Eclesiastes 4:1 - Chol: I T’an Dios

¹ Tsa' caji j q'uel, an cabʌl ch'ijiyem bʌ ti yebal panchan. Jini tic'lʌbilo' bʌ woliyo' bʌ ti uq'uel, ma'anic mi' tajob i coltʌntel. Jini año' bʌ ti' wenta xtic'layajob ma'anic mi' p'untʌntelob.

Chol de Tumbalá Bible

¹ Tsa' caji j q'uel, an cabʌl ch'ijiyem bʌ ti yebal panchan. Jini tic'lʌbilo' bʌ woliyo' bʌ ti uq'uel, ma'anic mi' tajob i coltʌntel. Jini año' bʌ ti' wenta xtic'layajob ma'anic mi' p'untʌntelob.

Eclesiastes 4:1 Iomraidhean Croise

Job 16:4

C'oq'uicon che' c'amet, ma'anic tsac tic'layet tic t'an che' bajche' wola' tic'lañon.

Job 35:9

Che' cabʌl mi' yubiñob wocol winicob cha'an i tic'lʌntel, c'am mi' cha'leñob oñel cha'an yomob loq'uel ti' c'ʌbob jini xtic'layajob.

Job 6:29

La' wocolic, mele la' pusic'al. Cha'lenla meloñel ti toj. Cha' ña'tanla c t'an. Ma'anic c mul.

Job 9:24

Pejtel año' bʌ ti pañimil tsa'ix ajq'uiyob ti' wenta jontolo' bʌ. Dios mi' mʌcbeñob i wut jini juezob. Mach tojic mi' cha'leñob meloñel. Machic i melbal Dios, ¿majqui i melbal che' jini?

Salmos 12:5

Lac Yum woli ti t'an: Woli' tic'lʌntelob jini p'ump'uño' bʌ. Woliyob ti wocol jini mach bʌ añobic i chubʌ'an. Jini cha'an mux caj c tech meloñel. Mi caj cʌc' jini tic'lʌbilo' bʌ ba' xuc'ul mi' yajñelob che' bajche' yomob i pusic'al, che'en.

Salmos 142:4

Mic joy q'uel pañimil. Ma'anic majqui mi' p'ison ti wenta. Ma'anic baqui mic muc c bʌ. Ma'anic majqui mi' c'uxbiñon.

Salmos 142:5

C'am mic pejcañet, c Yum. Mic subeñet: C puts'ibet. Ch'oyol ba' añet pejtelel c wenlel wʌ' ti' lumal jini cuxulo' bʌ.

Salmos 42:3

Cha'an ch'ijiyemon tsac wen cha'le uq'uel ti q'uiñil ti ac'ʌlel. Bele q'uin mi' c'ajtibeñoñob winicob: ¿Baqui an a Dios? lon che'ob.

Salmos 42:9

Mic suben Dios, jini xColtaya c cha'an: ¿Chucoch tsa' ñajʌyiyon ti a pusic'al? ¿Chucoch ma' cʌyon ti' c'ʌb j contra cha'an p'ump'un mi' tic'lañon? Ch'ijiyem c pusic'al, cho'on.

Salmos 69:20

Wen ch'ijiyem c pusic'al cha'an a'lebilon. Comix chʌmel yubil. Tsac lon alʌ an majqui mi caj i p'untañon, an majqui mi' ñuq'uesʌbeñon c pusic'al. Pero ma'anic mi juntiquilic.

Salmos 69:21

Tsi' yʌq'ueyoñob veneno i wenta i bʌl c ñʌc'. Che' tiquin c ti' tsi' yʌq'ueyoñob vinagre.

Salmos 80:5

I ya'lel i wut i wentajlelʌch i waj mu' bʌ a wʌq'ueñob ti jujump'ejl q'uin. On tsa' wʌq'ueyob i jap i ya'lel i wut.

Exodo 1:16

Che' mi' q'uelob pañimil i yalobilob hebreojob, mi ch'iton, yom mi la' tsʌnsan. Mi xch'oc, la' colic, che'en.

Exodo 1:22

Che' jini Faraón tsi' yʌq'ue mandar pejtelel winicob x'ixicob ti' lumal: Che' mi' yilan pañimil ch'iton ti' tojlel hebreojob, chocola ti colem ja', pero la' cuxtiyic jini xch'oc tacob, che'en.

Proverbios 19:7

Pejtel i yʌscuñob i yijts'iñob mi' ts'a'leñob jini pobre. ¿Mach ba ñumenic mi caj i tʌts'ob i bʌ i cʌñʌyo' bʌ?

Proverbios 28:3

Jini pobre mu' bʌ i xujch'iben i chubʌ'an yambʌ pobre lajalʌch bajche' wen ja'al mu' bʌ i wets' majlel lum, mu' bʌ i lu' jisan i bʌl lac ñʌc'.

Proverbios 29:2

Che' mi' cha'leñob yumʌntel jini tojo' bʌ, tijicña i pusic'al winicob x'ixicob. Che' mi' cha'leñob yumʌl jini sajtemo' bʌ, wocol jax mi' yubiñob winicob x'ixicob.

Eclesiastes 3:16

Tsaj q'uele ja'el melobʌjʌl ti yebal panchan. Ya' ba' yom tajtʌl toj bʌ meloñel woli' yutsi p'ojlel jontolil.

Eclesiastes 5:8

Mi tsa' q'uele woli' tic'lʌntelob pobrejob cha'an jini wen chumulo' bʌ, mi mach tojic mi' cha'leñob meloñel, mach mi' toj sajtel a pusic'al. Come pejtel año' bʌ i ye'tel añob ti' wenta ñumen ñuco' bʌ i ye'tel mu' bʌ i jac'beñob i mandar yaño' bʌ. Jini ñumen ñuco' bʌ mi' jac'beñob i mandar rey.

Eclesiastes 7:7

Jini am bʌ i ña'tibal, mi' sujtel ti tonto che' mi' ch'ʌm i majtan ti' c'ʌb xjontolil. Jini mu' bʌ i wersa c'ajtin taq'uin ñumen bajche' yom, woli' yʌc' i bʌ ti asiyel.

Eclesiastes 8:9

Tsac wen p'isi tic pusic'al i melbalob pejtel winicob ti yebal panchan yic'ot ja'el jini mu' bʌ i c'ʌñob i p'ʌtʌlel cha'an mi' jisañob i pi'ʌlob.

Isaias 5:7

Jini i ts'usubil i Yum Panchan yic'ot Pañimil, jiñʌch Israel yic'ot Judá. Jiñʌch i pʌc'ʌb c'uxbibil i cha'an. Lac Yum tsi' lon pijta cha'an mi' wen jac'beñob i mandar, pero laj stsʌnsajob. Tsi' lon pijta chuqui tac uts'at. Tsa' jach i yubibeyob i yuq'uel jini tic'lʌbilo' bʌ.

Isaias 51:23

Pero mi caj cʌq'ueñob i yubiñob c mich'ajel jini tsa' bʌ i yʌc'ʌyet ti wocol, tsa' bʌ i tic'layet, tsa' bʌ i t'uchtayet. Tsa' ñumiyob ti a pat che' bajche' ti calle, che'en.

Isaias 59:7

Ti ajñel mi la' majlel la' mel jontolil. Mi la' tsʌnsan jini winic mach bʌ anic i mul. Mi la' wʌn ña'tan lotiya yic'ot xujch'. Baqui jach mi la' majlel mi la' cha'len jisaya.

Jeremias 16:7

Ma'anic majqui mi caj i chocbeñob caxlan waj jini woliyo' bʌ ti uq'uel. Ma'anic majqui mi caj i yʌq'ueñob i jap vino cha'an mi' ñʌjch'el i pusic'al meba'ob cha'an chʌmenix i tat i ña'.

Lamentaciones 1:16

Jini cha'an mic cha'len uq'uel. Cabʌl i ya'lel c wut. Ma'anic caj coltaya mu' bʌ i tijicñesan c pusic'al. Meba'obix calobilob yilal. Añobʌch ti' wenta j contrajob.

Lamentaciones 1:17

Sion mi' letsan i c'ʌb ti c'ajtiya, pero ma'anic i yaj coltaya. Lac Yum tsi' cha'le mandar cha'an mi' laj tejchelob ti' contra Jacob. Bibi'ix Jerusalén ti' wutob jini año' bʌ ti' joytʌlel.

Lamentaciones 1:2

Jini tsa' bʌ cʌjchiyob majlel mi' ñusañob ac'ʌlel ti uq'uel. Ma'anic mi' tijq'uel i ya'lel i wut. Ma'anic mi juntiquilic i yaj coltaya ti' tojlel pejtel jini tsa' bʌ i c'uxbiyob ti yambʌ ora. Tsa' laj sujtiyob ti' contra.

Lamentaciones 1:9

Tsi' cha'leyob ts'i'lel. Ma'anic tsi' p'isiyob ti wenta mi muc'ʌch i tojob i mul. Jini cha'an quisintic jax tsi' meleyob. Wʌle ma'anic i yaj coltaya. Mi' yʌlob: Q'uele bajche' añon lojon c Yum, cha'an cabʌl lojon c wocol, come wen chan mi' melob i bʌ j contrajob, che'ob.

Amos 3:10

Mach yujilobix i melol chuqui toj. Chuqui tac mi' tajob ti xujch' yic'ot ti leto mi' lotob ti ts'ajquibil bʌ i yotot”. Che' yom ma' subeñob, che'en lac Yum.

Amos 3:9

Tsi' subeyon: Yom ma' pejcan jini yumʌlob ti Asdod yic'ot ti Egipto año' bʌ ti ts'ajquibil bʌ i yotot. Subeñob: “Tempan la' bʌ ya' ti' pam wits ti Samaria. Q'uelela pejtelel i jontolil jini año' bʌ ti Samaria. Q'uelela bajche' mi' tic'lañob i pi'ʌlob.

Malaquias 2:13

An yambʌ la' mul mu' bʌ la' mel. Mi la' cha'len uq'uel ya' ba' mi' yʌq'uentel i majtan lac Yum, come ma'anix mi' q'uel ti uts'at i majtan mu' bʌ la' wʌq'uen. Ma'anix mi la' tajben i yutslel i pusic'al lac Yum.

Malaquias 3:18

Che' jini mi caj la' ña'tan mach lajalic mi' yujtel jini toj bʌ yic'ot jini mach bʌ tojic ti' yorajlel meloñel. Mi caj la' q'uel majqui wen chumul, jini mu' bʌ i melben i ye'tel Dios o mi jini mach bʌ anic mi' mel, che'en.

Malaquias 3:5

Woli' yʌl lac Yum: Talon c meletla. Mi caj c choc tilel castigo ti ora. Ora jach mi caj cʌq'ueñob i toj i mul jini xwujtob yic'ot mu' bʌ i cha'leñob ts'i'lel, yic'ot xlotob, yic'ot mu' bʌ i xujch'ibeñob i chobejtʌbal jini x'e'telob, yic'ot mu' bʌ i tic'lañob meba' x'ixicob yic'ot meba' alʌlob, yic'ot mu' bʌ i chilbeñob i chubʌ'an jini ñajt bʌ ch'oyolob, yic'ot pejtel mach bʌ añobic mi' bʌc'ñañoñob, che'en i Yum Panchan yic'ot Pañimil.

Mateo 26:56

Pero che'ʌch woli' yujtel cha'an mi' laj ts'ʌctiyel i Ts'ijbujel x'alt'añob, che'en Jesús. Ti pejtelel xcʌnt'añob tsi' cʌyʌyob Jesús. Tsa' puts'iyob.

Deuteronomio 28:33

Pejtelel i wut a pʌc'ʌb mi caj i c'uxob yambʌ tejclumob mach bʌ a cʌñʌyic. P'ump'un jax mi caj a tic'lʌntel ti pejtelel ora.

Deuteronomio 28:48

Jini cha'an mi caj a yuman a contrajob mu' bʌ caj i choc tilel lac Yum. Mi caj a wubin tiquin ti' yic'ot wi'ñal yic'ot tsʌñal che' ma'anix a pislel. An cʌbʌl chuqui mi' cajel ti falta a cha'an. Jini a contra mi caj i yʌq'ueñet al bʌ a cuch jinto mi' jisañetla.

Santiago 5:4

La' wilan c'am woli ti t'an jini taq'uin, come ma'anic tsa' la' tojo x'e'telob la' cha'an tsa' bʌ i tsepbeyetla la' jamil. Tsa' c'oti i t'an la' waj tsep jamob ti' chiquin lac Yum, jiñʌch i Yum panchan yic'ot pañimil.

Juezob 4:3

An i cha'an jini rey Jabín jo'c'al i yuxbajc' (900) carreta tac melbil bʌ ti tsucul taq'uin. Junc'alix jab woli' yubiñob wocol jini israelob. Jini cha'an c'am tsa' caji i pejcañob lac Yum.