Eclesiastes 4:8 - Chol: I T’an Dios

⁸ Wʌ'an winic am bʌ ti' bajñel. Ma'anic i pi'ʌlob, ma'anic i yalobil. Pero cabʌl mi' cha'len e'tel cha'an mi' tempan taq'uin. Mach jasʌlic mi' yubin. Che' chʌmenix, ¿majqui mi caj i ch'ʌm? ¿Chucoch wen p'ump'un mi' tic'lan i bʌ? Lolom jach jini.

Chol de Tumbalá Bible

⁸ Wʌ'an winic am bʌ ti' bajñel. Ma'anic i pi'ʌlob, ma'anic i yalobil. Pero cabʌl mi' cha'len e'tel cha'an mi' tempan taq'uin. Mach jasʌlic mi' yubin. Che' chʌmenix, ¿majqui mi caj i ch'ʌm? ¿Chucoch wen p'ump'un mi' tic'lan i bʌ? Lolom jach jini.

Eclesiastes 4:8 Iomraidhean Croise

Genesis 2:18

Lac Yum Dios tsi' yʌlʌ: Mach uts'atic mi' yajñel ti' bajñelil jini winic. Mi caj c melben i yaj coltaya cha'an mi' yajñel yic'ot, che'en.

Salmos 39:6

Che'ʌch añon lojon bajche' axñal mu' bʌ ti ñumel majlel. Lolom jach mic mel lojon c pusic'al. Anquese mic tempan lojon c chubʌ'an, mach cujilic lojon majqui mi caj i ch'ʌm.

Salmos 39:7

Wʌle, c Yum, ¿chuqui to yom mic pijtan? Wolic pijtañet.

Proverbios 27:20

An cha'chajp mach bʌ yujilic jastiyel: I yajñib chʌmeño' bʌ yic'ot i pusic'al winicob x'ixicob. Pejtel ora anto yom i cha'añob.

Eclesiastes 1:13

Tsa cʌc'ʌ tic pusic'al cha'an mic ch'ʌmben isujm yic'ot cha'an mic ñop pejtel cʌmbil bʌ ti pañimil. Wen wocol la que'tel mu' bʌ i yʌq'ueñonla lac mel Dios. Cabʌl mi lac mel lac pusic'al cha'an ili wocol.

Eclesiastes 1:8

Pejtel chuqui an mi' c'ojyel la cubin. Ma'anic mi' jastiyel lac wut ti' q'uelol chuqui tac an ti pañimil. Ma'anic mi' jastiyel lac chiquin ti' yubintel chuqui tac mi la cubin.

Eclesiastes 2:21

Come wʌ'an winic am bʌ i ña'tibal, wen yujil bʌ e'tel. Tsi' cha'le e'tel ti pejtelel i pusic'al. Tal yambʌ winic mach bʌ anic tsi' wis cha'le e'tel mu' bʌ caj i to'ol aq'uentel pejtel i chubʌ'an. Wocol jax jini. Lolom jach.

Eclesiastes 2:23

Cabʌl i wocol ti jujump'ejl q'uin. Mi' melob i pusic'al cha'an wocol. Ti ac'ʌlel ja'el mi' chʌn cha'leñob tsic pusic'al. ¿Chuqui i ye'tel pejtel jini? Lolom jach.

Eclesiastes 4:7

Tsa' caji j q'uel yambʌ lac tontojlel ti yebal panchan.

Eclesiastes 5:10

Jini am bʌ i wo'lel cha'an taq'uin ma'anic mi caj i jastiyel ti taq'uin. Mach a lon ña'tan a taj i tijicñʌyel a pusic'al ti cabʌl a chubʌ'an.

Eclesiastes 5:9

Tijicñayob winicob che' mi' yumañob rey mu' bʌ i cʌntan i lumal, come cʌyʌl ti lum pejtel winicob.

Isaias 5:8

Obol jax la' bʌ jatetla mu' bʌ la' mʌn cabʌl la' wotot, mu' bʌ la' mʌctan cabʌl lum. Jini jach mi la' lon ña'tan chuqui yom la' bajñel pusic'al cha'an wen chumuletla ti pañimil.

Isaias 55:2

¿Chucoch mi la' to'ol jisan la' taq'uin ti' mʌñol jini mach bʌ wajic? Woli ti to'ol jilel la' taq'uin che' wi'ñayetla. Ñich'tanla c t'an. Che' jini mi caj la' c'ux wen bʌ i bʌl la' ñʌc'. Mi caj la' tijicñesan la' pusic'al yic'ot sumuc tac bʌ i bʌl la' ñʌc'.

Mateo 11:28

La' ba' añon pejteletla woliyet bʌ la ti wocol e'tel, al bʌ la' cuch. Joñon mi cʌq'ueñetla la' c'aj la' wo.

Lucas 12:20

Dios tsi' sube jini winic: “Tontojet, ti jini jach bʌ ac'ʌlel talob i pʌy majlel a ch'ujlel. Che' jini, ¿majqui i cha'an pejtelel a chubʌ'an tsa' bʌ a tempa?” che'en.

1 Juan 2:16

Come pejtelel chuqui an ti pañimil, i colosojlel lac pusic'al yic'ot i ts'i'lel lac wut, yic'ot i chañ'esʌntel lac bʌ mach ch'oyolic ti lac Tat pero ch'oyol ti pañimil.