Eclesiastes 6:3 - Chol: I T’an Dios

³ An winic wen p'ump'un bʌ, come ti pejtelel i jabil mach jasʌlic mi' taj chuqui tac yom ti pañimil. Che' mi' chʌmel mach jasʌlic mi' cʌy taq'uin cha'an mi' wen mujquel. Anic jo'c'al i yalobil lolom jach. Muq'uic i jal'an ti pañimil c'ʌlʌl wen ñoxix, ¿chuqui i ye'tel? Uts'at tsa'ic chʌmi che' cʌntʌbil to.

Chol de Tumbalá Bible

³ An winic wen p'ump'un bʌ, come ti pejtelel i jabil mach jasʌlic mi' taj chuqui tac yom ti pañimil. Che' mi' chʌmel mach jasʌlic mi' cʌy taq'uin cha'an mi' wen mujquel. Anic jo'c'al i yalobil lolom jach. Muq'uic i jal'an ti pañimil c'ʌlʌl wen ñoxix, ¿chuqui i ye'tel? Uts'at tsa'ic chʌmi che' cʌntʌbil to.

Eclesiastes 6:3 Iomraidhean Croise

Genesis 33:5

Esaú tsi' can q'uele pañimil. Tsi' q'uele x'ixicob yic'ot i yalobilob. Tsi' yʌlʌ: ¿Majquiyob? ¿A cha'año' ba? che'en. Jacob tsi' yʌlʌ: A winicon. Jiñobʌch calobilob tsa' bʌ i yʌq'ueyon Dios ti' yutslel i pusic'al, che'en.

Genesis 47:9

Jacob tsi' sube: Anix lujump'ejl i wucc'al (130) c jabilel. Xñumelon ti pañimil. Mach cabʌlic c jabilel. Cabʌl c wocol. Ma'anic tsac tajbe i jabilel c ñojte'el jal bʌ tsa' ñumiyob ti pañimil, che'en.

2 Reyob 10:1

Ya' ti Samaria an lujuntiquil i chʌnc'al (70) i yalobilob jini rey Acab. Jini cha'an Jehú tsi' ts'ijbubeyob majlel carta jini año' bʌ i ye'tel ya' ti Jezreel yic'ot jini año' bʌ ti' wenta cha'an mi' cosañob i yalobilob Acab ya' ti Samaria. Tsi' yʌlʌ ti jun:

2 Reyob 9:35

Che' bʌ tsa' majli i mucob, ma'anix chʌn tsiquil i bʌc'tal, cojax i bʌquel i jol yic'ot i yoc yic'ot jini pach'al bʌ i c'ʌb.

1 Cronicas 28:5

Ti' tojlel pejtelel jini calobilob (come lac Yum tsi' yʌq'ueyon cabʌl calobilob), tsa' yajcʌnti Salomón cha'an mi' cha'len i yumʌntel tij q'uexol ti Israel.

2 Cronicas 11:21

Roboam ñumen tsi' c'uxbi Maaca bajche' yaño' bʌ i yijñam. Tsi' pʌyʌ waxʌclujuntiquil (18) i yijñam yic'ot uxc'al i yixicob. Tsi' yʌc'ʌyob ti pañimil waxʌctiquil i cha'c'al (28) ch'itoñob yic'ot uxc'al xch'ocob.

Ester 5:11

Tsi' subeyob pejtel i ñuclel. Ñuc tsi' q'uele i bʌ cha'an cabʌl i chubʌ'an yic'ot i yalobilob yic'ot i c'uxbintel ti' tojlel rey, come jini rey tsi' yʌq'ue jini ñaxan bʌ buchlibʌl cha'an mi' yumʌntel ti' tojlel pejtel ñuco' bʌ i ye'tel.

Ester 7:10

Jini rey tsi' yʌlʌ: Jich'i ya'i, che'en. Jini cha'an tsa' jijch'i Amán ya' ti wa'al bʌ te' chajpʌbil bʌ i cha'an, ba' tsi' ña'ta i tsʌnsan Mardoqueo. Che' jini tsa' caji ti lajmel i mich'lel rey.

Job 3:11

¿Chucoch ma'anic tsa' sʌc jiliyon ti' ñʌc' c ña'? ¿Chucoch ma'anic tsa' chʌmiyon che' bʌ tsaj q'uele pañimil?

Job 3:16

¿Chuchoch ma'anic tsac choco c bʌ ti' tojlel c ña' che' maxto i yorajlelic? Che'ic jini, lajalon bajche' alʌlob mach bʌ anic mi' q'uelob i sʌclel pañimil.

Salmos 58:8

La' sajtic che' bajche' joch pupuy. La' jilic che' bajche' mi' chʌmel i yojl to bʌ alʌl.

Proverbios 17:6

I ñuclel jini ñoxo' bʌ jiñʌch i yalobilob i yalobil. I ñuclel jini alobob jiñʌch i tatob.

Eclesiastes 4:3

Pero ñumen tijicñayob jini mach bʌ anic mi' yilañob pañimil, mach bʌ i cʌñʌyobic pejtel jini jontolil mu' bʌ i cha'leñob winicob ti yebal panchan.

Eclesiastes 6:4

Che'ic jini, to'ol jach tsi' cʌnta i ña'. Che'ic jini, tsa' bʌc' jili ti ic'ch'ipan bʌ pañimil. Ma'anic tsa' otsʌbenti i c'aba'.

Jeremias 22:19

Mi caj i mujquel che' bajche' burro. Mi caj i tujc'ʌntel majlel ti calle cha'an mi' chojquel loq'uel ti' ti' Jerusalén.

Jeremias 36:30

Jini cha'an mi caj a suben Joacim rey bʌ ti Judá: Ti pejtelel i yalobil ma'anic mi juntiquilic mu' bʌ caj ti yumʌl ti' buchlib David ti pejtelel ora. Che' mi' chʌmel, mi' caj ti chojquel i bʌc'tal ti pam lum ba' mi' pulel ti q'uin ba' mi' tsʌñ'an ti ac'ʌlel.

Jeremias 8:2

Mi caj i q'uiyibeñob i bʌquel ti pam lum ti' c'ʌc'al jini q'uin yic'ot uw yic'ot ec', come jiñobʌch i diosob. Mi' c'uxbiñob, mi' ch'ujutesañob. Mi' pulbeñob pom. Mi' cha'leñob q'uiñijel. Pam pujquem mi caj i cʌytʌl i bʌquel ili winicob che' bajche' ta' ti pam lum. Ma'anix majqui mi caj i much'quiñob cha'an mi' cha' mucob.

Mateo 26:24

I Yalobil Winic mi caj i majlel che' bajche' ts'ijbubil. Mi caj i taj wocol jini winic mu' bʌ i yʌc' i Yalobil Winic ti' c'ʌb i contra. Uts'at machic tsi' yila pañimil jini winic, che'en.