Efesios 2:10 - Chol: I T’an Dios

¹⁰ Come i melbalonla Dios. Tsi' cha' meleyonla ti Cristo Jesús cha'an mi lac mel chuqui wen. Dios tsi' wʌn chajpʌbeyonla la que'tel yom bʌ mi lac mel.

Jiñi Tsiji' bʌ Wen T'añ cha'añ Estudio

¹⁰ I melbalonla Dios, tsi' cha' meleyonla ti Cristo Jesús cha'añ mi lac mel chuqui wen, wʌn ña'tʌbilix i cha'añ Dios chuqui mi caj lac mel.

Chol de Tumbalá Bible

¹⁰ Come i melbalonla Dios. Tsi' cha' meleyonla ti Cristo Jesús cha'an mi lac mel chuqui wen. Dios tsi' wʌn chajpʌbeyonla la que'tel yom bʌ mi lac mel.

Jiñi Tsiji' bʌ Wen T'añ cha'añ Estudio

¹⁰ I melbalonla Dios, tsi' cha' meleyonla ti Cristo Jesús cha'añ mi lac mel chuqui wen, wʌn ña'tʌbilix i cha'añ Dios chuqui mi caj lac mel.

Chol Tila

¹⁰ Como Dios ti' meleyonla. Ti yʌq'ueyonla tsiji' bʌ laj cuxtyʌlel tyʌlem ti Cristo Jesús cha'an mi lac cha'len wen bʌ tsa' bʌ i wʌ chajpʌ Dios cha'an mi lac cha'len.

Efesios 2:10 Iomraidhean Croise

Salmos 100:3

Ña'tanla Diosʌch jini lac Yum. Jini tsi' meleyonla, i cha'añonla. I winiconla, i tiñʌme'onla mu' bʌ i cʌntan.

Salmos 119:3

Ma'anic mi' cha'leñob jontolil. Mi' cha'leñob xʌmbal ti a bijlel c Yum.

Salmos 138:8

C Yum, mi caj a ts'ʌctesʌbeñon chuqui yom tic tojlel che' bajche' wʌn ña'tʌbil a cha'an. Ti pejtelel ora c'ux ma' wubiñon. Mach a cʌyon, come i melbalon a c'ʌb.

Salmos 51:10

Dios, cha' melbeñon c pusic'al ti sʌc. Cha' mele quespíritu ti tsijib yic'ot ti toj.

Salmos 81:13

Uts'atax tsa'ic i ch'ujbibeyon c t'an jini c cha'año' bʌ, Tsa'ic i cha'leyob xʌmbal israelob tic bijlel.

Isaias 19:25

Come i Yum Panchan yic'ot Pañimil mi caj i yʌq'ueñob i yutslel i t'an Egipto yic'ot Asiria che' uts'atix mi' tem ajñelob yic'ot Israel. Come tsi' yʌlʌ: Muc'ʌch i tajob i yutslel c t'an jini egiptojob come c cha'añob, yic'ot jini chumulo' bʌ ti Asiria come c melbalob, yic'ot israelob come tsac yajcayob, che'en.

Isaias 29:23

Come che' mi' q'uelob bajche' wolij coltañob tij c'ʌb, mi caj i bʌc'ñañoñob. Mi caj i ch'ujutesañoñob. Mi caj i subob i ñuclel jini Ch'ujul Bʌ ti Israel. Mi caj i bʌc'ñañoñob come i Dioson Israel.

Isaias 43:21

Tsa'ix c wʌn mele c winicob cha'an mi' yochelob ti calobil, cha'an mi' tsictesañob i ñuclel j c'aba'.

Isaias 43:7

Mi caj i laj tilelob mu' bʌ i pejcañoñob ti' yum. Tsac meleyob cha'an mi' tsictesañob c ñuclel. C melbalob.

Isaias 44:21

Lac Yum woli' yʌl: Ña'tan pejtelel iliyi, Jacob, come c winiquet Israel. Joñon tsac meleyet, c cha'añet. Ma'anic mi caj a ñajʌyel c cha'an.

Isaias 60:21

Toj mi caj i yajñelob la' pi'ʌlob ti jujuntiquil. Mi caj i yajñelob ti jini lum ti pejtelel ora che' bajche' c'oc' bʌ i buts te' tsa' bʌ c pʌc'ʌ mu' bʌ i wen colel. Jiñʌch c melbal tsa' bʌ c mele. Ñuc mi caj c pʌs c bʌ ti' tojlelob.

Isaias 61:3

Mi caj j coltan jini woli bʌ i tsicob i pusic'al ti Sion. Mi caj cʌq'ueñob i ch'ʌjlil i jol i wenta tʌñil c'ajc. Mi caj cʌq'ueñob i tijicñʌyel i pusic'al i wenta uq'uel. Mi caj c lajmesʌbeñob i wocol cha'an mi' cajelob ti c'ay cha'an ñucon. Toj mi caj i q'uejlelob. P'ʌtʌl mi caj i yajñelob che' bajche' c'olol wen chucul bʌ i wi'. Tsac pʌc'ʌyob cha'an mi' tsictesañob c ñuclel.

Jeremias 31:33

Jiñʌch jini tsijib xuc'ul bʌ t'an mu' bʌ c mel yic'ot i p'olbal Israel, che'en lac Yum. Mi caj c ts'ijban c t'an ya' ti' pusic'alob. Che' jini mi caj i mulañob c t'an. Che' jini mero c cha'añʌch mi caj j q'uelob. Che' jini i Dioson.

Mateo 5:16

Che' yom mi la' pʌsbeñob winicob x'ixicob la' sʌclel yic'ot wen bʌ la' we'tel. Che' mi' q'uelob mi caj i tsictesañob i ñuclel la' Tat am bʌ ti panchan.

Juan 3:21

Jini mu' bʌ i mel chuqui isujm, mi' ñochtan i sʌclel pañimil cha'an mi' tsictiyel i melbal come mi' mel ti' p'ʌtʌlel Dios.

Hechos 9:31

Tsa' ñʌjch'i i tic'lʌntel jini xñopt'añob ti pejtelel Judea yic'ot ti Galilea yic'ot ti Samaria. Tsa' p'ʌtesʌntiyob. Tsi' chʌn bʌc'ñayob lac Yum. Tsa' ñuc'ayob i pusic'al cha'an Ch'ujul bʌ Espíritu. Tsa' wen p'ojliyob.

Hechos 9:36

Ya' ti Jope an xcʌnt'an i c'aba' Tabita, jiñʌch Dorcas. Jini x'ixic bʌxatax ti wen bʌ i ye'tel tsa' bʌ i cha'le. Tsi' yʌq'ueyob i chubʌ'an jini mach bʌ añobic i cha'an.

Romanos 8:1

Jini cha'an ma'anix mi' yʌjq'uelob ti tojmulil jini año' bʌ ti Cristo Jesús.

Romanos 8:29

Come Dios tsi' wʌn yajca i cha'año' bʌ. Tsi' wʌn wa'chocoyob cha'an mi' yʌq'uentelob i pusic'al lajal bajche' i pusic'al i Yalobil cha'an mi' taj cabʌl i yijts'iñob jini ascuñʌl bʌ.

1 Corintios 3:9

Come joñon lojon x'e'telon lojon yic'ot Dios. Jatetla i choletla Dios, i yototetla Dios.

2 Corintios 5:17

Jini cha'an majqui jach an ti Cristo tsijib melbilix. Tsa'ix jili jini tsucul tac bʌ. Awilan tsijib melbil ti pejtelel.

2 Corintios 5:5

Jini cha'an Dios tsi' meleyonla cha'an che'ʌch yom mi la cajñel. Tsi' yʌq'ueyonla jini Espíritu i tejchibal bʌ i ye'tel ti lac pusic'al.

2 Corintios 9:8

An i p'ʌtʌlel Dios cha'an mi' cha' aq'ueñetla pejtelel chuqui tac yom cha'an jasʌl la' cha'an ti pejtelel ora cha'an mi la' coltan la' bʌ ti pejtelel chuqui wen.

Gálatas 6:15

Come ti Cristo Jesús ma'anic chuqui mi' cha'len mi tsepbil lac pʌchʌlel o mi mach tsepbilic lac pʌchʌlel. Pero mi cha' melbilonla ti tsijib jiñʌch yom bʌ.

Efesios 1:1

Pablojon, apóstolon i cha'an Jesucristo cha'an che' yom Dios. Mi cʌq'ueñetla cortesía i cha'añet bʌ la Dios ya' ti Efeso mu' bʌ la' ñop Cristo Jesús.

Efesios 1:4

Come tsi' yajcayonla ti Cristo che' maxto melbilic pañimil cha'an mi la cajñel ti ch'ujul ti' tojlel, sʌq'uesʌbilonixla ti pejtelel lac mul.

Efesios 2:13

Pero wʌle añetla ti Cristo Jesús, jatetla ñajt bʌ añetla ti yambʌ ora. Tsa' pʌjyiyetla ti lʌc'ʌl cha'an ti' ch'ich'el Cristo.

Efesios 2:15

Che' bʌ tsa' chʌmi, tsi' jisa jini mandar yic'ot tic'oñel tsa' bʌ i t'oxoyonla. I bajñel tsi' mele jump'ejl tsiji' bʌ tejclum pʌybil bʌ loq'uel ti cha'mojt, cha'an ñʌch'ʌl mi la cajñel la quic'ot.

Efesios 2:2

Ti yambʌ ora tsa' ajniyetla ti jontolil che' bajche' i tilel i cha'año' bʌ pañimil. Tsa' la' jac'be Satanás i yum pañimil mu' bʌ i yumañob xibajob, jini espíritu woli bʌ ti e'tel ti' pusic'al xñusa mandarob.

Efesios 2:6

Tsi' techeyonla ch'ojyel temel la quic'ot Cristo. Tsi' buchchocoyonla ti panchan la quic'ot Cristo Jesús

Efesios 4:1

Joñon xñujp'elon cha'an lac Yum. Ti wocol t'an mic subeñetla cha'an mi la' wajñel che' bajche' yom Dios, come jini cha'an tsi' pʌyʌyetla.

Efesios 4:24

Yom mi la' ch'ʌm tsiji' bʌ la' pusic'al melbil bʌ ti toj ti isujm cha'an ch'ujul mi la' wajñel che' bajche' Dios.

Deuteronomio 32:6

¿Che' ba yom melol ti' wut lac Yum? Tontojetla. ¿Mach ba la' tatic jini Dios? ¿Mach ba jinic tsi' meleyetla? ¿Mach ba jinic tsi' yʌq'ueyetla la' p'ʌtʌlel?

Deuteronomio 5:33

Chʌn cha'lenla xʌmbal ti' bijlel lac Yum che' bajche' tsi' subeyetla, cha'an cuxul mi la' wajñel ti pejtelel ora, cha'an mi' jastiyel la' chubʌ'an, cha'an mi' tam'esʌntel la' jabilel ya' ti lum baqui mi la' majlel ti chumtʌl.

Filipenses 1:6

Cujil Dios mi caj i ts'ʌctesan majlel jini wen bʌ e'tel tsa' bʌ i teche ti la' pusic'al c'ʌlʌl ti' q'uiñilel Jesucristo.

Filipenses 2:13

Come Dios woli' mel i ye'tel ti la' pusic'al cha'an mi la' mulan yic'ot cha'an mi la' mel chuqui yom Dios.

Colosenses 1:10

cha'an che' jini mi mejlel la' wajñel bajche' yom lac Yum, cha'an tijicña mi' q'ueletla. Che' jini mi caj la' wʌc' la' wut ti wen bʌ la' melbal. Mi caj i p'ojlel la' ña'tʌbal ti Dios cha'an mi la' wen cʌn.

Colosenses 3:10

Tsa'ix la' xojo jini tsiji' bʌ la' pusic'al tsa' bʌ i mele Dios cha'an mi la' q'uextʌyel majlel ti' yejtal Dios yic'ot tsiji' bʌ la' ña'tʌbal.

2 Tesalonicenses 2:17

la' i ñuq'uesʌbeñetla la' pusic'al. La' i xuc'chocoñetla ti pejtelel wen bʌ t'an yic'ot ti pejtelel wen bʌ e'tel.

1 Timoteo 2:10

Pero la' i pʌsob wen bʌ i melbal che' bajche' yom, come jiñʌch mero i ch'ʌjlil x'ixicob mu' bʌ i yʌlob ochemob ti Dios.

1 Timoteo 5:10

Yom mi' tsictiyel ti' tojlel i pi'ʌlob mi an wen bʌ i melbal, mi tsi' cosa i yalobilob, mi tsi' cha'le p'untaya, mi tsi' pocbeyob i yoc i cha'año' bʌ Dios, mi tsi' colta jini tsa' bʌ i tajayob wocol, mi tsi' yʌc'ʌ i bʌ ti pejtelel wen bʌ i melbal.

1 Timoteo 5:25

Che' ja'el, jini wen bʌ lac melbal ora mi' tsictiyel. Jini mach bʌ mi' bʌc' tsictiyel, mach ti pejtelic ora mi' mujquel.

1 Timoteo 6:18

Subeñob cha'an mi' melob chuqui uts'at, cha'an mi' p'ojlel wen bʌ i melbal. Mach yomic chʌcob. Yom mi' coltañob yaño' bʌ yic'ot i chubʌ'an.

2 Timoteo 2:21

Mi an majqui mi' cʌy chuqui tac mach wenic, mi' sʌq'uesan i bʌ. Che' jini an i c'uxbintel, ch'ujul, cabʌl i c'ʌjñibal ti lac Yum. Chajpʌbil i pusic'al cha'an mi' mel pejtelel chuqui wen.

2 Timoteo 3:17

cha'an chajpʌbil i winic Dios ti pejtelel chuqui wen, cha'an uts'at mi' mel i ye'tel ti pejtelel.

Tito 2:14

Tsi' yʌc'ʌ i bʌ ti chʌmel cha'añonla cha'an mi' mʌñonla loq'uel ti pejtelel lac jontolil, cha'an mi' sʌq'uesañonla, cha'an mi' yotsañonla ti' cha'an, cha'an mi lac bʌx'an ti' melol pejtelel chuqui wen.

Tito 2:7

Ti pejtelel a melbal pʌsʌ a bʌ ti uts'at ti' tojlelob. Cha'len cʌntesa ti toj, ti jump'ejl a pusic'al.

Tito 3:1

Suben xñopt'añob cha'an uts'at mi' yajñelob ti' wenta yumʌlob yic'ot año' bʌ i ye'tel ti gobierno. La' i jac'beñob ti uts'at ti pejtelel i pusic'al yujil bʌ i melol pejtelel chuqui wen.

Tito 3:14

Lac pi'ʌlob ja'el la' i melob chuqui wen. La' i coltañob jini anto bʌ yom i cha'añob, cha'an mach lolomic mi' ñusañob q'uin.

Tito 3:8

Isujmʌch ili t'an. Wen subeñob tsa' bʌ i ñopoyob Dios cha'an xuc'ul mi' yʌc'ob i bʌ ti wen bʌ i melbal. Come jiñʌch yom bʌ, añʌch i c'ʌjñibal ti' tojlel pejtelel winicob x'ixicob.

Hebreos 10:24

La' laj coltan lac bʌ ti pejtelel chuqui wen, cha'an mi laj c'uxbin lac bʌ bajche' yom yic'ot wen bʌ lac melbal.

Hebreos 13:21

La' i yʌq'ueñetla pejtelel chuqui anto yom la' cha'an, cha'an mi la' mel ti pejtelel ora chuqui yom Dios. La' i mel i ye'tel Dios ti jatetla ti'p'ʌtʌlel Cristo che' bajche' mi' mulan. La' tsictiyic i ñuclel Cristo ti pejtelel ora. Amén.

1 Pedro 2:12

Pʌsʌ la' bʌ ti uts'at ti' tojlel jini gentilob. Che' jini anquese mi' pʌq'uetla ti jontolil, mi caj i ña'tañob wen bʌ la' melbal che' mi' tsictiyel lac melbal ti lac pejtelel. Mi caj i subob i ñuclel Dios.

1 Juan 1:7

Pero mi woliyonla ti xʌmbal ti' sʌclel pañimil, che' bajche' mi' yajñel Dios ti' sʌclel pañimil, che' jini mi lac wen cʌn lac bʌ. I ch'ich'el Jesús i Yalobil Dios woli' sʌq'uesañonla ti pejtelel mulil.

1 Juan 2:6

Jini mu' bʌ i yʌl woli' yajñel ti Jesús la' ajnic che' bajche' tsa' ajni Jesús.