Efesios 3:16 - Chol: I T’an Dios

¹⁶ Mij c'ajtiben Dios, i Yum pejtelel chuqui an, cha'an mi' p'ʌtesʌbeñetla la' pusic'al yic'ot jini Espíritu,

Jiñi Tsiji' bʌ Wen T'añ cha'añ Estudio

¹⁶ mij c'ajtiben Dios, cha'añ mi yʌq'ueñetla jiñi ñumen ñuc bʌ i ñuclel lac Yum, yic'ot cha'añ mi' p'ʌt-esʌbeñetla la' pusic'al yic'ot jiñi Espíritu,

Chol de Tumbalá Bible

¹⁶ Mij c'ajtiben Dios, i Yum pejtelel chuqui an, cha'an mi' p'ʌtesʌbeñetla la' pusic'al yic'ot jini Espíritu,

Jiñi Tsiji' bʌ Wen T'añ cha'añ Estudio

¹⁶ mij c'ajtiben Dios, cha'añ mi yʌq'ueñetla jiñi ñumen ñuc bʌ i ñuclel lac Yum, yic'ot cha'añ mi' p'ʌt-esʌbeñetla la' pusic'al yic'ot jiñi Espíritu,

Chol Tila

¹⁶ Che' bajche' an ñoj cabʌl i ñuclel Dios lac Tyat mij c'ajtiben cha'an mi' wen p'ʌtyʌlisʌbeñetla la' pusic'al ti ñoj ñuc bʌ i p'ʌtyʌlel cha'an ti Ch'ujul bʌ i Ch'ujlel.

Efesios 3:16 Iomraidhean Croise

Job 23:6

Ma'anic mi caj i yʌ'leñon. Anquese cabʌl i p'ʌtʌlel ma'anic mi caj i c'ʌn tij contra. Muc'ʌch i p'ison ti' wenta.

Salmos 138:3

Tsa' jac'beyon coración ti jini jach bʌ q'uin che' bʌ tsac pejcayet. Tsa' ñuq'uesʌbeyon c pusic'al che' bʌ tsa' p'ʌtesayon.

Salmos 28:8

C Yum, c p'ʌtʌlelet lojon. Lajaletʌch bajche' ts'ajquibil bʌ otot ba' mi' taj i coltʌntel jini yajcʌbil bʌ a cha'an.

Isaias 41:10

Mach a cha'len bʌq'uen, come añon quic'otet. Mach yomic ma' lij a bʌ come a Dioson. Mi caj c wen p'ʌtesañet. Mi caj j coltañet. Mi caj j cʌntañet ti p'ʌtʌl bʌ j c'ʌb jini ñoj bʌ.

Jeremias 31:33

Jiñʌch jini tsijib xuc'ul bʌ t'an mu' bʌ c mel yic'ot i p'olbal Israel, che'en lac Yum. Mi caj c ts'ijban c t'an ya' ti' pusic'alob. Che' jini mi caj i mulañob c t'an. Che' jini mero c cha'añʌch mi caj j q'uelob. Che' jini i Dioson.

Zacarias 10:12

Mi caj i tajob i p'ʌtʌlel ti' Yum Dios. Mi caj i cha'leñob xʌmbal tic bijlel. Mi caj c wen cʌntañob, che'en lac Yum.

Mateo 6:13

Mach ma' wʌc'on lojon ba' mic pʌjyel lojon ti mulil. Cʌntañon lojon ame yajlicon lojon ti jontolil. Come a cha'añʌch a yumʌntel yic'ot a p'ʌtʌlel yic'ot a ñuclel ti pejtelel ora. Amén. Che' yom mi la' mel oración.

Romanos 2:29

Mero israelonla che' tojonla ti' wut Dios. Mero tsep pʌchʌlel jini am bʌ ti lac pusic'al, mach ti lac bʌc'talic, i melbalʌch jini Espíritu. Jini mero israel mi' taj i ñuclel ti Dios, mach ti winicobic.

Romanos 7:22

Come tic pusic'al mic wen mulan i mandar Dios.

Romanos 9:23

Wen jal tsi' cuchbeyob i mul cha'an mi' yʌc' ti tsictiyel pejtelel i ñuclel ti' tojlel jini p'untʌbilo' bʌ i cha'an, yajcʌbilo' bʌ cha'an mi' tajob i ñuclel.

1 Corintios 16:13

Yom yʌxʌl la' wo. Yom xuc'ul la' pusic'al mi la' ñop. Yom ch'ejletla. Yom p'ʌtʌletla.

2 Corintios 12:9

Lac Yum tsi' subeyon: Jasʌl i yutslel c pusic'al ti a tojlel, come mi' ts'ʌctiyel c p'ʌtʌlel ti' c'unlel winic, che'en. Jini cha'an ti pejtelel c pusic'al mij q'uel ti ñuc j c'unlel cha'an mi' yajñel i p'ʌtʌlel Cristo tic pusic'al.

2 Corintios 4:16

Jini cha'an ma'anic mic lujb'an lojon. Woli' p'ʌt'an majlel lac pusic'al ti jujump'ejl q'uin, anquese woli ti chʌmel lac bʌc'tal.

Efesios 1:18

La' i yʌq'ueñet la' ch'ʌmben isujm chuqui woli la' pijtan, come jini cha'an tsi' pʌyʌyetla cha'an mi la' cʌn jini uts'at tac bʌ mu' bʌ caj i yʌq'uen i cha'año' bʌ.

Efesios 1:7

Che' bʌ tsa' chʌmi Cristo, tsi' yʌc'ʌyonla ti colel cha'an ti' ch'ich'el. Tsi' ñusʌbeyonla lac mul come wen on i yutslel.

Efesios 2:7

cha'an mi' pʌs ti pejtelel ora bajche' tsi' p'untayonla ti on bʌ i yutslel i pusic'al, che' bʌ tsi' pʌsbeyonla i c'uxbiya ti Cristo Jesús.

Efesios 3:15

tsa' bʌ i yʌq'ueyob i c'aba' jujunchajp winicob x'ixicob ti panchan yic'ot ti pañimil.

Efesios 3:8

Anquese mach ñuconic che' bajche' yaño' bʌ i cha'año' bʌ Dios, tsa' aq'uentiyon que'tel cha'an mic subeñob gentilob jini wen t'an yic'ot i yutslel Cristo, cha'an mi' cʌñob i ñuclel Cristo mach bʌ lu' cʌmbilic lac cha'an.

Efesios 6:10

Che' ja'el, quermanojob, p'ʌtesan la' bʌ ti lac Yum come cabʌl i p'ʌtʌlel mu' bʌ i yʌq'ueñetla.

Filipenses 4:13

Ti Cristo mu' bʌ i p'ʌtesañon mi mejlel c mel pejtelel chuqui yom.

Filipenses 4:19

Lac Yum Dios mi caj i yʌq'ueñetla pejtelel chuqui anto yom la' cha'an che' bajche' c'amel an i cha'an Cristo Jesús ya' ti panchan.

Colosenses 1:11

Mij c'ajtiben lojon jini p'ʌtʌl bʌ Dios am bʌ i ñuclel cha'an mi' p'ʌtesañetla yic'ot pejtelel i p'ʌtʌlel cha'an mi la' cuch pejtelel wocol ti' xuc'tʌlel la' pusic'al yic'ot cha'an mi la' cuchben i mul la' pi'ʌlob.

Colosenses 1:27

Dios yom i yʌc' ti cʌjñel ti' tojlel pejtelel winicob x'ixicob jini c'ax ñuc bʌ i sujmlel mach bʌ tsictiyemic ti yambʌ ora. Jini ñuc bʌ ti cʌñol jiñʌch Cristo woli bʌ i yajñel ti la' pusic'al. Jiñʌch mu' bʌ i yʌq'ueñetla la' pijtan la' ñuclel.

Colosenses 2:2

cha'an mi' cha' ñuq'uesʌntel la' pusic'al, cha'an mi la' c'uxbin la' bʌ ti jump'ejl la' pusic'al. Com mi la' lu' ch'ʌmben isujm pejtelel jini c'ax ñuc tac bʌ i sujmlel maxto bʌ tsictiyemic ti yambʌ ora, cha'an mi la' cʌn i sujmlel Dios lac Tat yic'ot Cristo.

2 Timoteo 4:17

Pero lac Yum tsa' wa'le tic t'ejl. Tsi' yʌq'ueyon c p'ʌtʌlel cha'an ts'ʌcʌl mic sub jini wen t'an, cha'an mi' yubiñob pejtelel gentilob. Tsi' coltayon loq'uel ti' yej colem bajlum yilal.

Hebreos 11:34

tsi' yʌpʌyob ts'ʌplaw bʌ c'ajc, tsi' puts'tayob i yej espada. Che' c'uñob tsa' p'ʌt'esʌntiyob. Tsa' p'ʌtayob ti guerra. Che' motocñayob i contrajob ch'oyolo' bʌ ti yambʌ lum, tsi' yajñesayob.

1 Pedro 3:4

Pero yom i ch'ʌjlil la' pusic'al mach bʌ anic mi' jilel, jiñʌch i yutslel yic'ot i ñʌch'tʌlel la' pusic'al. Jiñʌch c'ax uts'at bʌ ti' wut Dios.