Efesios 1:7 - Chol: I T’an Dios

⁷ Che' bʌ tsa' chʌmi Cristo, tsi' yʌc'ʌyonla ti colel cha'an ti' ch'ich'el. Tsi' ñusʌbeyonla lac mul come wen on i yutslel.

Jiñi Tsiji' bʌ Wen T'añ cha'añ Estudio

⁷ Tsi' mʌñʌyonla ti' ch'ich'el Cristo, tsi' ñusʌbeyonla lac mul come oñ i yutslel i pusic'al,

Chol de Tumbalá Bible

⁷ Che' bʌ tsa' chʌmi Cristo, tsi' yʌc'ʌyonla ti colel cha'an ti' ch'ich'el. Tsi' ñusʌbeyonla lac mul come wen on i yutslel.

Jiñi Tsiji' bʌ Wen T'añ cha'añ Estudio

⁷ Tsi' mʌñʌyonla ti' ch'ich'el Cristo, tsi' ñusʌbeyonla lac mul come oñ i yutslel i pusic'al,

Chol Tila

⁷ Cha'an ti' wen p'untyʌyonla Dios, ti' beque i ch'ich'el i Yalobil cha'an mi' cotyañonla cha'an mi' ñusʌbeñonla lac mul.

Efesios 1:7 Iomraidhean Croise

Job 33:24

che'ic jini, uts mi' pʌs i bʌ Dios ti' tojlel jini winic. Mi' yʌl: La'ix colic. Ma'anic mi' caj ti chʌmel. Tsa'ix c tojo cha'an mi' colel.

Salmos 130:4

Pero ma' ñusʌbeñon lojon c mul, Cha'an awom mic bʌc'ñañet lojon.

Salmos 130:7

Israelet bʌ la, pijtan lac Yum, Come an laj c'uxbintel ti lac Yum. Tsi' mʌñʌyonla. Tsi' wen coltayonla.

Salmos 86:5

Isujm uts'atet, c Yum, ma' ñusʌbeñon lojon c mul. Ma' pʌsbeñob i yutslel a pusic'al pejtel mu' bʌ i pejcañetob.

Exodo 34:7

Mic p'untan cabʌlob, mic ñusan mulil, yic'ot i ñusʌntel mandar, yic'ot jontolil, pero ma'anic mic ñusʌben i mul jini mu' bʌ i chʌn cha'len mulil cha'an i tsʌtslel i pusic'al. Mi cʌq'ueñob i tojob i mul tatʌlob, yic'ot i yalobilob, yic'ot i butsob, c'ʌlʌl ti' yuxlajmlel yic'ot i chʌnlajmlel i p'olbalob. Che' tsi' yʌlʌ lac Yum Dios.

Isaias 43:25

Joñon mic bajñel ñusʌbeñet a mul ti' yutslel c pusic'al. Ma'anix mi caj c chʌn ña'tan a mul.

Jeremias 31:34

Ma'anix mi caj i chʌn cha'leñob cʌntesa cha'an mi' yʌc'oñob ti cʌjñel, come cʌmbilonix i cha'an pejtelelob, jini ñuco' bʌ yic'ot jini ch'o'ch'oco' bʌ, che'en lac Yum, come joñon mi caj c ñusʌbeñob i mul. Ma'anic mi caj c chʌn ña'tʌbeñob i mul.

Daniel 9:19

Ubin, c Yum, ñusʌbeñon lojon c mul. C Yum, ñich'tañon. C Yum, coltañon lojon. Mach ma' jal'an ti coltaya mi c'ux ma' wubin a c'aba', come a cha'añon lojon yic'ot ili tejclum.

Daniel 9:9

Pero jatet, c Yum lojon Dios, awujil p'untaya. Ma' ñusʌbeñob i mul a contrajob.

Jonas 4:2

Tsi' pejca lac Yum ti oración. Tsi' sube: ¡Aj! c Yum, mic pejcañet. ¿Mach ba jiniqui tsa' bʌ c wʌn ña'ta che' bʌ ya'to añon tic lumal? Tsa cʌlʌ tic pusic'al ma'anic mi caj a jisañob come cujil Dioset, cujil cabʌl i yutslel a pusic'al. Ma' p'untan winicob x'ixicob. Jal ma' cuchbeñob i mul. Wen cabʌl a c'uxbiya. Mi' cha' uts'an a pusic'al che' wola' ña'tan a choc tilel wocol. Jini cha'an tsac ñopo puts'el majlel ti Tarsis.

Miqueas 7:18

¿Am ba yambʌ Dios lajal bajche' jatet? Jatet jach ma' ñusan mulil. Ma' wʌc' ti ñajʌyel ti a pusic'al i jontolil a winicob tsa' bʌ colobʌjiyob. Come mach mich'etic ti pejtelel ora, Dios. Tijicña a pusic'al che' ma' pʌsbeñon lojon a c'uxbiya.

Zacarias 13:1

I Yum Panchan yic'ot Pañimil woli' chʌn sub: Ti jim ora mi caj i jambentelob Cuxul bʌ Ja' jini xchumtʌlob ti Israel yic'ot ti Jerusalén. Jini ja' mi caj i sʌq'uesañob ti pejtelel i mul yic'ot pejtelel i bibi'lel.

Zacarias 13:7

I Yum Panchan yic'ot Pañimil woli' chʌn al: La' tilic i contra cha'an mi' low jini Xcʌntaya c cha'an, jini c pi'ʌl ti e'tel, lajal bʌ quic'ot. La' tsʌnsʌntic jini Xcʌntaya. Mi caj i pam pujquelob jini tiñʌme'. Pero mi caj c sujtel cha'an mij coltan jini ch'o'ch'oco' bʌ.

Zacarias 9:11

Tsac tajayetla ba' cʌchʌletla ba' woliyetla ti chʌmel cha'an tiquin ti'. Tsaj coltayetla loq'uel cha'an ti' caj jini trato bʌ c t'an am bʌ i sellojlel ti ch'ich'.

Mateo 20:28

Che'ʌch mi' mel i Yalobil Winic. Come ma'anic tsa' tili cha'an mi' coltʌntel. Tsa' tili cha'an mi' coltan winicob x'ixicob, cha'an mi' yʌc' i bʌ ti chʌmel cha'an i tojol i mul cabʌlob. Che' tsi' yʌlʌ Jesús.

Mateo 26:28

Jiñʌch c ch'ich'el cha'an jini xuc'ul bʌ t'an mu' bʌ i bejq'uel cha'an cabʌlob cha'an i ñusʌntel mulil.

Mateo 6:12

Ñusʌbeñon lojon c mul che' bajche' mic ñusʌbeñob i mul c pi'ʌlob lojon.

Marcos 14:24

Jesús tsi' subeyob: Jiñʌch c ch'ich'el cha'an jini trato bʌ t'an mu' bʌ i bejq'uel cha'an cabʌlob.

Lucas 1:77

Mi caj a wʌq'ueñob winicob x'ixicob i cʌn bajche' mi caj i coltʌntelob che' mi' ñusʌbentelob i mul.

Lucas 24:47

Wersa mi' subentelob winicob x'ixicob ti pejtelel lum cha'an mi' cʌyob i mul ti' c'aba' Cristo cha'an mi' ñusʌbentelob i mul. Ya' ti Jerusalén mi caj i tejchel ti sujbel jini t'an.

Juan 20:23

Majqui jach mi la' ñusʌben i mul, ñusʌbilʌch. Majqui jach ma'anic mi la' ñusʌben i mul, mach ñusʌbilic, che'en.

Hechos 10:43

Pejtel x'alt'añob tsi' yʌlʌyob mi caj i ñusʌbentelob i mul ti' c'aba' Jesús pejtelel mu' bʌ i ñopob. Che' tsi' yʌlʌ Pedro.

Hechos 2:38

Pedro tsi' subeyob: Cʌyʌ la' mul, ch'ʌmʌla ja' ti jujuntiquiletla ti' c'aba' Jesucristo, cha'an mi' ñusʌntel la' mul. Che'i mi caj la' wʌq'uentel Ch'ujul bʌ Espíritu ti la' majtan.

Hechos 20:28

Chʌcʌ q'uele la' bʌ che' jini. Cʌntanla pejtelel jini tiñʌme', come jini Ch'ujul bʌ Espíritu tsi' yʌq'ueyetla la' we'tel ti xcʌntaya cha'an mi la' we'san jini xñopt'añob i cha'año' bʌ Dios tsa' bʌ i mʌñʌ ti' bajñel ch'ich'el.

Hechos 3:19

Jini cha'an cʌyʌ la' mul. Sutq'uin la' bʌ cha'an mi' yajpel la' mul, cha'an mi la' taj la' p'ʌtʌlel ti Espíritu yic'ot tijicña bʌ la' pusic'al ti lac Yum. Dios mi caj i chocbeñetla tilel Jesús jini Cristo wa'chocobil bʌ i cha'an.

Romanos 2:4

¿Mu' ba a lon ñusʌben on bʌ i yutslel i pusic'al Dios? ¿Mu' ba a lon ñusan che' jal woli' cuchbeñet a mul ti' yutslel i pusic'al? ¿Mach ba a wujilic, Dios mi' pʌsbeñet i yutslel i pusic'al cha'an ma' cʌy a mul?

Romanos 3:24

Dios mi' yotsañob ti' wenta cha'an jach i yutslel i pusic'al. Mi' ñusʌbeñob i mul ti' majtan jach, come Cristo Jesús tsi' mʌñʌyob cha'an mi' yʌc'ob ti colel.

Romanos 3:25

Come Dios tsi' wa'choco Cristo cha'an mi' tojbeñob i mul yic'ot i ch'ich'el, cha'an mi' lajmel i mich'ajel ti' tojlel pejtel mu' bʌ i ñopob. Che' jini tsiquil tojʌch Dios tsa' bʌ i to'ol q'uelbeyob i mul winicob x'ixicob ti yambʌ ora che' woli to i cuchbeñob i mul.

Romanos 9:23

Wen jal tsi' cuchbeyob i mul cha'an mi' yʌc' ti tsictiyel pejtelel i ñuclel ti' tojlel jini p'untʌbilo' bʌ i cha'an, yajcʌbilo' bʌ cha'an mi' tajob i ñuclel.

1 Corintios 1:30

Come Dios tsi' yʌq'ueyetla la' wajñel ti Cristo Jesús. Dios tsi' yʌq'ueyonla Cristo. Jiñʌch lac ña'tʌbal tilem bʌ ti Dios. Jiñʌch tsa' bʌ i yʌc'ʌyonla ti' wenta Dios, tsa' bʌ i q'ueleyonla ti toj. Jiñʌch tsa' bʌ i yʌc'onla ti libre.

2 Corintios 8:9

Come cʌñʌlix la' cha'an i yutslel i pusic'al lac Yum Jesucristo. Jini wen chumul bʌ tsa' ochi ti pobre, come c'ux tsi' yubiyetla. Tsa' ochi ti pobre cha'an wen chumul mi la' wajñel.

Efesios 1:14

Aq'uebilonla jini Espíritu cha'an mi lac ña'tan ts'ʌcʌl mi caj lac ch'ʌm ti pejtelel chuqui wʌn albil i cha'an Dios. Mi caj i yʌc' ti libre i cha'año' bʌ cha'an mi lac tsictesan i ñuclel Dios.

Efesios 1:18

La' i yʌq'ueñet la' ch'ʌmben isujm chuqui woli la' pijtan, come jini cha'an tsi' pʌyʌyetla cha'an mi la' cʌn jini uts'at tac bʌ mu' bʌ caj i yʌq'uen i cha'año' bʌ.

Efesios 1:6

La' lac sub i ñuclel Dios cha'an i yutslel i pusic'al tsa' bʌ i yʌq'ueyonla ti lac majtan ti' tojlel c'uxbibil bʌ i Yalobil.

Efesios 1:8

Mach p'isbilic tsi' yʌq'ueyonla i yutslel che' bʌ tsi' ts'ʌctesa chuqui wʌn ña'tʌbil i cha'an ti cabʌl i ña'tʌbal.

Efesios 2:4

Pero cabʌl tsi' p'untayonla Dios, cabʌl tsi' c'uxbiyonla.

Efesios 2:7

cha'an mi' pʌs ti pejtelel ora bajche' tsi' p'untayonla ti on bʌ i yutslel i pusic'al, che' bʌ tsi' pʌsbeyonla i c'uxbiya ti Cristo Jesús.

Efesios 3:16

Mij c'ajtiben Dios, i Yum pejtelel chuqui an, cha'an mi' p'ʌtesʌbeñetla la' pusic'al yic'ot jini Espíritu,

Efesios 3:8

Anquese mach ñuconic che' bajche' yaño' bʌ i cha'año' bʌ Dios, tsa' aq'uentiyon que'tel cha'an mic subeñob gentilob jini wen t'an yic'ot i yutslel Cristo, cha'an mi' cʌñob i ñuclel Cristo mach bʌ lu' cʌmbilic lac cha'an.

Filipenses 4:19

Lac Yum Dios mi caj i yʌq'ueñetla pejtelel chuqui anto yom la' cha'an che' bajche' c'amel an i cha'an Cristo Jesús ya' ti panchan.

Colosenses 1:14

tsa' bʌ i yʌc'ʌyonla ti colel che' bʌ tsi' ñusʌbeyonla lac mul ti' ch'ich'el.

Colosenses 1:27

Dios yom i yʌc' ti cʌjñel ti' tojlel pejtelel winicob x'ixicob jini c'ax ñuc bʌ i sujmlel mach bʌ tsictiyemic ti yambʌ ora. Jini ñuc bʌ ti cʌñol jiñʌch Cristo woli bʌ i yajñel ti la' pusic'al. Jiñʌch mu' bʌ i yʌq'ueñetla la' pijtan la' ñuclel.

Colosenses 2:13

Ti yambʌ ora che' chʌmeñetla ti mulil, che' mach tsepbilic la' pʌchʌlel, Dios tsi' yʌq'ueyetla la' cuxtʌlel yic'ot Cristo. Tsi' ñusʌbeyetla pejtelel la' mul.

Colosenses 2:2

cha'an mi' cha' ñuq'uesʌntel la' pusic'al, cha'an mi la' c'uxbin la' bʌ ti jump'ejl la' pusic'al. Com mi la' lu' ch'ʌmben isujm pejtelel jini c'ax ñuc tac bʌ i sujmlel maxto bʌ tsictiyemic ti yambʌ ora, cha'an mi la' cʌn i sujmlel Dios lac Tat yic'ot Cristo.

1 Timoteo 2:6

Tsi' yʌc'ʌ i bʌ cha'an mi' mʌn pejtelel año' bʌ ti pañimil. Jiñʌch i ye'tel tsa' bʌ ajq'ui ti cʌjñel che' ti' yorajlel.

Tito 2:14

Tsi' yʌc'ʌ i bʌ ti chʌmel cha'añonla cha'an mi' mʌñonla loq'uel ti pejtelel lac jontolil, cha'an mi' sʌq'uesañonla, cha'an mi' yotsañonla ti' cha'an, cha'an mi lac bʌx'an ti' melol pejtelel chuqui wen.

Tito 3:6

Dios tsi' wen aq'ueyonla Ch'ujul bʌ Espíritu ti Jesucristo, la caj Coltaya,

Hebreos 9:22

Che' bajche' mi' yʌl jini mandar, cojach yic'ot ch'ich' mi' sʌq'uesʌntel ti pejtelel. Machic mi' bejq'uel i ch'ich'el i majtan Dios, ma'anic i ñusʌntel mulil.

1 Pedro 2:24

I bajñel jach tsi' cuchu lac mul ti' bʌc'tal che' bʌ tsa' chʌmi ti te', cha'an mi' jilel i p'ʌtʌlel mulil ti lac tojlel. Cuxulonixla cha'an yom mi lac mel chuqui toj. Lajmesʌbiletla cha'an tsa' lojwi lac Yum.

1 Pedro 3:18

Come Cristo ja'el ti junyajlel tsi' yubi wocol cha'an mulil. Jini Toj bʌ tsi' yʌc'ʌ i bʌ ti chʌmel cha'an jini mach bʌ tojobic, cha'an mi' pʌyonla ti' tojlel Dios. Isujmʌch tsa' tsʌnsʌnti ti' bʌc'tal, pero tsa' cha' cuxtiyi ti jini espíritu.

1 Juan 2:12

Wolic ts'ijbubeñetla alobob, come ñusʌbilix la' mul cha'an i c'aba' Jesús.

1 Juan 2:2

Jiñʌch tsa' bʌ i yubi i mich'ajel Dios ti' caj lac mul, mach jinic jach lac mul pero i mul ja'el pejtelel año' bʌ ti pañimil.

1 Juan 4:10

Jiñʌch mero c'uxbiya. Mach joñonicla tsa' laj c'uxbi Dios pero jini tsi' c'uxbiyonla. Tsi' choco tilel i Yalobil cha'an mi' toj lac mul, cha'an mi' lajmel i mich'ajel ti lac tojlel.

Apocalipsis 14:4

Jiñobʌch sʌco' bʌ mach bʌ anic tsi' pʌyʌyob i yijñam. Mi' tsajcañob jini Tiñʌme' baqui jach mi' majlel. Tsa' mʌjñiyob loq'uel ti' tojlel i pi'ʌlob. Jiñobʌch jini ñaxan pac' ti' tojlel Dios yic'ot jini Tiñʌme'.

Apocalipsis 5:9

Tsi' c'ʌyiyob tsiji' bʌ c'ay: Wen uts'atet. Uts'at ma' ch'ʌm jini jun cha'an ma' tsilben i sellojlel tac, come tsa' tsʌnsʌntiyet, tsa' mʌñʌyon lojon ti a ch'ich'el cha'an mic ñop lojon Dios. Loq'uemon lojon ti jujunchajp winicob, yic'ot ti pejtelel t'an tac, yic'ot ti pejtelel tejclum tac.