Eclesiastes 4:4 - Chol: I T’an Dios

⁴ Tsa' caji j q'uel tsʌytsʌyña jax i pusic'alob winicob. Chuqui tac jach mi' ganarin jini bʌx bʌ ti e'tel mi' mulʌbeñob i pi'ʌlob. Yom mi' lolon tajob ja'el. Pero lolom jach mi' tsʌjyubeñob i chubʌ'an i pi'ʌl. To'ol ic' jach woli' yajñesañob.

Chol de Tumbalá Bible

⁴ Tsa' caji j q'uel tsʌytsʌyña jax i pusic'alob winicob. Chuqui tac jach mi' ganarin jini bʌx bʌ ti e'tel mi' mulʌbeñob i pi'ʌlob. Yom mi' lolon tajob ja'el. Pero lolom jach mi' tsʌjyubeñob i chubʌ'an i pi'ʌl. To'ol ic' jach woli' yajñesañob.

Eclesiastes 4:4 Iomraidhean Croise

Genesis 26:14

An i cha'an tiñʌme' yic'ot wacax yic'ot cabʌl winicob x'ixicob. Tsʌytsʌyña i pusic'al jini filisteojob cha'an i chubʌ'an Isaac.

Genesis 31:1

Jacob tsi' yubibeyob i t'an ch'iton bʌ i yalobilob Labán. Tsi' yʌlʌyob: Jini Jacob tsa'ix i chilbe pejtel i yʌlac' lac tat. Cha'an ti' caj i chubʌ'an lac tat tsa'ix i taja pejtel i ñuclel, che'ob.

Proverbios 27:4

Jontol jax jini woli bʌ ti mich'ajel. Bʌbʌq'uen ja'el. Pero ñumen wocol ti cuchol jini tsʌytsʌña jax bʌ i pusic'al.

Eclesiastes 1:14

Tsaj q'uele pejtel i melbal winicob ti yebal panchan. Melel lolom jach. Woli jach i yʌsiñob ic'.

Eclesiastes 1:17

Tsa' bʌx'ayon ti' ñopol pejtel chuqui an, bajche' mi' melob jini año' bʌ i ña'tibal yic'ot bajche' mi' melob tontojo' bʌ año' bʌ i sajtemal. Tsa' caji c ña'tan woli jach cʌsin ic'.

Eclesiastes 2:21

Come wʌ'an winic am bʌ i ña'tibal, wen yujil bʌ e'tel. Tsi' cha'le e'tel ti pejtelel i pusic'al. Tal yambʌ winic mach bʌ anic tsi' wis cha'le e'tel mu' bʌ caj i to'ol aq'uentel pejtel i chubʌ'an. Wocol jax jini. Lolom jach.

Eclesiastes 2:26

Dios mi' yʌq'uen cabʌl i pusic'al yic'ot i ña'tibal yic'ot i tijicñʌyel i pusic'al majqui jach mi' q'uel ti uts'at. Pero ¿chuqui mi' yʌq'uen xmulil? Mi' yʌq'uen i ye'tel cha'an mi' tempʌben i chubʌ'an yaño' bʌ mu' bʌ i q'uejlelob ti uts'at ti Dios. ¿Chuqui mi' taj jini xmulil? To'ol ic' jach.

Eclesiastes 4:16

Cabʌl mi' taj i ñuclel ti' tojlel bajc'ʌl winicob c'ux bʌ mi' yubiñob. Pero mi' caj ti ñox'an ja'el. Jini maxto bʌ añobic i pusic'al mi' cajelob ti colel. Che' jini mux caj i tsajcañob yambʌ i yum. Lolom jach i ñuclel winicob. To'ol ic' jach.

Eclesiastes 6:11

¿Chuqui i c'ʌjñibal cabʌl t'an? Ma'anic i c'ʌjñibal.

Eclesiastes 6:9

Anquese ts'ita' lac chubʌ'an yom tijicñayonla yic'ot jini am bʌ lac cha'an. Mach yomic mi laj cabʌl pensalin chuqui anto yom lac cha'an. Lolom jach jini. To'ol ic' jach.

Mateo 27:18

Come yujil Pilato tsa' jach i yʌc'ʌyob Cristo ti' c'ʌb cha'an tsʌytsʌyñayob jax i pusic'al cha'an i ñuclel Cristo.

Hechos 7:9

Tsʌytsʌyñayob jax i pusic'al jini lac ñojte'el cha'an José. Jini cha'an tsi' choñoyob cha'an mi' pʌjyel majlel ti Egipto pero ya'an Dios yic'ot.

Santiago 4:5

Ña'tanla isujm mi' subeñonla i Ts'ijbujel: “Dios tsi' chumchoco ti lac pusic'al jini Espíritu mu' bʌ i cʌntañonla ame sojquiconla”.

1 Juan 3:12

Mach yomic lajalonla bajche' Caín tsa' bʌ i tsʌnsa i yijts'in. ¿Chucoch tsi' tsʌnsa? Caín i cha'añʌch jini xjontolil. Jontol i melbal pero toj i melbal i yijts'in.