Efesios 2:13 - Chol: I T’an Dios

¹³ Pero wʌle añetla ti Cristo Jesús, jatetla ñajt bʌ añetla ti yambʌ ora. Tsa' pʌjyiyetla ti lʌc'ʌl cha'an ti' ch'ich'el Cristo.

Jiñi Tsiji' bʌ Wen T'añ cha'añ Estudio

¹³ Pero wʌle añetla ti Cristo Jesús, jatetla ñajt bʌ añetla ti yam bʌ ora, tsa'ix pʌjyiyetla ti lʌc'ʌl cha'añ ti' ch'ich'el Cristo.

Chol de Tumbalá Bible

¹³ Pero wʌle añetla ti Cristo Jesús, jatetla ñajt bʌ añetla ti yambʌ ora. Tsa' pʌjyiyetla ti lʌc'ʌl cha'an ti' ch'ich'el Cristo.

Jiñi Tsiji' bʌ Wen T'añ cha'añ Estudio

¹³ Pero wʌle añetla ti Cristo Jesús, jatetla ñajt bʌ añetla ti yam bʌ ora, tsa'ix pʌjyiyetla ti lʌc'ʌl cha'añ ti' ch'ich'el Cristo.

Chol Tila

¹³ Ti wajali ñajt añetla yubil cha'an ma'an ti la' ch'ujbi Cristo. Pero wale añetla ti Cristo Jesús. Tsa'ix pʌjyiyetla ti lʌc'ʌl yubil cha'an ti' beque i ch'ich'el Cristo cha'añetla.

Efesios 2:13 Iomraidhean Croise

Salmos 22:7

Pejtel mu' bʌ i q'uelon mi' tse'tañon. Mi' wajleñon, mi' jʌmts'un i jol.

Salmos 73:27

Q'uele bajche' mi' jilelob jini mu' bʌ i tʌts'ob i bʌ ba' añet. Mi caj a jisan pejtel mu' bʌ i cʌyet.

Isaias 11:10

Ti jim bʌ q'uin mi caj i wa'tʌl i p'olbal David mu' bʌ caj i cha'len coltaya ti pejtelel pañimil. Cabʌl winicob x'ixicob mi caj i jac'ob. Wen uts'atax mi caj i q'uelob i lumal jini Ñuc Bʌ.

Isaias 43:6

Mi caj c pʌy loq'uel calobilob ti norte yic'ot ti sur. Ma'anic mi caj i mʌctʌntelob. Anquese ñajt añob mi caj c pʌyob tilel.

Isaias 49:12

Q'uelela. Ñajt mi caj i tilelob c cha'año' bʌ, loq'uemo' bʌ ti norte, yic'ot ti' bʌjlibal q'uin, yic'ot ti sur.

Isaias 57:19

La' ñʌch'lec i pusic'al jini ñajt bʌ añob yic'ot jini lʌc'ʌl bʌ añob. Joñon mi caj c lajmesañob.

Isaias 60:4

Letsan la' wut cha'an mi la' q'uel pañimil, come talob ba' añetla mu' bʌ caj i yochelob ti la' walobil. Talob ti ñajtʌl ba' ma'anic mi' cʌñob Dios.

Isaias 60:9

Ñaxan mi' c'otelob colem barco tac loq'uemo' bʌ ti Tarsis. Woli' pʌyob tilel la' walobilob loq'uemo' bʌ ti ñajt tac bʌ tejclum. Woli' cuchob tilel i chubʌ'añob yic'otob. Come jini Ch'ujul Bʌ ti Israel tsa'ix i yʌq'ueyetla la' ñuclel ti' wutob jini año' bʌ ti pañimil.

Isaias 66:19

Mi caj cʌc' ti q'uelol i yejtal c p'ʌtʌlel. Mi caj c choc majlel ti yambʌ tejclum tac jini coltʌbilo' bʌ c cha'an mu' bʌ i loq'uelob ti uts'at che' mic cha'len meloñel. Mux caj i majlelob ti Tarsis, ti Put, ti Lud, ti Mesec, ti Ros, ti Tubal, yic'ot ti Grecia, yic'ot ya' ba'an jini chumulob ti' ti'il ñajb ba' mach wis ubibilic i cha'añob c t'an, ba' mach wis q'uelbilic i cha'añob c ñuclel. Mi caj i tsictesʌbeñob majlel c ñuclel ti pejtelel tejclum tac.

Jeremias 16:19

C Yum, ma'anic c bajñel p'ʌtʌlel. An jach c p'ʌtʌlel ti jatet. I wentajet ts'ajquibil bʌ otot tic joytʌlel. C puts'ibet ti' yorajlel wocol. Mi caj i tilelob ba' añet winicob ti jujunwejl pañimil. Mi caj i yʌlob: Tsi' ñopoyob lot c tat lojon. Tsi' lon tsajcayob jini mach bʌ isujmic, mach bʌ anic i c'ʌjñibal. Che' mi caj i yʌlob.

Juan 10:16

Anto yambʌ c tiñʌme' mach bʌ ochemic ti jini corral. Wersa mic pʌy tilel ja'el. Mi caj i yubin c t'an. Junmojt jach mi caj i lu' ajñelob yic'ot juntiquil Xcʌnta tiñʌme'.

Hechos 15:14

Simón tsa' ujti i subeñetla bajche' Dios tsa' caji i pʌsbeñob gentilob i yutslel i pusic'al che' bʌ tsi' yajca winicob x'ixicob cha'an mi' tsictesan i ñuclel i c'aba'.

Hechos 2:39

Albilix, mi caj la' wʌq'uentel jini Espíritu jatetla yic'ot la' walobilob yic'ot año' bʌ ti ñajtʌl, che' bajche' jaytiquil mi' pʌjyelob tilel cha'an lac Yum Dios, che'en.

Hechos 22:21

Jesús tsi' subeyon: “Cucu come joñon mi caj c choquet majlel ti ñajtʌl ba'an gentilob”. Che' tsi' subeyon Jesús, che'en Pablo.

Hechos 26:18

cha'an ma' cambeñob i wut, cha'an mi' sutq'uiñob i bʌ ti ic'yoch'an bʌ pañimil, cha'an mi' yajñelob ti' sʌclel pañimil. Mic choquet majlel cha'an mi' loq'uelob ti' p'ʌtʌlel Satanás, cha'an mi' yochelob ti' p'ʌtʌlel Dios, cha'an mi' ñusʌbentelob i mul che' mi' ñopoñob, cha'an i ten cha'añob jach jini mu' bʌ caj i yʌq'uentelob yic'ot jini sʌq'uesʌbilo' bʌ”. Che' tsi' subeyon Jesús.

Romanos 8:1

Jini cha'an ma'anix mi' yʌjq'uelob ti tojmulil jini año' bʌ ti Cristo Jesús.

1 Corintios 1:30

Come Dios tsi' yʌq'ueyetla la' wajñel ti Cristo Jesús. Dios tsi' yʌq'ueyonla Cristo. Jiñʌch lac ña'tʌbal tilem bʌ ti Dios. Jiñʌch tsa' bʌ i yʌc'ʌyonla ti' wenta Dios, tsa' bʌ i q'ueleyonla ti toj. Jiñʌch tsa' bʌ i yʌc'onla ti libre.

1 Corintios 12:13

Come juntiquil jach jini Espíritu. Che' bajche' ti ch'ʌmja' tsi' tem otsayonla ti jump'ejl jach i bʌc'tal Cristo, mi judío, mi griego, mi jini am bʌ ti' yum, mi jini mach bʌ anic ti' yum. Tsa' aq'uentiyonla lac ch'ʌm jini jach bʌ Espíritu.

1 Corintios 6:11

Lamitaletla che'ʌch tsa' la' mele, pero wʌle pocbiletixla ti' c'aba' lac Yum Jesucristo cha'an ti' yEspíritu lac Dios. Tsa'ix ajq'uiyetla ti' wenta Dios. Wolix la' q'uejlel ti toj.

2 Corintios 5:17

Jini cha'an majqui jach an ti Cristo tsijib melbilix. Tsa'ix jili jini tsucul tac bʌ. Awilan tsijib melbil ti pejtelel.

Gálatas 3:28

Mi judíojet, mi griegojet, mi añet ti a yum, mi to'ol che' jach añet, mi winiquet, mi x'ixiquet, ma'anic chuqui mi' cha'len, come juntiquilet jach la ti Cristo Jesús.

Efesios 1:1

Pablojon, apóstolon i cha'an Jesucristo cha'an che' yom Dios. Mi cʌq'ueñetla cortesía i cha'añet bʌ la Dios ya' ti Efeso mu' bʌ la' ñop Cristo Jesús.

Efesios 1:7

Che' bʌ tsa' chʌmi Cristo, tsi' yʌc'ʌyonla ti colel cha'an ti' ch'ich'el. Tsi' ñusʌbeyonla lac mul come wen on i yutslel.

Efesios 2:10

Come i melbalonla Dios. Tsi' cha' meleyonla ti Cristo Jesús cha'an mi lac mel chuqui wen. Dios tsi' wʌn chajpʌbeyonla la que'tel yom bʌ mi lac mel.

Efesios 2:12

Ti yambʌ ora ma'anic Cristo la' wic'ot, mach la' pi'ʌlobic jini israelob, mach la' cha'anic jini xuc'ul bʌ t'an albil bʌ i cha'an Dios, ma'anic la' pijtaya. Ma'anic la' Dios wʌ' ti pañimil.

Efesios 2:2

Ti yambʌ ora tsa' ajniyetla ti jontolil che' bajche' i tilel i cha'año' bʌ pañimil. Tsa' la' jac'be Satanás i yum pañimil mu' bʌ i yumañob xibajob, jini espíritu woli bʌ ti e'tel ti' pusic'al xñusa mandarob.

Efesios 2:6

Tsi' techeyonla ch'ojyel temel la quic'ot Cristo. Tsi' buchchocoyonla ti panchan la quic'ot Cristo Jesús

Hebreos 9:18

Jini ñaxan bʌ trato ja'el ma'anic i p'ʌtʌlel jinto tsa' bejq'ui ch'ich'.

1 Pedro 3:18

Come Cristo ja'el ti junyajlel tsi' yubi wocol cha'an mulil. Jini Toj bʌ tsi' yʌc'ʌ i bʌ ti chʌmel cha'an jini mach bʌ tojobic, cha'an mi' pʌyonla ti' tojlel Dios. Isujmʌch tsa' tsʌnsʌnti ti' bʌc'tal, pero tsa' cha' cuxtiyi ti jini espíritu.

Apocalipsis 5:9

Tsi' c'ʌyiyob tsiji' bʌ c'ay: Wen uts'atet. Uts'at ma' ch'ʌm jini jun cha'an ma' tsilben i sellojlel tac, come tsa' tsʌnsʌntiyet, tsa' mʌñʌyon lojon ti a ch'ich'el cha'an mic ñop lojon Dios. Loq'uemon lojon ti jujunchajp winicob, yic'ot ti pejtelel t'an tac, yic'ot ti pejtelel tejclum tac.