Efesios 2:4 - Chol: I T’an Dios

⁴ Pero cabʌl tsi' p'untayonla Dios, cabʌl tsi' c'uxbiyonla.

Jiñi Tsiji' bʌ Wen T'añ cha'añ Estudio

⁴ Pero Dios wen ca'bʌl tsi' p'untayonla, yic'ot wen ca'bʌl tsi' c'uxbiyonla,

Chol de Tumbalá Bible

⁴ Pero cabʌl tsi' p'untayonla Dios, cabʌl tsi' c'uxbiyonla.

Jiñi Tsiji' bʌ Wen T'añ cha'añ Estudio

⁴ Pero Dios wen ca'bʌl tsi' p'untayonla, yic'ot wen ca'bʌl tsi' c'uxbiyonla,

Chol Tila

⁴ Pero ñoj cabʌl i yutslel i pusic'al Dios cha'añonla. Ti' wen p'untyʌyonla.

Efesios 2:4 Iomraidhean Croise

Nehemias 9:17

Mach yomobic i ch'ujbin a t'an. Ma'anic tsi' yotsayob ti' pusic'al jini bʌbʌq'uen tac bʌ tsa' bʌ a melbeyob. Tsʌts tsi' meleyob i pusic'al c ñojte'el lojon. Ti' bajñel pusic'al tsi' yajcayob i yum cha'an mi' sujtelob ti to'ol e'tel ya' ti Egipto. Uts bʌ Dioset. A wujil i ñusʌntel mulil. Wen a wujil p'untaya. Jal ma' mich'an. Cabʌl a c'uxbiya. Ma'anic tsa' cʌyʌ c ñojte'el lojon

Salmos 145:8

Uts lac Yum, wen yujil p'untaya. Jal mi' mich'an. C'ux mi' yubiñonla.

Salmos 51:1

Dios, p'untañon cha'an cabʌl i yutslel a pusic'al. Tsac ñusʌbeyet a mandar. Yʌpbeñon c mul, come wen a wujil p'untaya.

Salmos 86:15

C Yum, ma' p'untan winicob x'ixicob. Ma' pʌsbeñob i yutslel a pusic'al. Ma' cuchbeñob i sajtemal. Cabʌlʌch a wutslel, wen xuc'ulet.

Salmos 86:5

Isujm uts'atet, c Yum, ma' ñusʌbeñon lojon c mul. Ma' pʌsbeñob i yutslel a pusic'al pejtel mu' bʌ i pejcañetob.

Exodo 33:19

Lac Yum tsi' jac'ʌ: Pejtelel cutslel mi caj i tsictiyel ti a wut. Mi caj c tsictesan j C'aba' ti a tojlel, Joñoñʌch a Yumon. Mi caj c p'untan majqui com c p'untan. Uts mi caj j q'uel jini com bʌ j q'uel ti uts'at.

Isaias 63:7

Mi caj c cha' sub jini ñuc tac bʌ a we'tel c Yum, cha'an tsa' p'untayon lojon. Ñuquix c pusic'al cha'an tsa' wen pʌsbeyob israelob i yutslel a pusic'al. Uts tsa' pʌsʌ a bʌ tic tojlel lojon. Tsa' wen coltayon lojon c'ʌlʌl ti oñiyi.

Jeremias 31:3

Wʌ' ti Sion lac Yum tsa' tsictiyi tic tojlel. Tsi' yʌlʌ: C'uxbibilet c cha'an c'ʌlʌl che' maxto anic pañimil. Mach yujilic jilel j c'uxbiya. Jini cha'an tsac pʌsbeyet i yutslel c pusic'al.

Daniel 9:9

Pero jatet, c Yum lojon Dios, awujil p'untaya. Ma' ñusʌbeñob i mul a contrajob.

Jonas 4:2

Tsi' pejca lac Yum ti oración. Tsi' sube: ¡Aj! c Yum, mic pejcañet. ¿Mach ba jiniqui tsa' bʌ c wʌn ña'ta che' bʌ ya'to añon tic lumal? Tsa cʌlʌ tic pusic'al ma'anic mi caj a jisañob come cujil Dioset, cujil cabʌl i yutslel a pusic'al. Ma' p'untan winicob x'ixicob. Jal ma' cuchbeñob i mul. Wen cabʌl a c'uxbiya. Mi' cha' uts'an a pusic'al che' wola' ña'tan a choc tilel wocol. Jini cha'an tsac ñopo puts'el majlel ti Tarsis.

Lucas 1:78

Come cabʌl tsi' p'untayonla lac Dios. Mi caj i chocbeñonla tilel i sʌclel pañimil ch'oyol bʌ ti chan.

Romanos 10:12

Come junlajalobʌch judíojob yic'ot griegojob come juntiquil jach lac Yum. Jiñʌch i Yum pejtelel winicob. Mi yʌq'ueñob i yutslel i pusic'al pejtelel mu' bʌ i pejcañob.

Romanos 2:4

¿Mu' ba a lon ñusʌben on bʌ i yutslel i pusic'al Dios? ¿Mu' ba a lon ñusan che' jal woli' cuchbeñet a mul ti' yutslel i pusic'al? ¿Mach ba a wujilic, Dios mi' pʌsbeñet i yutslel i pusic'al cha'an ma' cʌy a mul?

Romanos 5:8

Pero tsa' chʌmi Cristo cha'añonla che' xmulilon tola. Che' jini, Dios tsi' pʌsbeyonla c'ux mi' yubiñonla.

Romanos 9:23

Wen jal tsi' cuchbeyob i mul cha'an mi' yʌc' ti tsictiyel pejtelel i ñuclel ti' tojlel jini p'untʌbilo' bʌ i cha'an, yajcʌbilo' bʌ cha'an mi' tajob i ñuclel.

Efesios 1:7

Che' bʌ tsa' chʌmi Cristo, tsi' yʌc'ʌyonla ti colel cha'an ti' ch'ich'el. Tsi' ñusʌbeyonla lac mul come wen on i yutslel.

Efesios 2:7

cha'an mi' pʌs ti pejtelel ora bajche' tsi' p'untayonla ti on bʌ i yutslel i pusic'al, che' bʌ tsi' pʌsbeyonla i c'uxbiya ti Cristo Jesús.

Efesios 3:8

Anquese mach ñuconic che' bajche' yaño' bʌ i cha'año' bʌ Dios, tsa' aq'uentiyon que'tel cha'an mic subeñob gentilob jini wen t'an yic'ot i yutslel Cristo, cha'an mi' cʌñob i ñuclel Cristo mach bʌ lu' cʌmbilic lac cha'an.

2 Tesalonicenses 2:13

Hermanojob, c'uxbibilet bʌ la i cha'an lac Yum, yom mic chʌn suben lojon Dios wocolix i yʌlʌ cha'añetla. Come ti' cajibal pañimil Dios tsi' yajcayetla cha'an mi la' coltʌntel. Ti' p'ʌtʌlel jini Espíritu woli' yotsañetla ti ch'ujul, come woli la' ñopben i sujmlel Dios.

1 Timoteo 1:14

C'ax cabʌl tsa' ajni i yutslel i pusic'al lac Yum tic tojlel come che' bʌ tsi' yʌq'ueyon c ñop, tsi' yʌq'ueyon j c'uxbiya ti Cristo Jesús.

2 Timoteo 1:9

Dios tsi' coltayonla. Tsi' pʌyʌyonla cha'an ch'ujul mi la cajñel ti' tojlel. Mach cha'anic wen bʌ lac melbal, pero cha'an che' yom i pusic'al tsi' pʌyʌyonla ti' yonlel i yutslel tsa' bʌ i yʌq'ueyonla ti oñiyi yic'ot Cristo Jesús.

1 Pedro 1:3

La' sujbic i ñuclel Dios i Tat lac Yum Jesucristo, come cabʌl tsi' p'untayonla che' bʌ tsi' yʌq'ueyonla lac cha' ilan pañimil. Jini cha'an an cuxul bʌ lac pijtaya, cha'an tsa' cha' tejchi ch'ojyel Jesucristo ba'an chʌmeño' bʌ.