Efesios 2:21 - Chol: I T’an Dios

²¹ Wen xojñibil pejtel jini otot ti Cristo Jesús. Woli ti chañ'an majlel jinto mi' yujtel ti melol jini ch'ujul bʌ Templo i cha'an lac Yum.

Jiñi Tsiji' bʌ Wen T'añ cha'añ Estudio

²¹ wen xojñibil jiñi otot ti Cristo Jesús, woli ti chañ-an majlel jinto mi' yujtel ti melol jiñi ch'ujul bʌ Templo i cha'añ lac Yum;

Chol de Tumbalá Bible

²¹ Wen xojñibil pejtel jini otot ti Cristo Jesús. Woli ti chañ'an majlel jinto mi' yujtel ti melol jini ch'ujul bʌ Templo* i cha'an lac Yum.

Jiñi Tsiji' bʌ Wen T'añ cha'añ Estudio

²¹ wen xojñibil jiñi otot ti Cristo Jesús, woli ti chañ-an majlel jinto mi' yujtel ti melol jiñi ch'ujul bʌ Templo i cha'añ lac Yum;

Chol Tila

²¹ Ti pam Cristo jiñʌch jini ts'ajquil i yebal otyot mi bej wa'chocontyel otyot yubil. Wen otsʌbiletla che' bajche' tyun am bʌ ti pam i ts'ajquil c'ʌlʌ jintyo mi yujtyel i mele' jump'ej jach bʌ otyot. Ch'ujulʌch como i cha'añʌch Dios.

Efesios 2:21 Iomraidhean Croise

1 Reyob 6:7

Ya' baqui tsi' c'oloyob loq'uel jini xajlel tsi' toj'esayob. Jini cha'an che' bʌ tsi' wa'chocoyob, ma'anic tsi' c'ʌñʌyob martillo mi jacha mi yambʌ tsucul taq'uin.

Salmos 93:5

Wen xuc'ul a t'an, mach jilix ti pejtelel ora. C Yum, ch'ujul a wotot ti pejtelel ora.

Ezequiel 42:12

An i puertajlel jini patio ti jumpat ti tojel ba' mi' pasel q'uin.

1 Corintios 3:9

Come joñon lojon x'e'telon lojon yic'ot Dios. Jatetla i choletla Dios, i yototetla Dios.

2 Corintios 6:16

I templo Dios ¿jim ba i pi'ʌl jini dios tac? Joñonla i templojonla jini cuxul bʌ Dios che' bajche' tsi' yʌlʌ Dios: “Mi caj c chumtʌl ti' tojlelob. Ya' mij caj ti ajñel. Mi caj cochel ti' Dios. Mi caj cotsañob tic cha'an”. Che' tsi' yʌlʌ Dios.

Colosenses 2:19

Pero ma'anic mi' yumañob Cristo. Mach chuculobic ti' bʌc'tal Cristo ba' mi' tajob i p'ʌtʌlel i cha'año' bʌ Cristo. Pejtelel i bʌc'tal Cristo tsuyulʌch ti' p'aquel tac yic'ot ti' chijil tac. Mi' taj i colel ti' p'ʌtʌlel Dios.

1 Timoteo 3:15

Mi tsa' jaleyon, mi mejlel a ña'tan bajche' yom ma' mel ti' yotot Dios ti' tojlel jini xñopt'añob mu' bʌ i tempañob i bʌ, i cha'año' bʌ jini cuxul bʌ Dios. Jini xñopt'añob jiñʌch i cucujlel yic'ot i yoyel i yotot Dios ba' mi' tsictesʌntel i sujmlel.