Eclesiastes 5:2 - Chol: I T’an Dios

² Mach a bʌc' ac' a t'an che' maxto anic tsa' wen ña'ta mi che'ʌch yom. Yom xuc'ul a pusic'al ma' ts'ʌctesan chuqui tsa' subu. Come lac Yum an ti panchan, wʌ' añet ti pañimil. Jini cha'an mach yomic ma' p'ojlesan a t'an.

Chol de Tumbalá Bible

² Mach a bʌc' ac' a t'an che' maxto anic tsa' wen ña'ta mi che'ʌch yom. Yom xuc'ul a pusic'al ma' ts'ʌctesan chuqui tsa' subu. Come lac Yum an ti panchan, wʌ' añet ti pañimil. Jini cha'an mach yomic ma' p'ojlesan a t'an.

Eclesiastes 5:2 Iomraidhean Croise

Genesis 18:27

Abraham tsi' jac'ʌ: La' c chʌn pejcañet c Yum anquese pec'on, ts'ubeñon, i tʌñilon c'ajc yilal.

Genesis 18:30

Abraham tsi' yʌlʌ: Mach yomic mi' tejchel a mich'ajel, c Yum. Mi caj c cha' pejcañet. ¿Jixcu mi tsa' tajle lujuntiquil i cha'c'al (30) ya'i? che'en. Lac Yum tsi' yʌlʌ: Cha'an lujuntiquil i cha'c'al ma'anic mic jisan jini tejclum, che'en.

Genesis 18:32

Abraham tsi' yʌlʌ: Mach yomic mi' tejchel a mich'ajel, c Yum. Junyajl jax mic cha' pejcañet. Tic'ʌl mi an jach lujuntiquil ya'i, che'en. Lac Yum tsi' yʌlʌ: Mach muq'uic c jisan mi an lujuntiquil, che'en.

Genesis 28:20

Jacob tsi' yʌc'ʌ i t'an ti' tojlel Dios. Tsi' yʌlʌ: Mi isujm añet quic'ot, mi mux a cʌntañon ti jini bij cha'an utsat mic majlel, mi mux a wʌq'ueñon waj cha'an mij c'ux yic'ot pisil cha'an mic lʌp,

Genesis 28:22

Ili xajlel tsa' bʌ c ts'ʌpʌ i wentajʌch a wotot. Ti pejtelel chuqui ma' wʌq'ueñon isujm mi caj cʌq'ueñet i diezmojlel. Che' tsi' yʌc'ʌ i t'an Jacob.

Salmos 115:3

Ya'ʌch an lac Dios ti panchan. Mi' mel chuqui jach yom i pusic'al.

Proverbios 10:19

An i mul jini mu' bʌ i p'ojlesan t'an. An cabʌl i pusic'al jini mu' bʌ i cʌntan i yej.

Proverbios 20:25

Jini mu' bʌ i bʌc' suben lac Yum chuqui mi caj i yʌq'uen, chucul ti yac yubil che' wi'il to mi' c'un ña'tan i t'an.

Eclesiastes 10:12

Uts'at ti jac'ol i t'an jini am bʌ i ña'tibal, pero i t'an jini tonto mu' jach i yʌc' ti cʌjñel i yum.

Eclesiastes 10:13

Tonto i t'an jini tonto bʌ che' ti' tejchibal, pero sojquem che' ti' jilibal.

Eclesiastes 5:3

Mi cabʌl woliyonla ti tsic pusic'al mi laj cajel ti ñajal ti ac'ʌlel. Che' ja'el mi tontojonla, mi' caj ti tsictiyel cha'an cabʌl lac t'an.

Eclesiastes 5:7

Cʌyʌ a ñajlen jini yom bʌ melol. Mele ti ora. ¿Chuqui i ye'tel to'ol t'an jach? Yom ma' bʌc'ñan Dios.

Isaias 55:9

Wen chan jini panchan. Mach la' tajayic i chanlel. Che' ja'el c bijlel ñumen chan bajche' la' bijlel. Mic ts'ʌctesan pejtel mu' bʌ c ña'tan c mel. Mach mejlic la' ch'ʌmben i sujmlel jini mu' bʌ c ña'tan.

Levitico 5:4

Che' ja'el che' an juntiquil mu' bʌ i payxo ac' i t'an ti ora cha'an chuqui mi caj i mel, mi uts'at o mi mach uts'atic, añʌch i mul che' mi' cajel i ña'tan chuqui tsi' mele.

Mateo 6:7

Che' mi la' cha'len oración, mach mi la' chʌn taj lajal bʌ t'an cha'an ma' tam'esan a woración che' bajche' mi' cha'leñob gentilob. Mi' lon ña'tañob mi' yubintel i yoración cha'an cabʌl i t'an.

Mateo 6:9

Cha'lenla oración che' bajche' jini: C Tat lojon añet bʌ ti panchan, la' ch'ujutesʌntic a c'aba'.

Marcos 6:23

Tsi' wersa wa'choco i t'an. Tsi' sube: Chuqui jach ma' c'ajtibeñon mi caj cʌq'ueñet c'ʌlʌl ti yojlil c yumʌntel, che'en.

Santiago 3:2

Ti lac pejtelel cabʌl mi lac taj lac sajtemal ti' tojlel lac pi'ʌlob. Majqui jach puro uts'at i t'an ti' tojlel yaño' bʌ, uts'atʌch i pusic'al jini winic. Yujil i tic' i bʌ ti pejtelel chuqui mi' mel.

Juezob 11:30

Jefté tsi' cha'le trato ti' tojlel lac Yum. Tsi' yʌlʌ: Mi awom a wʌc' tij c'ʌb jini amoñob,