9 ¿Chuqui mi lac taj che' bʌxonla ti cabʌl e'tel?
Pejtel e'tel mu' bʌ lac mel mi' yʌc' i chobejtʌbal. To'ol t'an mi' yotsañonla ti pobre.
¿Chuqui mi' taj winic cha'an i ye'tel ti yebal panchan, anquese wocol mi' cha'len e'tel?
Tsa' caji j q'uel pejtel c melbal yic'ot pejtel jini wocol tsa' bʌ c ñusa cha'an mi' joloñel que'tel. ¿Chuqui i ye'tel ti yebal panchan? To'ol ic' jach woli cʌsin.
Jiñʌch wen ch'ijiyem bʌ, come che' bajche' tsi' q'uele pañimil che' ja'el mi' caj ti chʌmel. ¿Chucoch tsi' lon cha'le cabʌl e'tel yic'ot tsic pusic'al? Lolom jach. Tsa' wejlunti majlel cha'an ic' yilal.
Come ¿chuqui mi' taj winic mi tsi' lon ch'ʌmʌ pejtelel pañimil pero mi tsa' sajti i ch'ujlel? Mi tsa' sajti i ch'ujlel winic, ¿chuqui mi mejlel i yʌc' cha'an mi' cha' taj?
Mic subeñetla ti wocol t'an, jac'benla hermanojob mu' bʌ i melob che' bajche' jini, yic'ot pejtelob mu' bʌ i cha'leñob e'tel cha'an mi' coltañob i cha'año' bʌ Dios.