqui yom ti' pusic'al. Jini xujch' mi' cha'len p'ajoñel, mi' ts'a'len Dios.

Salmos 119:36

Yom ma' wʌc' c pusic'al ti jini tsa' bʌ a wʌlʌ, Ame mi cʌc' c pusic'al ti' mulʌntel taq'uin.

Exodo 18:21

Che' ja'el yom ma' yajcan winicob año' bʌ i ña'tibal, xuculo' bʌ winicob mu' bʌ i bʌc'ñañob Dios, winicob mach bʌ anic mi' mulañob taq'uin. Yom ma' wa'chocoñob ti' ye'tel. Yom juntiquil yumʌl ti' tojlel jujump'ejl mil yic'ot yambʌ ti' tojlel jo'jo'c'al yic'ot yambʌ ti' tojlel lujump'ejl i yuxc'al tac, yic'ot yambʌ ti' tojlel lujuntiquil tac.

Exodo 20:17

Mach a mulʌben i yotot a pi'ʌl, mi i yijñam mi i winic, mi i criada, mi i wacax, mi i burro, mi yambʌ chuqui tac an i cha'an. Che' tsi' yʌlʌ Dios.

Exodo 23:13

Ch'ʌmʌla ti la' wenta pejtelel chuqui tsac subeyetla. Mach la' pejcan dioste' tac. Mach yomic mi' yubintel i c'aba' dioste' tac ti la' tojlel.

Proverbios 28:16

Jini yumʌl mach bʌ wenic i pusic'al cabʌl mi' tic'lan jini p'ump'uño' bʌ. Jini yumʌl mu' bʌ i mel i ye'tel ti toj mach bʌ anic mi' ch'ʌm i majtan taq'uin mi caj i ñajt'esʌntel i jabilel.

Jeremias 22:17

Pero mach lajaletic bajche' a tat. Pejtel chuqui tac ma' q'uel yic'ot pejtel chuqui tac ma' mulan ma' wersa ch'ʌm, anquese mach tojic bajche' ma' taj. Ma' wʌc' ti chʌmel jini mach bʌ anic i mul. Ma' tic'lan a pi'ʌlob. Ma' chilbeñob i chubʌ'an.

Jeremias 6:13

Ti pejtelob añob i mul, jini ñuco' bʌ yic'ot jini ch'o'ch'oco' bʌ. Mi' ch'ʌmob taq'uin ñumen bajche' yom. Ti pejtelelob mi' cha'leñob lotiya. Che'ʌch mi' melob ja'el jini x'alt'añob yic'ot jini motomajob.

Jeremias 8:10

Jini cha'an mi caj cʌc' ti tic'lʌntel i yijñamob ti' tojlel i contrajob. Mi caj i chilbeñob i lum cha'an i mul, come wen yujilob lot pejtel winicob x'ixicob, jini ñuco' bʌ yic'ot jini ch'o'ch'oco' bʌ, jini x'alt'añob yic'ot motomajob.

Ezequiel 33:31

Che' jini motocña mi' tilelob ti a tojlel. Mi' buchtʌlob cha'an mi' yubiñob a t'an, pero ma'anic mi' jac'ob. Mach yomobic i mel chuqui mic subeñob. “Uts'at i t'an”, lon che'ob, pero ti' pusic'alob woli jach i ña'tañob bajche' mi' tajob taq'uin.

Levitico 15:18

Che' mi' pi'leñob i bʌ winic yic'ot x'ixic, wersa yom mi' laj bʌ cha'leñob ts'ʌmel, pero ma'anic mi' poj q'uelelob ti sʌc c'ʌlʌl mi' bʌjlel q'uin.

Miqueas 2:2

Che' mi' mulañob lum, mi' cha'leñob lot yic'ot tic'laya cha'an mi' chilbeñob i lum i pi'ʌlob yic'ot pejtelel chuqui an i cha'añob.

Numeros 25:1

Che' ya' to chumulob israelob ti Sitim, jini winicob tsa' caji i melob i ts'i'lel yic'ot x'ixicob año' bʌ ti Moab.

Mateo 15:19

Come ch'oyol ti' pusic'al winic mi' tilel jontol bʌ i ña'tʌbal, yic'ot tsʌnsa, yic'ot ts'i'lel, yic'ot jam otot, yic'ot xujch', yic'ot jop't'an, yic'ot p'ajoñel.

Lucas 12:15

Tsi' subeyob: Chʌcʌ q'uele la' bʌ cha'an ma'anic chuqui tac mi la' tsʌjyun. Mach cuxulobic winicob cha'an ti cabʌl i chubʌ'an, che'en.

Lucas 16:14

Jini fariseojob ja'el mu' bʌ i mulañob taq'uin tsi' yubiyob pejtelel jini t'an. Tsa' caji i wajleñob.

Hechos 15:20

Cojach yom mi la' ts'ijbubeñob ti jun cha'an mi' cʌyob i c'ux chuqui tac aq'uebil dioste', yic'ot chuqui tac milbil yic'ot i ch'ich'el, cha'an mi' cʌyob i ts'i'lel ja'el.

Hechos 20:33

Ma'anic tsac mulʌbeyetla chuqui an la' cha'an, mi plata, mi oro, mi pisil.

Romanos 1:29

But'ulob ti jujunchajp jontolil, yic'ot i ts'i'lel, yic'ot i mulʌntel chubʌ'añʌl, yic'ot ts'a'leya. But'ulob i pusic'al ti' tsʌytsʌyñʌyel cha'an i wenlel i pi'ʌlob, yic'ot tsʌnsa, yic'ot leto, yic'ot lotiya, yic'ot a'leya, yic'ot u'yaj t'an.

Romanos 16:2

Come añetla ti lac Yum, jini cha'an pʌyʌla ochel ti la' wotot che' bajche' yom mi' melob jini i cha'año' bʌ Dios. Coltanla mi an chuqui yom come cabʌlix tsi' colta hermanojob. Tsi' coltayon ja'el.

Romanos 6:13

Mach mi la' wʌc' la' bʌc'tal cha'an mi' cha'len jontolil. Aq'uen la' bʌ Dios, come tejchemetixla ch'ojyel ti chʌmel cha'an mi' c'ʌjñel la' bʌc'tal ti' melol chuqui toj cha'an mi la' ñuq'uesan Dios.

1 Corintios 10:8

Mach yomic mi la' cha'len ts'i'lel che' bajche' tsi' cha'leyob lamital. Tsa' chʌmiyob uxp'ejl i cha'c'al ti mil ti jump'ejl jach q'uin.

1 Corintios 5:1

Isujm woli' yʌlob an juntiquil ti la' tojlel woli bʌ i taj i ts'i'lel, ñumen leco bajche' mi' melob jini sajtemo' bʌ, come jini winic wolix i yajñel yic'ot i majaña'.

1 Corintios 6:13

Uts'at we'elʌl cha'an lac ñʌc'. Jini lac ñʌc' i yajñibʌch we'elʌl. Pero Dios mi caj i jisan lac ñʌc' yic'ot we'elʌl. Jini lac bʌc'tal mach cha'anic ts'i'lel, i cha'añʌch lac Yum. Lac Yum mi caj i coltan lac bʌc'tal.

1 Corintios 6:18

Puts'tanla ts'i'lel. Jini mu' bʌ i cha'len ts'i'lel ñumen mi' tic'lan i bʌc'tal bajche' jini mu' bʌ i cha'len yan tac bʌ mulil.

2 Corintios 12:21

Cabʌl mic cha'len bʌq'uen ame mi' yʌc'on ti quisin Dios ti la' tojlel che' mic cha' tilel ba' añetla, ame mi cuct'an jini tsa' bʌ i cha'leyob mulil mi ma'anic tsi' cʌyʌyob i bibi'lel yic'ot i ts'i'lel yic'ot i colosojlel.

Efesios 5:12

Come quisintic jax ti' yʌlol chuqui mi' mucul melob.

Efesios 5:5

Come la' wujil ti isujm, ma'anic mi caj i yochel ti' yumʌntel Cristo yic'ot Dios jini mu' bʌ i cha'len ts'i'lel mi jini am bʌ i bibi'lel i pusic'al, mi jini tsʌytsʌyña bʌ i pusic'al cha'an chubʌ'añʌl. Come i tsʌytsʌyniyel lac pusic'al cha'an chubʌ'añʌl lajalʌch bajche' i c'uxbintel dioste'.

Filipenses 1:27

Yom jach mi la' wajñel ti uts'at che' bajche' mi' cʌntesañonla i wen t'an Cristo. Che' jini mi tsaj q'ueleyetla, o mi ma'anic tsaj q'ueleyetla, mi caj cubin xuc'uletla ti jump'ejl la' pusic'al, che' temel mi la' cha'len wersa cha'an mi' ñojpel jini wen t'an.

Colosenses 3:5

Jini cha'an ti junyajlel chocola pejtelel i cha'an bʌ pañimil am bʌ ti la' pusic'al: la' ts'i'lel, la' bibi'lel, la' jontolil, i colosojlel la' pusic'al, yic'ot i ts'i'lel la' wut, come lajal i ts'i'lel lac wut bajche' i ch'ujutesʌntel dioste'.

1 Tesalonicenses 4:3

Yom Dios mi la' sʌq'uesʌntel. Mach yomic mi la' taj la' ts'i'lel.

1 Tesalonicenses 4:7

Ma'anic tsi' pʌyʌyonla Dios cha'an mi la cajñel ti lac bibi'lel. Tsi' pʌyʌyonla cha'an mi lac sʌq'uesʌntel.

1 Timoteo 2:10

Pero la' i pʌsob wen bʌ i melbal che' bajche' yom, come jiñʌch mero i ch'ʌjlil x'ixicob mu' bʌ i yʌlob ochemob ti Dios.

1 Timoteo 3:3

Mach yomic mi' mulan vino. Mach yomic mi' jats' i pi'ʌlob. Mach yomic mi' mulan taq'uin. Yom uts i pusic'al. Mach yomic mi' cha'len leto. Mach yomic i ts'i'lel i wut cha'an chubʌ'añʌl.

1 Timoteo 6:10

Come i mulʌntel taq'uin mi' tech pejtelel jontolil. Jini mu'o' bʌ i mulan cabʌl taq'uin tsa'ix i cʌyʌyob i ñop lac Yum. Tsi' yotsayob i bʌ ti cabʌl wocol.

2 Timoteo 3:2

Come jujuntiquil mi caj i bajñel c'uxbin i bʌ. Mi caj i mulañob taq'uin, mi caj i chañ'esañob i bʌ, ñuc mi caj i q'uelob i bʌ. Mi caj i cha'leñob p'ajoñel. Mi caj i ñusʌbeñob i t'an i tat i ña'. Ma'anic mi' subeñob Dios wocolix i yʌlʌ. Mach i cʌñʌyobic Dios.

Tito 1:11

Yom mi' tijq'uelob come ti' caj i t'an woli' laj cʌyob jini wen t'an ti cabʌl otot. Woli' cʌntesañob chuqui mach tojic cha'an mi' tajob taq'uin.

Tito 1:7

Wersa yom mi' wa'chocontel xcʌntaya mach bʌ anic i mul cha'an mi' cʌntan i cha'año' bʌ Dios. Mach yomic mi' chañ'esan i bʌ, mach yomic ora mi' mich'an, mach yomic mi' mulan vino, mach yomic mi' jats' i pi'ʌlob, mach yomic mi' mulan taq'uin.

Tito 2:3

Che' ja'el subeñob ñoxix bʌ x'ixicob cha'an uts'at mi' yajñelob yic'ot i pi'ʌlob. Mach yomic mi' cha'leñob jop't'an. Mach yomic mi' mulañob cabʌl vino. Yom mi' cʌntesañob chuqui uts'at.

Hebreos 12:16

Tsajiletla ame anic majch mi' taj i yixic, ame anic majch mi' ts'a'len jini albil bʌ i cha'an Dios che' bajche' Esaú. Tsi' choño i yʌscuñil che' an i wi'ñal cha'an mi' poj taj i bʌl i ñʌc'.

Josue 7:21

Ya' ti Jericó tsaj q'uele pisil wen letsem bʌ i tojol, ch'oyol bʌ ti Babilonia, yic'ot lujump'ejl kilo plata bʌ taq'uin, yic'ot jump'ejl jʌlʌl bʌ oro, ñumen ti ojlil kilo. Tsac mula. Tsac ch'ʌmʌ. Ya'ʌch mucbil c cha'an ti mal lum ya' ti mal jini pisil bʌ cotot, che'en.

1 Pedro 5:2

Cʌntanla i tiñʌme' Dios año' bʌ ti la' wenta. Mach cha'anic xic'bebiletla, pero ti pejtelel la' pusic'al che' bajche' yom Dios. Mach cha'anic ganar, pero cha'an che' yom la' pusic'al.

2 Pedro 2:10

Cojco jini mu' bʌ i jac'beñob i colosojlel i pusic'al yic'ot i bibi'lel, mu' bʌ i ts'a'leñob año' bʌ i ye'tel. Ch'ejl mi' melob i bʌ. Mi' melob bajche' jach yomob ti' bajñel pusic'al. Ma'anic mi' bʌc'ñañob i cha'len t'an ti' contra jini año' bʌ i ñuclel ti panchan.

2 Pedro 2:14

But'ulob i pusic'al ti' ts'i'lel. Mach mejlic i cʌyob i mul. Mi' pʌyob ti mulil jini mach bʌ xuc'ulobic i pusic'al. Ñʌmʌlobix i mel i ts'i'lel i wut. Chocbilobix ti Dios.

2 Pedro 2:3

Wo'ob ti taq'uin jini xcʌntesajob, jini cha'an mi caj i lotiñetla cha'an mi' chilbeñetla la' chubʌ'an. C'ʌlʌl ti wajali c'ʌlʌl wʌle ña'tʌbil mi caj i tojob i mul. Chajpʌbilix ba' mi caj i jilelob.

Apocalipsis 2:14

Pero mic subeñetla chuqui tac mach wenic ti la' tojlel. Ya' añob la' wic'ot mu' bʌ i ñopob i cʌntesʌbal Balaam, jini Balaam tsa' bʌ i sube Balac cha'an mi' yʌc' ti yajlel i yalobilob Israel che' bʌ tsi' pʌyʌyob cha'an mi' c'uxob we'elʌl aq'uebil bʌ dios tac, cha'an mi' cha'leñob i ts'i'lel.

Apocalipsis 2:21

Tsac pijta cha'an mi' cʌy i mul, pero mach yomic i cʌy i ts'i'lel.

Apocalipsis 21:8

Jini muc'o' bʌ ti bʌq'uen, yic'ot jini mach bʌ anic mi' ñopob, yic'ot jini bibi'o' bʌ, yic'ot stsʌnsajob, yic'ot mu' bʌ i cha'leñob ts'i'lel, yic'ot xwujtob, yic'ot xch'ujutesa dioste'ob, yic'ot pejtelel xlotob mi caj i tajob i yajñib ya' ti c'ajc woli bʌ ti pulel yic'ot azufre. Jiñʌch i cha'yajlel mi' chʌmelob, che'en.

Apocalipsis 22:15

Ya' ti jumpat an ts'i' yic'ot xwujt yic'ot jini mu' bʌ i cha'leñob ts'i'lel yic'ot stsʌnsajob yic'ot jini mu' bʌ i ñopob dioste' yic'ot jini mu' bʌ i mulañob lot yic'ot jini mu' bʌ i cha'leñob lot.

Apocalipsis 9:21

Ma'anic tsi' cʌyʌyob tsʌnsa, mi wujt, mi ts'i'lel, mi xujch'.

1 Samuel 8:3

Pero mach lajalobic tsi' meleyob che' bajche' i tat. Tsa' jach caji i mulañob taq'uin. Tsi' ch'ʌmʌyob tac i majtan. Mach tojic tsi' cha'leyob meloñel.