Eclesiastes 9:3 - Chol: I T’an Dios

³ Jini cha'an ma'anic mi' cʌyob i jontolil winicob. Mi' bajñel ña'tañob chuqui yomob i mel anquese socol i bijlel. Yujilob mi' cajelob ti chʌmel.

Chol de Tumbalá Bible

³ Jini cha'an ma'anic mi' cʌyob i jontolil winicob. Mi' bajñel ña'tañob chuqui yomob i mel anquese socol i bijlel. Yujilob mi' cajelob ti chʌmel.

Eclesiastes 9:3 Iomraidhean Croise

Genesis 6:5

Lac Yum tsi' q'uele cabʌlix i jontolil winicob ti pañimil. Tsi' q'uele jontol jax ti pejtelel ora pejtel chuqui an ti' pusic'al winicob yic'ot pejtel chuqui tsi' ña'tayob.

Genesis 8:21

Che' bʌ tsi' yubi lac Yum jini xojocña bʌ i yujts'il tsi' yʌlʌ ti' pusic'al: Ma'anix mi caj c cha' jisan jini lum cha'an i mul winicob che' bajche' tsac mele, anquese jontol chuqui mi' ña'tañob ti' pusic'al c'ʌlʌ che' ch'iton to. Ma'anix mi caj c chʌn tsʌnsan pejtelel cuxul tac bʌ che' bajche' tsac jisa.

Job 15:16

Jixcu jatet tuw a tsoy. Ts'a'lebilet ti winicob. ¿Sʌquet ba? Che' bajche' mi' chʌy ja' esponja, che'ʌch mi' toyet a mul.

Job 21:26

Temel mi' mujquelob ti mucoñibʌl. Jini motso' mi' pam ñumel ba' ts'ʌl ñololob.

Job 9:22

Jini jachix com c sub. Junlajal mi' q'uelonla Dios. Lajal mi' jisan jini tojo' bʌ yic'ot jini jontolo' bʌ.

Salmos 51:5

Awilan, xmulilon tsa quila pañimil. Añʌch c mul c'ʌlʌl che' cʌntʌbilon i cha'an c ña'.

Salmos 64:7

Dios mi caj i yʌq'ueñob i toj i mul. Ti ora jach mi caj i lowob ti' te'el jalʌjb.

Proverbios 14:32

Jini xjontolilob mi caj i chojquelob cha'an i jontolil, pero anto i pijtaya jini tojo' bʌ che' mi' chʌmelob.

Eclesiastes 1:17

Tsa' bʌx'ayon ti' ñopol pejtel chuqui an, bajche' mi' melob jini año' bʌ i ña'tibal yic'ot bajche' mi' melob tontojo' bʌ año' bʌ i sajtemal. Tsa' caji c ña'tan woli jach cʌsin ic'.

Eclesiastes 12:7

Jini ts'ubejn mi' caj ti sujtel ti lum baqui tilem. Jini espíritu mi' sujtel ti Dios tsa' bʌ i yʌc'ʌ.

Eclesiastes 2:14

Jini am bʌ i pusic'al mi' pam q'uel chuqui woli' yujtel. Pero jini tonto bʌ mi' cha'len xʌmbal ti ic'ch'ipan bʌ pañimil. Pero cujil ja'el, junlajal mi' yujtelob ti cha'ticlel. Mi' cajelob ti chʌmel.

Eclesiastes 7:2

Uts'at mi lac cha'len jula' ti' yotot ba' tsa' chʌmi juntiquil lac pi'ʌl. Lolom jach mi lac jula'tan xq'uiñijelob, come jujuntiquil winic mi caj i yuc'tʌntel ja'el. Come mi caj lac chʌmel ti pejtelonla. Yom mi lac p'is ti lac wenta che' cuxulon tola.

Eclesiastes 7:25

Ti pejtelel c pusic'al tsa' caji c sʌclan i sujmlel pejtel chuqui an. Tsa' jach c ñopo tontojʌch jini mu' bʌ i cha'len jontolil. Sojquem i jol jini mu' bʌ i mel i bʌ bajche' tonto.

Eclesiastes 8:11

Dios ma'anic mi' bʌc' aq'ueñob i toj i mul xmulilob. Jini cha'an winicob mi' lon ña'tañob uts'at mi' chʌn cha'leñob jontolil, come ma'anic i tojol mulil, lon che'ob.

Eclesiastes 9:11

Anto chuqui tsaj q'uele ti yebal panchan. Mach jinic wen yujil bʌ ajñel mu' bʌ i c'otel ñaxan. Mach jinic wen p'ʌtʌl bʌ mu' bʌ i mʌjlel i cha'an. Mach cha'anic i ña'tibal mi' taj i bʌl i ñʌc' jini cabʌl bʌ i pusic'al. Jini wen yujil bʌ e'tel mach ti pejtelic ora mi' taj i ñuclel ti' wut i pi'ʌlob. An mu' bʌ i tajob, an mach bʌ i tajayobic. Tijicña jini am bʌ i coltʌntel ti pejtelel chuqui yom i taj.

Eclesiastes 9:2

Lajal jach chuqui mi lac taj bajche' jach añonla, mi uts'at lac pusic'al o mi jontolonla, mi woli lac jac'ben i t'an o mi woli lac ñusan, mi xuc'ulonla o mi to'ol jach añonla. Wen leco jini, come lajal chuqui tac mi lac taj ti yebal panchan, mi tojonla o mi an lac mul.

Eclesiastes 9:4

Jini jach cuxulo' bʌ an i pijtaya. An i c'ʌjñibal jini ts'i' che' cuxul to, pero ¿chuqui i ye'tel bajlum che' chʌmenix?

Jeremias 16:12

Lajaletla bajche' la' tat. Cʌlʌx jax tsa' la' cha'le mulil. Ti pejteletla woli la' mel bajche' jach la' wom cha'an jontol la' pusic'al. Tsʌts la' pusic'al. Mach la' womic la' jac' che' mic pejcañetla.

Jeremias 17:10

Joñon a Yumon. Mic chʌcʌ q'uel a pusic'al cha'an mic lu' cʌn. Q'uelel c cha'an bajche' wola' ña'tan yic'ot bajche' wola' mel. Che' jini mi cʌq'ueñob winicob i chobejtʌbal ti chajp ti chajp bajche' an i melbal ti jujuntiquil.

Jeremias 17:9

Wen yujilob lot i pusic'al winicob. Cabʌl i sajtemal. ¿Majqui mi' lu' c'ʌn?

Lucas 15:17

Che' bʌ tsa' caji i ña'tan pañimil tsi' yʌlʌ: “An x'e'telob ya' ti' yotot c tat año' bʌ cabʌl i waj. Pero joñon wolic chʌmel ti wi'ñal.

Lucas 6:11

Cabʌl tsa' mich'ayob. Tsa' caji i pejcañob i bʌ cha'an mi' ña'tañob chuqui mi caj i tumbeñob Jesús.

Hechos 12:23

Ti ora i yángel lac Yum tsi' yotsʌbe i chʌmel, come ma'anic tsi' yʌc'ʌ ti ñuc Dios. Tsa' c'uxle ti motso'. Tsa' chʌmi.

Hechos 26:11

Cabʌl tsac bajbeyob ti pejtelel sinagoga. Tsac wersa xic'beyob cha'an mi' p'ajob Dios. Tsac wen mich'leyob. Tsac tic'layob c'ʌlʌl ti yan tac bʌ tejclum.

Hechos 26:24

Che' woli to ti t'an Pablo, c'am tsi' cha'le t'an Festo. Tsi' yʌlʌ: Pablo, sojquem a jol. Wolix i sojquel a jol cha'an ti' q'uelol cabʌl jun, che'en.

Tito 3:3

Come joñonla ja'el ti yambʌ ora ma'anic lac pusic'al, xñusa t'añonla, lotibilonla. Tsa' jach lac jac'be pejtelel i colosojlel lac pusic'al yic'ot yan tac bʌ yom bʌ lac pusic'al. Tsa' lac lon ñusa q'uin ti ts'a'leya yic'ot ti' tsʌytsʌyñʌyel lac pusic'al. Tsa' ts'a'lentiyonla. Tsa' lac ts'a'le lac bʌ.

2 Pedro 2:16

Jini burro mach bʌ yujilic t'an tsa' caji ti t'an che' bajche' winic. Tsi' tic'be i tontojlel jini x'alt'an.