Efesios 3:21 - Chol: I T’an Dios

²¹ La' tsictiyic i ñuclel Dios ti' tojlel jini mu' bʌ i tempañob i bʌ ti Cristo Jesús ti pejtelel ora. Amén.

Jiñi Tsiji' bʌ Wen T'añ cha'añ Estudio

²¹ jiñi cha'añ la' sujbic i ñuclel Dios ti' tojlel jiñi xñopt'añob ti Cristo Jesús ti pejtelel ora. Amén.

Chol de Tumbalá Bible

²¹ La' tsictiyic i ñuclel Dios ti' tojlel jini mu' bʌ i tempañob i bʌ ti Cristo Jesús ti pejtelel ora. Amén.

Jiñi Tsiji' bʌ Wen T'añ cha'añ Estudio

²¹ jiñi cha'añ la' sujbic i ñuclel Dios ti' tojlel jiñi xñopt'añob ti Cristo Jesús ti pejtelel ora. Amén.

Chol Tila

²¹ La' sujbic i ñuclel Dios ti pejtyelel ochemo' bʌ ti' t'an Dios yic'ot ti Cristo Jesús c'ʌlʌ ti bele' q'uin.

Efesios 3:21 Iomraidhean Croise

1 Cronicas 29:11

A cha'añʌch a ñuclel yic'ot a p'ʌtʌlel, yic'ot a c'uxbintel, yic'ot a yumʌntel, yic'ot pejtelel chubʌ'añʌl. Come laj a cha'añʌch ti panchan yic'ot ti pañimil. C Yum a cha'añʌch a yumʌntel. Mi' yujtel che' bajche' a wom ti pejtelel pañimil.

Salmos 115:1

Tsictesan i ñuclel a c'aba', c Yum, Mach cha'anic mij q'uejlel lojon ti ñuc, pero cha'an ma' q'uejlel ti ñuc. Cha'an cabʌl a c'uxbiya, wen xuc'ulet.

Salmos 72:19

Ch'ujutesan i c'aba' am bʌ i ñuclel ti pejtelel ora. La' bujt'ic pejtel pañimil yic'ot i ñuclel. Che'ʌch yom, che'ʌch yom.

Isaias 42:12

Tsictesanla i ñuclel lac Yum añet bʌ la ba' mi' bʌjlel q'uin.

Isaias 6:3

Mi' jac'ob i bʌ ti c'ay: Ch'ujulet, wen Ch'ujulet Dios, i Yumet Panchan yic'ot Pañimil. But'ul pejtel pañimil ti a ñuclel, che'ob.

Mateo 6:13

Mach ma' wʌc'on lojon ba' mic pʌjyel lojon ti mulil. Cʌntañon lojon ame yajlicon lojon ti jontolil. Come a cha'añʌch a yumʌntel yic'ot a p'ʌtʌlel yic'ot a ñuclel ti pejtelel ora. Amén. Che' yom mi la' mel oración.

Lucas 2:14

Tsi' yʌlʌyob: Wen ñuc Dios am bʌ ti panchan. Wʌ' ti pañimil woli' yʌq'uentelob i ñʌch'tilel i pusic'al winicob x'ixicob mu' bʌ i q'uejlelob ti uts'at ti Dios, che'ob.

Romanos 11:36

Come ch'oyol ti Dios pejtelel chuqui tac an. Ti pejtelel cʌntʌbil i cha'an Dios. I cha'añʌch Dios ti pejtelel. La' sujbic i ñuclel Dios ti pejtelel ora. Amén.

Romanos 16:27

Jini cojach bʌ Dios am bʌ i ña'tʌbal la' tsictiyic i ñuclel ti pejtelel ora ti Jesucristo. Amén.

Gálatas 1:5

La' sujbic i ñuclel ti pejtelel ora. Amén.

Efesios 1:6

La' lac sub i ñuclel Dios cha'an i yutslel i pusic'al tsa' bʌ i yʌq'ueyonla ti lac majtan ti' tojlel c'uxbibil bʌ i Yalobil.

Efesios 2:7

cha'an mi' pʌs ti pejtelel ora bajche' tsi' p'untayonla ti on bʌ i yutslel i pusic'al, che' bʌ tsi' pʌsbeyonla i c'uxbiya ti Cristo Jesús.

Efesios 4:1

Joñon xñujp'elon cha'an lac Yum. Ti wocol t'an mic subeñetla cha'an mi la' wajñel che' bajche' yom Dios, come jini cha'an tsi' pʌyʌyetla.

Filipenses 1:11

cha'an cabʌl mi' yʌc' i wut toj bʌ la' pusic'al ti' tojlel Jesucristo. Che' jini, mi caj i tsictiyel i ñuclel Dios. Mi caj i subentel wocolix i yʌlʌ.

Filipenses 2:11

Ti pejtelelob mi caj i yʌlob Yumʌlʌch Jesucristo cha'an mi' tsictesañob i ñuclel Dios lac Tat.

Filipenses 4:20

La' sujbic i ñuclel Dios lac Tat ti pejtelel ora. Amén.

2 Timoteo 4:18

Lac Yum mi caj i coltañon loq'uel ti pejtelel jontolil. Mi caj i cʌntañon c'ʌlʌl mi cochel ti' yumʌntel panchan. La' tsictiyic i ñuclel lac Yum ti pejtelel ora. Amén.

Hebreos 13:21

La' i yʌq'ueñetla pejtelel chuqui anto yom la' cha'an, cha'an mi la' mel ti pejtelel ora chuqui yom Dios. La' i mel i ye'tel Dios ti jatetla ti'p'ʌtʌlel Cristo che' bajche' mi' mulan. La' tsictiyic i ñuclel Cristo ti pejtelel ora. Amén.

1 Pedro 2:5

Jatetla ja'el lajaletla bajche' cuxul bʌ xajlel. Woli la' wa'chocontel ti' yotot Dios. Yom ch'ujul bʌ motomajetla i cha'an Jesucristo cha'an mi la' wʌq'uen ch'ujul bʌ i majtan Dios mu' bʌ i mulan.

1 Pedro 5:11

La' tsictiyic i ñuclel yic'ot i p'ʌtʌlel ti pejtelel ora. Amén.

2 Pedro 3:18

Yom mi la' taj la' colel ti Cristo che' mi la' cʌmben i yutslel i pusic'al yic'ot i ña'tʌbal lac Yum Jesucristo la caj Coltaya. La' subentic i ñuclel wʌle yic'ot ti pejtelel ora. Amén.

Judas 1:25

Jini cojach bʌ Dios am bʌ i ña'tʌbal, la caj Coltaya, la' tsictiyic i ñuclel yic'ot i yumʌntel yic'ot i p'ʌtʌlel ti' tojlel lac Yum Jesucristo wʌle yic'ot ti pejtelel ora. Amén.