Eclesiastes 8:1 - Chol: I T’an Dios

¹ Tijicña jini am bʌ cabʌl i pusic'al. Jiñʌch yom bʌ cha'an mi lac ch'ʌmben isujm yic'ot cha'an mi lac cha'len cʌntesa. Añʌch i c'ʌc'al i wut jini p'ip' bʌ i pusic'al. Mi' tsictiyel i yutslel i pusic'al ti' wut.

Chol de Tumbalá Bible

¹ Tijicña jini am bʌ cabʌl i pusic'al. Jiñʌch yom bʌ cha'an mi lac ch'ʌmben isujm yic'ot cha'an mi lac cha'len cʌntesa. Añʌch i c'ʌc'al i wut jini p'ip' bʌ i pusic'al. Mi' tsictiyel i yutslel i pusic'al ti' wut.

Eclesiastes 8:1 Iomraidhean Croise

Genesis 40:8

Tsi' jac'ʌyob: Tsac cha'le lojon ñajal. Ma'anic majqui mi mejlel i subeñon lojon i sujmlel, che'ob. José tsi' subeyob: Dios mi mejlel i pʌsbeñonla i sujmlel. Poj subeñon chuqui tsa' la' ñajle, che'en.

Job 33:23

Ti jini jach bʌ ora mi tsa' tili ángel loq'uem bʌ ti' tojlel bajc'ʌl i pi'ʌlob ti panchan cha'an mi' toj'esan majlel ba' uts'atax,

Exodo 34:35

Jini winicob x'ixicob mi' q'uelob sʌcleman i wut jini Moisés. Wi'il mi' cha' mos i wut che' mi' loq'uel ya' ti Tabernáculo jinto mi' cha' ochel i pejcan Dios mi' cha' jame'.

Proverbios 1:6

cha'an mi' ch'ʌmbeñob isujm ili t'an yic'ot lajiya tac, i subal jini año' bʌ i pusic'al yic'ot i sujmlel mucul tac bʌ ti pañimil.

Proverbios 12:8

Jini wen bʌ i ña'tʌbal mi caj i c'uxbintel, pero mi caj i ts'a'lentel jini leco bʌ i pensar.

Proverbios 17:24

Baqui jach mi' majlel jini wen bʌ i pusic'al mi' taj i ña'tʌbal, pero mach i tajayic i ña'tʌbal jini tonto bʌ anquese ñajt mi' sʌclan majlel.

Proverbios 21:29

Ch'ejlatax mi' lon pʌs i bʌ jini sajtem bʌ. Mach che'ic mi' mel jini toj bʌ. Mi' toj'esan i bʌ majlel.

Proverbios 24:5

Añʌch i p'ʌtʌlel jini p'ip' bʌ i pusic'al. Ñumen an i p'ʌtʌlel jini cabʌl bʌ i pusic'al bajche' soldado p'ʌtʌl bʌ i bʌc'tal.

Daniel 2:22

Mi' tsictesan i sujmlel mucul tac bʌ, come tilem ti Dios pejtel lac ña'tʌbal. Mi' laj cʌn jini mucul tac bʌ ti pañimil, come i sʌclel pañimil mi' yajñel yic'ot.

Daniel 2:47

Jini rey tsi' sube: Jiñʌch mero Dios a Dios. Ñumen ñuc bajche' dioste' tac. Jiñʌch i Yum reyob, mu' bʌ i tsictesan i sujmlel jini mucul tac bʌ, come tsa'ix mejli a tsictesʌbeñon i sujmlel c ñajal, che'en jini rey.

Mateo 17:2

Tsa' yʌjñi Jesús ti' wutob. Ts'ʌylaw i wut che' lajal bajche' q'uin. Wen sʌsʌc tsa' ajni i pislel lajal bajche' i sʌclel pañimil.

Hechos 4:13

Che' bʌ tsi' q'uelbeyob i ch'ejlel i pusic'al Pedro yic'ot Juan, tsa' toj sajtiyob i pusic'al winicob x'ixicob come yujilob mach cʌntesʌbilobic ti jun, ma'añobic i ye'tel. Tsi' ña'tayob i pi'ʌlobʌch Jesús jini Pedro yic'ot Juan.

Hechos 4:29

Wʌle, c Yum, q'uele bajche' mi' yʌ'leñon lojon. A winicon lojon. Aq'ueñon lojon i ch'ejlel c pusic'al cha'an mic sub lojon a t'an.

Hechos 6:15

Pejtelel jini buchulo' bʌ año' bʌ i ye'tel tsi' q'uelbeyob i wut Esteban lajal bajche' i wut ángel.

Romanos 13:5

Jini cha'an yom mi lac jac'ben i mandar, mach cojic jach cha'an mach mi' tajonla i mich'ajel Dios, pero cha'an ma'anic mi' cajel ti t'an lac pusic'al.

Efesios 6:19

Cha'lenla oración cha'añon ja'el, cha'an mi cʌq'uentel t'an ba' ora com c sub, cha'an ch'ejl mi cʌc' ti cʌjñel jini wen t'an mach bʌ tsictiyemic ti yambʌ ora.

Deuteronomio 28:50

Wen jontolob. Lajal i wutob bajche' bʌte'el ts'i'. Ma'anic mi caj i p'isob ti wenta jini xñoxob. Ma'anic mi caj i p'untañob alʌlob.

2 Timoteo 4:17

Pero lac Yum tsa' wa'le tic t'ejl. Tsi' yʌq'ueyon c p'ʌtʌlel cha'an ts'ʌcʌl mic sub jini wen t'an, cha'an mi' yubiñob pejtelel gentilob. Tsi' coltayon loq'uel ti' yej colem bajlum yilal.

2 Pedro 1:20

Ñaxan yom mi la' ch'ʌmben isujm, ma'anic t'an ti' Ts'ijbujel Dios tsa' bʌ i bajñel ña'tayob jini x'alt'añob. Come jiñʌch Ch'ujul bʌ Espíritu tsa' bʌ i yʌq'ueyob jini isujm bʌ i t'an Dios.