Efesios 2:11 - Chol: I T’an Dios

¹¹ Ña'tanla bajche' añetla ti yambʌ ora gentilet bʌ la. Jini tsepbilo' bʌ i pʌchʌlel tsi' bajñel subuyob i bʌ ti ñuc cha'an tsepbil i pʌchʌlel ti c'ʌb winicob. Tsi' ts'a'leyetla cha'an mach tsepbilic la' pʌchʌlel.

Jiñi Tsiji' bʌ Wen T'añ cha'añ Estudio

¹¹ Ña'tanla bajche' añetla ti yam bʌ ora gentilet bʌ la, ts'a'lebiletla cha'añ mach tsepbilic la' pʌchʌlel, jiñi tsepbilo' bʌ i pʌchʌlel tsi' bajñel su'buyob i bʌ ti ñuc cha'añ tsepbil i pʌchʌlel ti' c'ʌb wiñicob.

Chol de Tumbalá Bible

¹¹ Ña'tanla bajche' añetla ti yambʌ ora gentilet* bʌ la. Jini tsepbilo'* bʌ i pʌchʌlel tsi' bajñel subuyob i bʌ ti ñuc cha'an tsepbil i pʌchʌlel ti c'ʌb winicob. Tsi' ts'a'leyetla cha'an mach tsepbilic la' pʌchʌlel.

Jiñi Tsiji' bʌ Wen T'añ cha'añ Estudio

¹¹ Ña'tanla bajche' añetla ti yam bʌ ora gentilet bʌ la, ts'a'lebiletla cha'añ mach tsepbilic la' pʌchʌlel, jiñi tsepbilo' bʌ i pʌchʌlel tsi' bajñel su'buyob i bʌ ti ñuc cha'añ tsepbil i pʌchʌlel ti' c'ʌb wiñicob.

Chol Tila

¹¹ Jatyetla, mach bʌ israeleticla, c'ajal la' cha'an bajche' añetla ti yambʌ ora. Cha'an mach israeleticla, jini israelo' bʌ i tyʌlelʌch mi' tsepob i pʌchʌlel ti' pejcʌyetla ti mach'ʌ ba'an tsepel i pʌchʌlel bʌ quixtyañujob.

Efesios 2:11 Iomraidhean Croise

Ezequiel 20:43

Ya'i mi caj la' cha' ña'tan bajche' tsa' la' ñusa q'uin ti yambʌ ora, yic'ot pejtelel leco tac bʌ la' melbal, yic'ot chuqui tac bibi' tsa' la' mele. Mi caj la' mel la' pusic'al cha'an la' mul.

Ezequiel 36:31

Che' jini quisintic mi caj la' wubin che' mi la' cha' ña'tan jontol bʌ la' melbal yic'ot jini mach bʌ uts'atic tsa' bʌ la' mele.

Mateo 20:7

Tsi' jac'beyob: “Come ma'anic majqui tsi' pʌyʌyon lojon ti e'tel”, che'ob. Jini yumʌl tsi' subeyob: “Cucula ja'el tic ts'usubil”, che'en.

Romanos 11:17

Tsa' jajqui loq'uel lamital i c'ʌb te'. Jatet i c'ʌbet yambʌ olivo te' mach bʌ anic i c'ʌjñibal, yilol jach bʌ tsa' coli ti mate'el. Tsa' otsʌntiyet ba' tsa' jajqui loq'uel i c'ʌb. Tsa' taja a p'ʌtʌlel ti' wi' yic'ot ti' yetsel jini wen bʌ olivo te'.

Romanos 2:26

Jini mach bʌ tsepbilic i pʌchʌlel mi tsi' mele chuqui tac toj mu' bʌ i yʌl jini mandar, ¿mach ba tsepbilic i pʌchʌlel yilal ti' tojlel Dios?

Romanos 2:27

Mi ts'ʌcʌl tsi' jac'ʌ jini mandar jini mach bʌ tsepbilic i pʌchʌlel, ¿mach ba muq'uic i tsictesan a mul? come wola' ñusan mandar che' an a cha'an jini ts'ijbubil bʌ mandar yic'ot tsep pʌchʌlel.

1 Corintios 12:2

La' wujil che' sajtemetla tsa' pʌjyiyetla majlel ba'an x'uma' dios tac, bajche' jach tsa' ñijcʌntiyetla.

1 Corintios 6:11

Lamitaletla che'ʌch tsa' la' mele, pero wʌle pocbiletixla ti' c'aba' lac Yum Jesucristo cha'an ti' yEspíritu lac Dios. Tsa'ix ajq'uiyetla ti' wenta Dios. Wolix la' q'uejlel ti toj.

Gálatas 2:15

Joñonla tsa' bʌ la quila pañimil ti Israel, mach i pi'ʌlonicla jini xmulilob, gentilob.

Gálatas 6:12

Pejtelel yomo' bʌ q'uejlel ti ñuc mi' wersa xic'beñetla cha'an mi la' ch'ʌm tsep pʌchʌlel, come mach yomobic i yubin wocol cha'an i cruz Cristo.

Efesios 2:2

Ti yambʌ ora tsa' ajniyetla ti jontolil che' bajche' i tilel i cha'año' bʌ pañimil. Tsa' la' jac'be Satanás i yum pañimil mu' bʌ i yumañob xibajob, jini espíritu woli bʌ ti e'tel ti' pusic'al xñusa mandarob.

Efesios 5:8

Ti yambʌ ora añetla ti ic'ch'ipan bʌ pañimil. Wʌle añetla ti' sʌclel pañimil yic'ot lac Yum. Ajñenla che' bajche' jini año' bʌ ti' sʌclel pañimil.

Deuteronomio 15:15

Yom mi la' ña'tan bajche' añetla ti yambʌ ora che' añetla ti la' yum ti Egipto, pero lac yum Dios tsi' loc'sayetla. Jini cha'an wersa yom ma' jac' ili mandar.

Deuteronomio 16:12

Ña'tanla bajche' tsa' la' cha'le majtan e'tel ti Egipto. Jac'ʌla ti uts'at pejtel jini mandar.

Deuteronomio 5:15

Yom ma' ña'tan mozojet ti yambʌ ora ti' lumal Egipto, pero lac Yum Dios tsi' loc'sayet yic'ot pejtelel i p'ʌtʌlel. Jini cha'an lac Yum Dios mi' wersa subeñet cha'an ma' c'aj a wo.

Deuteronomio 8:2

Yom mi la' ña'tan ja'el i wocolel jini bij ya' ti' tiquiñal pañimil ba' tsi' pʌyʌyetla tilel lac Yum Dios ili cha'c'al jab. Tsi' ju'sʌbeyet la' pusic'al cha'an mi' yilan mi xuc'uletla, cha'an mi la' jac'ben i mandar, o mi mach la' womic la' jac'.

Deuteronomio 9:7

Yom mi la' chʌn ña'tan. Mach ñajʌyic ti la' pusic'al. Tsa' caji ti mich' lac Yum Dios ya' ti colem bʌ i tiquiñal pañimil ti' caj la' mul. C'ʌlʌl ti' tejchibal xʌmbal che' bʌ tsa' loq'uiyetla ti' lumal Egipto, c'ʌlʌl wʌle che' c'otemetix la ti' ti' la' lumal, tsa'ix la' ñusʌbe i t'an lac Yum.

Filipenses 3:3

Tsepbil lac pʌchʌlel ti isujm, joñonla mu' bʌ lac ch'ujutesan Dios ti Espíritu. Mi' ñuc'an lac pusic'al ti Cristo Jesús. La cujil mach mejlic lac bajñel coltan lac bʌ.

Colosenses 1:21

Ti yambʌ ora ñajt añetla ti Dios. Tsa' la' contraji Dios ti la' pusic'al yic'ot ti jontol bʌ la' melbal. Pero Dios tsi' yʌc'ʌ ti chʌmel i Yalobil. Che' jini tsi' cha' uts'esayetla cha'an ch'ujul mi' pʌyetla ochel ti' tojlel. Sʌq'uesʌbiletla ti pejtelel la' bibi'lel yic'ot la' mul

Colosenses 2:11

Ti Cristo ja'el tsa' tsejpi la' pʌchʌlel yilal che' bʌ tsa' la' choco i tsuculel la' pusic'al am bʌ ti la' bʌc'tal. Jiñʌch mero tsep pʌchʌlel, mach melbilic ti c'ʌbʌl, i ye'telʌch Cristo.

Colosenses 2:13

Ti yambʌ ora che' chʌmeñetla ti mulil, che' mach tsepbilic la' pʌchʌlel, Dios tsi' yʌq'ueyetla la' cuxtʌlel yic'ot Cristo. Tsi' ñusʌbeyetla pejtelel la' mul.

Colosenses 3:11

Ti Cristo mach jelchojquic mi' q'uejlelob winicob x'ixicob mi griego, mi judío, mi tsepbil i pʌchʌlel, mi mach tsepbilic i pʌchʌlel, mi ñajt ch'oyolob, mi mach yujilic jun, mi an ti' yum, o mi ma'anic i yum, pero Cristo i Yumʌch pejtelel winicob yic'ot pejtelel chuqui tac an.

1 Samuel 17:26

David tsa' caji' c'ajtiben jini ya' bʌ añob: ¿Chuqui mi caj i yʌq'uentel jini winic mu' bʌ i mʌjlel i cha'an ti' tojlel jini sajtem bʌ filisteo? ¿Yom ba mi lac bʌc'ñan ili winic woli bʌ i tic'lan Israel? ¿Chuqui i ye'tel ti' tojlel jini soldadojob i cha'an bʌ lac Yum? che'en.

1 Samuel 17:36

Tsa'ix c tsʌnsa bajlum tac yic'ot bʌte'el tac. Lajal mi caj c tsʌnsan jini winic filisteo mach bʌ anic mi' ñop Dios. Come tsa'ix i lon bʌc'tesa jini soldadojob i cha'an jini cuxul bʌ Dios.