Efesios 2:12 - Chol: I T’an Dios

¹² Ti yambʌ ora ma'anic Cristo la' wic'ot, mach la' pi'ʌlobic jini israelob, mach la' cha'anic jini xuc'ul bʌ t'an albil bʌ i cha'an Dios, ma'anic la' pijtaya. Ma'anic la' Dios wʌ' ti pañimil.

Jiñi Tsiji' bʌ Wen T'añ cha'añ Estudio

¹² Ti yam bʌ ora ma'añic Cristo la' wic'ot, mach la' pi'ʌlobic jiñi israelob, mach la' cha'añic jiñi xuc'ul bʌ t'añ albil bʌ i cha'añ Dios, ma'añic la' pijtaya, ma'añic la' Dios wʌ' ti pañimil.

Chol de Tumbalá Bible

¹² Ti yambʌ ora ma'anic Cristo la' wic'ot, mach la' pi'ʌlobic jini israelob, mach la' cha'anic jini xuc'ul* bʌ t'an albil bʌ i cha'an Dios, ma'anic la' pijtaya. Ma'anic la' Dios wʌ' ti pañimil.

Jiñi Tsiji' bʌ Wen T'añ cha'añ Estudio

¹² Ti yam bʌ ora ma'añic Cristo la' wic'ot, mach la' pi'ʌlobic jiñi israelob, mach la' cha'añic jiñi xuc'ul bʌ t'añ albil bʌ i cha'añ Dios, ma'añic la' pijtaya, ma'añic la' Dios wʌ' ti pañimil.

Chol Tila

¹² C'ajal la' cha'an, ti jim bʌ ora max tyo ochemetla ti Cristo. Mach ch'ujbi la' motin ajñel yic'ot jini israelo' bʌ. Ma'an ti la' cʌñʌ jini trato bʌ t'an tsa' bʌ i wʌ alʌ Dios yic'ot jini tsa' bʌ i wʌ alʌ Dios mi quej la cʌq'uentyel. Añetla ti ili mulawil pero ma'an chʌ bʌ ti la' pijtyʌ. Mach'an ti la' cʌñʌ Dios.

Efesios 2:12 Iomraidhean Croise

Genesis 15:18

Ti jimbʌ q'uin lac Yum tsi' mele xuc'ul bʌ t'an ti' tojlel Abram. Tsi' yʌlʌ: Mi cʌq'ueñob ili lum a p'olbal c'ʌlʌl ti colem ja' am bʌ ti Egipto c'ʌlʌl ti colem ja' i c'aba' Eufrates.

2 Cronicas 15:3

Cabʌlix ora woli' tʌts'ob i bʌ israelob. Ma'anic mi' ch'ujutesañob jini Cuxul bʌ Dios. Ma'anic i motomajob mu' bʌ i cʌntesañob. Mach i cʌñʌyobic i mandar.

Esdras 4:3

Pero ma'anic tsi' jac'ʌyob Zorobabel yic'ot Jesúa yic'ot jini xñoxob ti Israel. Tsi' yʌlʌyob: Mach mejlic c pʌyet lojon cha'an mi laj comol cha'len e'tel. Jasʌlon lojon. Mu' to c bajñel mel lojon i Templo c Yum lojon, i Dios Israel, che' bajche' tsi' subeyon lojon Ciro yumʌl bʌ ti Persia. Che' tsi' yʌlʌyob.

Exodo 12:45

Mach yomic mi' c'uxob jini ch'oyolo' bʌ ti ñajtʌl mi jini xganarob jach bʌ mach bʌ la' pi'ʌlobic.

Isaias 14:1

Lac Yum mi caj i p'untan jini israelob. Mi caj i cha' yajcan i cha'año' bʌ. Mi caj i cha' pʌyob ochel ti' lumal. Cabʌl mach bʌ i pi'ʌlobic mi caj i tilelob cha'an temel mi' yajñelob yic'ot israelob.

Isaias 44:6

Che'ʌch woli' yʌl lac Yum, jini i Rey israelob, jini Xcoltaya i cha'añob, i Yum Panchan yic'ot Pañimil: Joñon jini ñaxan bʌ, joñon jini wi'il bʌ. Ma'anic yambʌ Dios.

Isaias 45:20

Much'quin la' bʌ ba' añon. Tempan la' bʌ pejteletla mach bʌ anic tsa' jisʌntiyetla cha'an Ciro, cha'an mi la' wubin jini mu' bʌ caj c subeñetla. Ma'anic i ña'tʌbal winicob mu' bʌ i q'uechob ñumel i diosob. Mi' lon c'ajtibeñob i coltʌntel ti' tojlel dioste' tac mach bʌ yujilic coltaya.

Isaias 61:5

Jini ñajt bʌ tilemob mi caj i cʌntañob la' tiñʌme'. Mi caj i q'uelob la' chol yic'ot la' ts'usubil. Jini mach bʌ anic tsi' cʌñʌyob Dios ti ñaxan wolix i melbeñetla la' we'tel.

Jeremias 14:8

Jatet i pijtayajet Israel, la caj coltayajet ti' yorajlel wocol. ¿Chucoch ma' mel a bʌ che' bajche' winic mach bʌ laj cʌñʌyic, che' bajche' winic woli bʌ ti ñajtʌ xʌmbal mu' bʌ i jijlel ti' yotot xjula'ob?

Jeremias 17:13

Jatet i yaj pijtayajet Israel. Pejtel mu' bʌ i cʌyetob mi' cajelob ti quisin. Chucul i c'aba' ti pañimil, mach ya'ic chucul ti chan, cha'an tsi' cʌyʌyet. Jatet jach i loq'uibet jini Cuxul bʌ Ja'.

Ezequiel 13:9

Mi caj j contrajin jini payxo x'alt'añob mu' bʌ i lon q'uelob chuqui ma'anic tsac pʌsbeyob. Mi' yʌlob jini mach bʌ isujmic. Ma'anix mi caj i yajñelob yic'ot c cha'año' bʌ ti Israel mu' bʌ i tempañob i bʌ. Ma'anix mi caj i ch'ʌjmelob ti tsic. Ma'anix mi' mejlelob ti ochel ti' lumal Israel. Che' jini mi caj la' ña'tan la' Yumon la' Dioson.

Ezequiel 37:26

Mi caj c cha'len trato yic'otob cha'an ñʌch'ʌl mi' yajñelob. Ma'anic i yujtibal ili trato. Mi caj j coltañob, mi caj c p'ojlesañob. Mi caj c wa'chocon c Templo ti' tojlelob ba' mi caj cajñel ti pejtelel ora.

Ezequiel 47:22

Yom mi la' t'oxbeñob jini lum la' pi'ʌlob yic'ot jini yaño' bʌ ch'oyolo' bʌ ti yan tac bʌ lum tsa' bʌ tiliyob ti chumtʌl la' wic'ot. Ti pejtelel mu' bʌ i q'uelob pañimil ti' lumal Israel, mi la' walobilob, o mi i yalobilob jini parte bʌ ch'oyolob, i cha'añobʌch jini lum. Lajal yom mi' ch'ʌmob che' bajche' la' walobilob.

Oseas 3:4

Jiñʌch i sujmlel iliyi: Cabʌl ora ma'anic i rey jini israelob. Ma'anic i yumob. Che' jach añob. Ma'anic mi caj i pulbeñon cotol bʌ c majtan. Ma'anic motomaj. Ma'anic majqui mi' cʌntesañob tic bijlel. Ma'anic i dioste' ja'el.

Numeros 18:19

Pejtelel jini ch'ujul tac bʌ majtañʌl mu' bʌ i yʌq'ueñoñob jini israelob tsa'ix cʌq'ueyetla ti la' wenta, yic'ot ti' tojlel jini ch'iton bʌ yic'ot xch'oc bʌ la' walobilob. Che'ʌch yom melol ti pejtelel ora. Yom chʌn c'ajal la' cha'an, come jiñʌch c trato woli bʌ cʌq'ueñet yic'ot a walobilob c'ʌlʌl ti pejtelel ora, che'en lac Yum Dios.

Lucas 1:72

Che' jini mi caj i p'untañonla che' bajche' tsi' subeyob lac ñojte'el. Mi caj i ña'tan jini ch'ujul bʌ xuc'ul bʌ t'an

Juan 10:16

Anto yambʌ c tiñʌme' mach bʌ ochemic ti jini corral. Wersa mic pʌy tilel ja'el. Mi caj i yubin c t'an. Junmojt jach mi caj i lu' ajñelob yic'ot juntiquil Xcʌnta tiñʌme'.

Juan 15:5

Joñon jini Ac'on, jatetla j c'ʌbetla. Jini mu' bʌ i yajñel ti joñon che' woli cajñel ti jini winic, jiñʌch mu' bʌ i yʌc' cabʌl i wut. Ma'anic chuqui mi mejlel la' mel mi ma'anic mi la' wajñel ti joñon.

Juan 4:22

Jatetla mach la' wujilic chuqui mi la' ch'ujutesan. Joñon lojon cujil chuqui mic ch'ujutesan lojon, come ch'oyol i coltʌntel winicob x'ixicob ti judíojob.

Hechos 2:39

Albilix, mi caj la' wʌq'uentel jini Espíritu jatetla yic'ot la' walobilob yic'ot año' bʌ ti ñajtʌl, che' bajche' jaytiquil mi' pʌjyelob tilel cha'an lac Yum Dios, che'en.

Hechos 28:20

Jini cha'an tsac pʌyʌyetla tilel cha'an mij q'ueletla, cha'an mic pejcanetla, come cʌchʌlon ti cadena cha'an wolic ñop jini mu' bʌ i ñopob winicob x'ixicob ti Israel, che'en Pablo.

Hechos 3:25

Jatetla i yalobiletla x'alt'añob. I cha'añetla jini trato bʌ t'an subebilo' bʌ lac ñojte'el cha'an Dios che' bʌ tsi' sube Abraham: “Ti pejtelel año' bʌ ti pañimil mi caj i tajob i wenlel cha'an a p'olbal”, che'en.

Romanos 9:8

Tsiquil che' jini: Mach i yalobilobic Dios pejtelel i p'olbal Abraham. Jini jach i yalobilob Abraham tsa' bʌ tiliyob cha'an ti' t'an Dios jiñobʌch mero i yalobilob.

Gálatas 4:8

Ti yambʌ ora, che' maxto anic tsa' la' ñopo Dios, tsa' la' cha'le to'ol e'tel ti' wenta jini mach bʌ mero diosic.

Efesios 2:19

Jini cha'an mach chʌn yambʌyix mij q'ueletla. Añix la' wajñib quic'ot lojon. Ochemetixla yic'ot i cha'año' bʌ Dios. Lac pi'ʌlix lac bʌ ti Dios.

Efesios 4:18

Añob ti ac'ʌlel yilal. Ma'anic mi' ch'ʌmbeñob isujm, come ma'añobic i cuxtʌlel ch'oyol bʌ ti Dios. Mach i cʌñʌyobic come tsʌtsatax i pusic'al.

Colosenses 1:21

Ti yambʌ ora ñajt añetla ti Dios. Tsa' la' contraji Dios ti la' pusic'al yic'ot ti jontol bʌ la' melbal. Pero Dios tsi' yʌc'ʌ ti chʌmel i Yalobil. Che' jini tsi' cha' uts'esayetla cha'an ch'ujul mi' pʌyetla ochel ti' tojlel. Sʌq'uesʌbiletla ti pejtelel la' bibi'lel yic'ot la' mul

Colosenses 1:27

Dios yom i yʌc' ti cʌjñel ti' tojlel pejtelel winicob x'ixicob jini c'ax ñuc bʌ i sujmlel mach bʌ tsictiyemic ti yambʌ ora. Jini ñuc bʌ ti cʌñol jiñʌch Cristo woli bʌ i yajñel ti la' pusic'al. Jiñʌch mu' bʌ i yʌq'ueñetla la' pijtan la' ñuclel.

Colosenses 1:5

Come woli la' pijtan chuqui tac lotbebilet bʌ la ya' ti panchan che' bajche' tsa' la' wubi ti isujm ti jini wen t'an

1 Tesalonicenses 4:13

Hermanojob, com lojon mi la' ña'tan i sujmlel jini chʌmeño' bʌ cha'an mach mi la' mel la' pusic'al che' bajche' yaño' bʌ mach bʌ añobic i pijtaya.

1 Tesalonicenses 4:5

Mach yomic i colosojlel la' pusic'al che' bajche' jini sajtemo' bʌ mach bʌ anic mi' ñopob Dios.

2 Tesalonicenses 2:16

Jini lac Yum Jesucristo, yic'ot Dios lac Tat tsa' bʌ i c'uxbiyonla, jini tsa' bʌ i yʌq'ueyonla i ñuclel lac pusic'al mach bʌ anic mi' jilel yic'ot wen bʌ lac pijtaya ti' yutslel i pusic'al,

1 Timoteo 1:1

Pablojon, apóstolon i cha'an Jesucristo cha'an ti' mandar Dios la caj Coltaya yic'ot lac Yum Jesucristo, lac pijtaya.

Hebreos 11:34

tsi' yʌpʌyob ts'ʌplaw bʌ c'ajc, tsi' puts'tayob i yej espada. Che' c'uñob tsa' p'ʌt'esʌntiyob. Tsa' p'ʌtayob ti guerra. Che' motocñayob i contrajob ch'oyolo' bʌ ti yambʌ lum, tsi' yajñesayob.

Hebreos 6:18

Dios mach mejlic i cha'len lot. An cha'chajp mach bʌ yujilic q'uextʌyel. Jiñʌch i xuc'tʌlel i pusic'al yic'ot albil bʌ i t'an. Jini cha'an joñonla tsa' bʌ lac taja laj coltʌntel ti Dios, mi lac taj i ñuq'uesʌntel lac pusic'al cha'an mi lac chʌn pijtan chuqui subebilonla.

Hebreos 8:6

Pero Jesús tsa'ix i taja ñumen ñuc bʌ i ye'tel come tsi' yʌq'ueyonla ñumen wen bʌ trato ti' tojlel Dios cha'an mi lac pijtan chuqui tac uts'at, albil bʌ i cha'an Dios.

1 Pedro 1:21

Cha'an ti' caj Jesús mi la' ñop Dios tsa' bʌ i teche ch'ojyel Jesús ba'an chʌmeño' bʌ. Tsi' yʌq'ue i ñuclel. Jini cha'an cʌyʌletla ti Dios. An la' pijtaya ti Dios.

1 Pedro 1:3

La' sujbic i ñuclel Dios i Tat lac Yum Jesucristo, come cabʌl tsi' p'untayonla che' bʌ tsi' yʌq'ueyonla lac cha' ilan pañimil. Jini cha'an an cuxul bʌ lac pijtaya, cha'an tsa' cha' tejchi ch'ojyel Jesucristo ba'an chʌmeño' bʌ.

1 Pedro 3:15

Pero chʌn yumanla Cristo ti la' pusic'al. Yom chajpʌbil la' pusic'al ti pejtelel ora cha'an mi la' suben la' pi'ʌlob baqui tilem la' pijtaya che' mi' c'ajtibeñetla. Subenla ti uts bʌ t'an yic'ot c'uxbiya.

1 Juan 3:3

Jini mu' bʌ i pijtan chuqui mi' caj ti ujtel che' mi' tilel Cristo, mi' sʌq'uesan i pusic'al cha'an sʌc mi' yajñel che' bajche' Jesús.