Eclesiastes 7:2 - Chol: I T’an Dios

² Uts'at mi lac cha'len jula' ti' yotot ba' tsa' chʌmi juntiquil lac pi'ʌl. Lolom jach mi lac jula'tan xq'uiñijelob, come jujuntiquil winic mi caj i yuc'tʌntel ja'el. Come mi caj lac chʌmel ti pejtelonla. Yom mi lac p'is ti lac wenta che' cuxulon tola.

Chol de Tumbalá Bible

² Uts'at mi lac cha'len jula' ti' yotot ba' tsa' chʌmi juntiquil lac pi'ʌl. Lolom jach mi lac jula'tan xq'uiñijelob, come jujuntiquil winic mi caj i yuc'tʌntel ja'el. Come mi caj lac chʌmel ti pejtelonla. Yom mi lac p'is ti lac wenta che' cuxulon tola.

Eclesiastes 7:2 Iomraidhean Croise

Salmos 90:12

Cʌntesañon lojon cha'an mic ña'tan lojon ma'anic jayp'ejl lojon j q'uiñilel Cha'an mic taj cabʌl lojon c pusic'al.

Eclesiastes 2:14

Jini am bʌ i pusic'al mi' pam q'uel chuqui woli' yujtel. Pero jini tonto bʌ mi' cha'len xʌmbal ti ic'ch'ipan bʌ pañimil. Pero cujil ja'el, junlajal mi' yujtelob ti cha'ticlel. Mi' cajelob ti chʌmel.

Eclesiastes 2:16

Come mi' lon jilel jini am bʌ i pusic'al lajal bajche' jini tonto bʌ. Junlajal mi caj i ñajʌyelob i cha'an winicob. Jini am bʌ i pusic'al mi' chʌmel che' bajche' jini tonto bʌ.

Eclesiastes 3:19

Come junlajal mi' jilelob winicob yic'ot bʌte'el. Junsujm jach i yiq'uilel. ¿Chuqui mi lac taj ti pañimil mach bʌ anic mi' tajob ja'el? Leco jini.

Eclesiastes 3:20

Junlajal la cajñib ba' mi lac majlel. Jiñʌch i ts'ubeñal lum ba' tsa' loq'uiyonla yic'ot bʌte'el. Ya jach mi lac sujtel.

Eclesiastes 6:6

Pero mach uts'atic che' mi' jal'an ti pañimil c'ʌlʌl che' wen ñoxix mi jini jach ch'ijiyem bʌ mi' yubin. Mi tsa' jal'a ti pañimil mil jab, mi tsa' cha' aq'uenti yambʌ mil jab, mi mach tijicñayic i pusic'al, ¿chuqui i ye'tel cabʌl jab? ¿Mach ba jump'ejlic la cajñib ba' mi lac majlel ti pejtelonla?

Eclesiastes 9:2

Lajal jach chuqui mi lac taj bajche' jach añonla, mi uts'at lac pusic'al o mi jontolonla, mi woli lac jac'ben i t'an o mi woli lac ñusan, mi xuc'ulonla o mi to'ol jach añonla. Wen leco jini, come lajal chuqui tac mi lac taj ti yebal panchan, mi tojonla o mi an lac mul.

Eclesiastes 9:3

Jini cha'an ma'anic mi' cʌyob i jontolil winicob. Mi' bajñel ña'tañob chuqui yomob i mel anquese socol i bijlel. Yujilob mi' cajelob ti chʌmel.

Eclesiastes 9:5

Yujilob jini cuxulo' bʌ mi' cajelob ti chʌmel, pero ma'anix chuqui yujilob jini chʌmeñobix bʌ. Tsa'ix ñumi i yorajlel cha'an mi' sujbelob ti ñuc. Ma'anix mi' chʌn ña'tintelob.

Isaias 47:7

Tsa' lon ña'ta yumʌlet ti pejtelel ora. Jini cha'an ma'anic tsa' p'unta c cha'año' bʌ. Ma'anic tsa' wis ña'ta mi mux caj a toj a mul cha'an tsa' tic'la c cha'año' bʌ.

Jeremias 16:8

Mach ma' wochel ti' yotot xq'uiñijelob. Mach a cha'len we'el uch'el yic'otob.

Hageo 1:5

Woli ti t'an i Yum Panchan yic'ot Pañimil: Ña'tanla bajche' añetla.

Malaquias 2:2

Mi ma'anic mi la' ñich'tʌbeñon c t'an, mi ma'anic mi la' wʌc' ti la' pusic'al, mi caj c chocbeñetla tilel castigo. Mi' caj ti jilel pejtelel jini uts'at tac bʌ woli bʌ la' q'uel. Mi caj la' taj cabʌl wocol. Ma'anic mi caj cʌq'ueñetla tijicña bʌ che' bajche' com. Wersa mi caj la' toj la' mul, come ma'anic tsa' la' p'isi ti wenta jini mu' bʌ c subeñetla.

Numeros 23:10

¿Majqui mi mejlel i tsicben i p'olbal Jacob? Lajalob bajche' i ts'ubeñal lum mach bʌ mejlic ti tsicol. Che' bajche' mi' chʌmelob jini tojo' bʌ, la' chʌmicon. Tijicñayon che' muq'uic c jilel che' bajche'ob. Che' tsi' yʌlʌ Balaam.

Mateo 5:4

Tijicñayob jini woliyo' bʌ ti uq'uel, come muq'uix i ñuq'uesʌbentelob i pusic'al.

Deuteronomio 32:29

Wen uts'at añobic i ña'tʌbal. Uts'at muq'uic i ch'ʌmbeñob isujm Cha'an mi' ña'tañob bajche' mi caj i jilelob.

Filipenses 3:19

Mi caj i jisʌntelob come woli' diosiñob chuqui yom i bʌc'tal. Mi' lon q'uelob i bʌ ti ñuc cha'an i melbalob anquese quisintic. Mi' yʌc'ob ti' pusic'al chuqui jach an ti pañimil.

Hebreos 9:27

I tilel junyajl jach mi' chʌmelob winicob x'ixicob. Mi' yujtelob ti chʌmel, mi' melob i bʌ.