Eclesiastes 5:1 - Chol: I T’an Dios

¹ Tsajalet me. Yom ñʌch'ʌlet che' mi la' wochel ti Templo. Yom jamʌl a chiquin cha'an ma' wubin. Mach a mel bajche' tontojo' bʌ. Mi' yʌq'ueñob i majtan Dios, pero mach yujilobic che' woli' ñusʌbeñob i t'an.

Chol de Tumbalá Bible

¹ Tsajalet me. Yom ñʌch'ʌlet che' mi la' wochel ti Templo. Yom jamʌl a chiquin cha'an ma' wubin. Mach a mel bajche' tontojo' bʌ. Mi' yʌq'ueñob i majtan Dios, pero mach yujilobic che' woli' ñusʌbeñob i t'an.

Eclesiastes 5:1 Iomraidhean Croise

2 Cronicas 26:16

Pero che' cabʌlix i p'ʌtʌlel, tsa' caji i chañ'esan i bʌ. Cabʌl tsi' taja i sajtemal, come tsi' ñusʌbe i t'an lac Yum Dios. Tsa' ochi ti' yotot lac Yum cha'an mi' pulben pom ya' ti pulʌntib.

Job 22:12

¿Mach ba chumulic Dios ti panchan? Q'uele jini ñajt bʌ ec'. ¿Mach ba chanic?

Salmos 89:7

Jini ángelob año' bʌ i ye'tel mi' bʌc'ñañob Dios. Wen ñuc Dios ya' ti' tojlel pejtel año' bʌ ti' joytilel.

Exodo 3:5

Dios tsi' yʌlʌ: Mach a ñochtan. Loc'san a warach ti a woc, come ch'ujul jini lum ba' wa'alet, che'en.

Proverbios 10:19

An i mul jini mu' bʌ i p'ojlesan t'an. An cabʌl i pusic'al jini mu' bʌ i cʌntan i yej.

Proverbios 15:8

Lac Yum ts'a'atax mi' q'uel i majtan ti' c'ʌb xjontolilob, pero tijicña i pusic'al cha'an i yoración jini tojo' bʌ.

Proverbios 21:27

Ts'a' mi' q'uel lac Yum i majtan mu' bʌ i yʌq'uen sajtemo' bʌ. Jini woli bʌ ti jontolil mi' lon ña'tan i yuts'esʌben i pusic'al lac Yum yic'ot i majtan.

Isaias 66:3

Mach uts'atic mij q'uel jini mu' bʌ i bajñel yajcan i bijlel, mu' bʌ i mel bajche' jach yom i bajñel pusic'al. Che' mi' tsʌnsʌbeñon tat wacax lajalʌch tic wut bajche' jini mu' bʌ i tsʌnsan winic. Che' mi' tsʌnsan tiñʌme' lajalʌch bajche' jini mu' bʌ i c'ʌsben i bic' ts'i'. Che' mi' yʌq'ueñon i wut jam tic majtan lajalʌch bajche' i ch'ich'el chitam. Che' mi' pulbeñon pom junlajal mij q'uel yic'ot jini mu' bʌ i ch'ujutesan dioste' tac. Jini mu' bʌ i bajñel yajcañob i bijlel mi' mulañob i mel chuqui tac ts'a'lebil c cha'an.

Levitico 10:3

Moisés tsi' sube Aarón: Jiñʌch tsa' bʌ i yʌlʌ lac Yum: “Jini mu' bʌ i lʌc'tesañoñob, wersa mi' q'ueloñob ti ch'ujul. Wersa mi cʌq'uentel c ñuclel ti' tojlelob winicob x'ixicob”, che'en lac Yum. Che' tsi' yʌlʌ Moisés. Che' jini ñʌch'ʌl tsa' cʌle Aarón.

Hechos 10:33

Jini cha'an ti ora jach tsac chocoyob majlel ba' añet. Uts'at tsa' tiliyet. Wʌle wʌ' temel añon lojon ti' wut Dios tic pejtelel lojon cha'an mi cubin lojon pejtelel chuqui tsi' subeyet Dios. Che' tsi' yʌlʌ Cornelio.

Hechos 17:11

Jini año' bʌ ti Berea ñumen weñob bajche' jini año' bʌ ti Tesalónica come ti jump'ejl jach i pusic'al tsi' jac'ʌyob jini t'an. Ti jujump'ejl q'uin tsi' wen q'ueleyob i Ts'ijbujel Dios cha'an mi' ña'tañob mi isujm chuqui tsa' subentiyob.

1 Corintios 11:22

¿Mach ba anic la' wotot cha'an ya'i mi la' cha'len we'el uch'el? ¿Mu' ba la' ts'a'len jini xñopt'añob mu' bʌ i tempañob i bʌ? ¿Mu' ba la' wʌc' ti quisin jini mach bʌ añobic i bʌl i ñʌc'? ¿Chuqui yom mic subeñetla? ¿Yom ba mic sub uts'at woli la' mel? Mach yomic. Mach uts'atic.

Hebreos 10:26

Mi an majch mi' chʌn cha'len mulil cha'an jach yom i pusic'al che' cʌñʌlix i cha'an i sujmlel, wolix i ñusan Cristo tsa' bʌ i tojbe i mul. Ma'anix majch mi caj i chʌn tojben i mul.

Santiago 1:19

Jini cha'an c'uxbibil bʌ quermanojob, yom p'ip'etla che' mi la' ñich'tan t'an. Mach yomic ora mi la' cha'len t'an. Mach yomic mi la' bʌc' mich'an.

Josue 5:15

Jini capitán am bʌ i ye'tel ti' tojlel i soldadojob lac Yum tsi' sube: Loc'san a xʌñʌb, come ch'ujulʌch ili lum ba' wa'alet, che'en. Che'ʌch tsi' mele Josué.